قعمز هوا وبوي ومانعرفش علي شن تكلمو ولا علي شن تناقشو اللي صار بوي خشلي وقالي وتي روحك راجلك جي بيروح بيك
قتله وين بيروح بيا ؟
قالي حصلك استديو صغير جنبه وبتروحي معاه
قتله يابوي اني عندي شروط
قالي شن هما شروطك جيبي قهوة وتعالي للمربوعه
خشيت نطيب في قهوة ونسقطر فيه بالسـ/ـم
وامي تقولي عيب يابنيتي مشي امورك كيف ماتمشي احسنلك من قولة مطلقة ومدام جاك الا شاريك ويبيك
قالها لا اكيد امه جاعت عطهم سقطار استغفر الله
طابت القهوة ورفعتها خشيت وقلت السلام عليكم
قام راسه فوق شافني وقال وعليكم السلام
مانحكيلكمش علي حالتي كيف هملت نفسي في هالمدة اللي قعدت فيها لاكريمات ولاترطيب ولااهتمام ولاشيء
بوي تفضلي يابنتي مديت القهوة وقعمزت
بوي قاالي قولي شروطك راجلك يسمع فيك
قتله يابوي شرطي ماينقصني شيء ومايجبرنيش لانطيب لي امه ولا لي حد وكل خميس نبي نجي هني
بوي شبه ماكانش راضي بشروط ساكت ومش عاجبه وهوا طول قال موافق
قالي وتي روحك لاني مستعجل
خشيت نوتي ف حوايجي علي وصلة اختي لقت سيارة راجلي انخلعت قاتلي شن في ؟
قتلها سيد الحسن حصل استديو بيحطني فيه والحوش الكبير والواسع للملكة متعه
ويبي يروح بيا
اختي فرحت وقاتلي باهي طيب فيك لكن بتروحي هكي ؟
قتلها كيف
قاتلي نهارك الاحرش ليك مدة غايبة علي راجلك بتروحيله بشنابتك اللي زي ابو شهاب ولاحنه ولالهتمام ؟
قتلها غير نولي مرته علي حق وحقيق اني
اختي شهقت وسكرت الباب خافت حد يسمع
قاتلي كييييف كيييف
قتلها اللي سمعتيه من اول يوم قالي اني مانبيكش ولاتلبسي قدامي ولاتغريني ولاشيء اني نبي وحدة وبنتزوجها بعد ترمي عدتها وصار اللي صار وتزوجها واني قاعدة حالي هكي وماحد يعرف بالموضوع الا انتي توا
اختي يامصيبتك السودة النودة هدا مفروض ماقعدتيش معاه من اول يوم روحتي خيرك ياوخيتي شن اللي مصبرك هما كوم صغار وراهم ويروحو
قتلها فكرت في كلام الناس اللي شن بتقول عليا روحت من الايام الاولي
هما هما ليش ياخدو لولدهم بنت مايبيهاش
وهوا ليش ياخد ف بنت مايبيهاش ويعشمني حسبي الله ونعم الوكيل فيه 💔💔
اختي قاتلي انتي ماتعدليش عليه عيشي حياتك وماتنقصي علي روحك شيء حني اصبغي اهتمي بنفسك هوا توا يجي يوم ويجيك يجري
قتلهاااا جي واني اللي رفضت زي درويشه مش عارفه شن جاني
قاتلي سيوره يرجع
قتلها الضرة مرة ياوخيتي ان شاءالله ماتجربي شعوري 💔💔
قاتلي عارفه ياوخيتي اصبري وتوا تنالي تعالي الخميس الجاي واني نحوس عليك حتى بين عربك ماتقعديش هاملة نفسك حتى لروحك
قتلها ان شاءالله هي قالي ماتعطليش
وتيت روحي وطلعت دبشي ولقيته راكب في سيارة يستني خدي حوايجي ركبهم واني سلمت ع امي ودمعتها في عينها واجعها حالي 💔💔
امي قاتله رد بالك عليها يافلان
قاللها ان شاءالله وخشت عرفتها بتبكي
حتى نا سبقتني دمعتي
وقعدت نشبح جهة الروشن
وصلت الحوش دخل معاي الشناطي وعطاني مفتاح الحوش وقالي هدا رقمي كان استحقيتي شيء
وهوا مشيء 💔💔
الحوش كان قريب علي حوشه بينه صور بس
خشيت ادهور ف الحوش كان صغير وحلو فيه جنان معشب ونافورة صغيرة وطاولة برا
وداخل كان مطبخ بار وفيه بلكونة وصالون ودار نوم وحمام وكان اثاته حلو علي الأخر كامل مكمل
خشيت نرتب في حوايجي وحاجاتي ماحسيتش بالوقت لعند اذن العشاء كملت ع الأذن رن الجرس لقيتهم حمواتي سلمت عليهم ورحبت بيهم قالولي طيب فيك ونورتي الحوش قتلهم صحيتو تحشمت كنت لابسه بجامة عاديه وشعري كعكه وبدون لامكياج لاشيء وعلي طول فكرت ف كلمة اختي لما قاتلي شنابتك 💔
قلت يلا معليش هما يعرفو شن كان ظرفي
جايبين معاهم حلو قتلهم تفضلو ان شاءالله في قهوة قاعدة ماشفت شيء
ردت حماتي قاتلي كامل مكمل طلعني اني ناخدلك ف الناقص من طقطق ل السلام عليكم
قتلها صحيتي وسامحيني علي تعبك
كيف حال عمتي ؟
قالولي بتجي معانا قبل شدو عليها رجليها قتلها معليشي مش لايمة عليها توا غدوا نمشيلها رغم انها بعدت عليا شوي ضروري نطلع الشارع بيش نمشيلها
قالولي لالا في باب فلان اللي هوا راجلي فتح باب بينك وبينه بيش ماتمشيش في الشارع قتلهم باهي كويس
درت القهوة وشربناها مع الحلو اللي جابوه قالولي هي تعالي جايبين عشاء من برا تعالي تعشي معانا
قتلهم عندي حوسه بنديرها توا خليها مره اخره
قالولي علي راحتك
سقدتهم وروحو ضميت المطبخ وفتحت الثلاجه لقيتها معبيه مش ناقصه شيء نهائي ثلاجة عرسان ❤️
درت تست وتعشيت بيه ورقدت من التعب مع ساعه 12 سمعت الباب نفتح نضت فزيت طلعت من دار لقيته _____ يتبع
م تنسوش المتابعة يا بنات باش توصلكم تكملة القصة
خشو ديرو متابعة لي حسابي ♥♥
