#قصة_عضوة_من_الخاص تزوجت شخص مايحبنيش
اني نقرا ف الجامع وتعرفت عليا اخته وجت خطوبة بسرعة لانعرف الحب ولاتعارف ولاشيء من يومي من قرايتي لا الجامع للحوش حتى الزيارات العائلية ماكنتش نطلع هلبا
شفته ف رؤية شرعيه علي السريع وكان حاط راسه تحت واني نفس الشيء .. ولاكلمني ولاكلمته
جي وقت الفرح وزي كل بنت فرحانه بروحها وتجهز
يوم الخميس جي روح بيا وطول الطريق ساكت واني ساكته واول ماوصلنا خش دار نوم سبقني خدي بطانية من دولاب ووسادة وحطها في دار المعيشة استغربت من ردة فعله واني خشيت دار نوم قعدت مقعمزة مقعمزة ونستني فيه وهوا لاكلمني ولاشيء
بعدين خش خدي حوايجه من دولاب وقالي نوضي ارمي فيلو متعك ماتستننيش وغدوا توا نهدرزو
مادرتش في بالي شيء ولكن قلت بالك متوثر او منحرج خليه علي راحته نضت رميت الفيلو وخشيت دوشت وتوضيت وصليت ومجرد ماحطيت راسي رقدت من تعب تاني يوم نضت جهزت روحي وخشيت المطبخ جهزت سفرة الفطور وخشيت انوض فيه فز وقالي —-ليش تنوضي فيا شن تبي مني وبصوت عالي
ويفنص في عيونه لين خفت قتله الفطور واتي مش علي شيء تاني انوض فيك
رد وقالي من قالك نبي نتسمسم اني
قتله سامحني ومشيت غطيت الفطور وخشيت الدار قعد نص ساعه وخش الدار خدي دبشه وخش يدوش وبعد ماطلع من الدوش قالي غيري حوايجك ومعاش تلبسي هكي قدامي وماتراجي مني شيء اني مش مقتنع بيك ومانبيكش كلها شهرين ونطلقك واللي نبيها تكمل عدتها ونتزوجها وطلع
اني من الصدمة معاش عرفت نرد انصمتتت وتحجرت في مكاني في الاول سرحانة بس بعدين فكرت شن بنقول لي اهلي شن بندير نستناه لشهرين ولا نخبر اهلي ونروح قعدت نبكي بهستريا خديت هاتفي واتصلت ب اقرب صديقة ليا نكلم فيها وخانقتني العبرة لدرجة البنت انخلعت ومافهمتش مني ولاكلمة العبرة تنفض وتواطي فيا بعدين قعدت تقولي اشربي ميه هدي روحك وكلمة كلمة بيش نفهمك شغلتيني شن صاير معاك
حكيتلها اللي صار ودبرت عليا اني نصبر عليه ومانعدلش عليه نلبس اللي نبيه بحجة اني في حوشي وقاتلي توا غير ف البدايه توا يتقبلك
قتلها باهي لو صار العكس
قاتلي تفائلي خير وماتحكيش لحد لاهلك ديري زي ماقتلك بس وخلينا علي تواصل واحكيلي شن يصير معاك
سكرت منها واطمئنيت شوي نضت بخرت وحوست علي روحي ودرت شعري ولبست قفطان قصير احمر رفيه فتحة من الفخدة وحطيت مكياج بسيط اني كيف كملت وجوني العيلة اهله هوا دخلتهم الصالون وقعمزت بحداهم شوي وبعدين نضت بنضيفهم لحقتني حماتي هدرزت عليا شوي وحسيت في فمها كلام سكتت شوي وبعدين قاتلي وين —— …يتبع …
لو تبو انزل التكملة بعد شوي خشو ديرو متابعة
