الجزء يلي قبل الاخير
#تكملة_قصة_تزوجت_راجل_مايحبنيش جزء 21
اول مارقدت علي السرير والدكتور بدت تشوف وبتركيز وتعاود وتحرك ف الانتراساونت سكتت شوي قاتلي وليد ماشاءالله وطمنتني علي صحته وعطتني فيتامينات وروحت فرحانه قلت ياررب عوضني باولدي خير
اول ماروحت امي سألت قلتلها وليد
وطبعاً طول بشرت عزوزتي قاتلها جايكم وليد في الطريق
وهوا ماصدق عاد جي يجري
وقداش ليا معاش طلعلتله هداك اليوم طلعتله
قتله لاولد ولابنت يربطني بيك تبي الصغار جيبهم من مرتك اني من اخر مره كنت جايه فيها ناويه نطلق ومعاش نرجعلك وماتوهمش نفسك وتقول هادي تتوحم اني قلبي مليان منك واصلاً واضحة من البدايه مش حانحبو بعض ولا حانكونو لبعض الشيء اللي خلاك ماشي جاي عليا فقط ولدك وولدك من حقكك انك تشوفه بعد يجي علي الدنيا ام اني اعتبرني ذكري في حياتك وذكري مش حلوة زيادة
زي ماانت كنتلي اسواء شيء نذكر فيه
جمعت خوتي وقتلهم نبي نطلق وقتلهم من الاول هكي قالي وهكي قالي ولما حياة بوي رجعني كان بشرط العدل بيني وبين ضرتي ولكن العدل كان مافيش يجي ياكل عندي ويبيني نطيب ونغسل ولانطلع ولايجيب الناقص الا بشياط ريق خلاص اني مش مجبوره نعيش معاه ونتحمله من الاول مايبينيش وامه جبارته علي الزواج وتخيلو انتم يجبروكم علي شيء كيف بتتعاملو معاه
خوتي خلولي حرية الأختيار قالولي اللي تبيه ديريه اهم شيء تفكري كويس وماتتدميش علي قرارك
قتلهم مستحيل نندم القرار هدا كنت متمنية نأخدة من لما كان حياة بوي حي ولكن كنت خايفه من ردة فعل بوي 💔
واليوم قراري نقول فيه وبدون خوف خلاص
فاتو عليا شهور الحمل وهوا ماشي جاي زي السراق ياخد ويشري واللبسه اللي تعجبه يجيبها وعلي امله نغير رايي واني ثابته علي قراري امي وبعض من خواتي ماكانوش راضيين ويقولولي كلمة مطلقه مش ساهله يابال انتي عندك ولد تحملي وتوا الولد يخليكم تحبو بعض وتتعلقو ببعض
ع قد الكلام اللي يحكو فيه اني نلوح فيه وراء ظهري لان مافيش حد فيهم عاش اللي عشته تعيشي مع انسان انتي مجبوره عليه
قبل موعد عمليتي ب حوالي ثلات اسابيع او اربعه غيب ومعاش جي سمعت بمرته حامل
جيت ل امي وقتلهم شفتو كيف كان يجي وماشي جاي عليا نقوللكم مش حب فيا ولايبيني كله عشان العيل اللي جاي وبس
جي يوم عمليتي لقيته قدامي في المصحة بيش بيكمل الاجراءت فتت من جنبه ولاكأنه يعنيلي شيء
درت عمليتي ونضت علي خير اني والبييبي
وجوني احبابي امي وخواتي وعزوزتي وحمواتي
الا هوا ماخشش وعندي عادي جداً زي بيه زي بلاه
قاتل عزوزتي فلان خش وشاف البييبي قال يشبهلي
قتلها يتخايل يشبهلي اني
عزوزتي ضحكت وقاتلي من كثر ماتوحمتي عليه جي زيه غير انتي بالك ماركزتيش فيه
قتلها من قالك توحمت عليه
قاتلي هيا هيا شديلنا صحتك بنديرلك لمة ماهي لمة غير تروحي لحويشك
قتلها عمتي المي والملح تم بينا كل حد في حاله وخوتي حايكلموه يبداء في اجراءت الطلاق
عزوزتي شهقت وجتها صدمة ليه عليك يابنيتي
قتلها عمتي انتي اكثر وحده تعرفي كيف كنت عايشه معاه والمعامله كيف
قاتلي يابنيتي توا الولد يقربكم لبعض
قتلها لايقرب ولايبعد من الاول مايبنيش واني فرضت روحي عليه مره واتنين ونقول توا يتعلق بيا وتوا يحبني لين جابها علي راسي ضره وزاد احرف من قبل وكثرو عليا المشاكل ياسرني كنت نكلم فيهم والعبره ترفع فيا وتواطي
عزوزتي سكتت ووحدة من حمواتي حبت تغير الموضوع قاتلي بوه قال بنسميه زين
قتلها لازين لانحول اني بنسميه علي حياة بوي محمد
عزوزتي خير الاسماء وان شاءالله يأخد عمر جده
مع العشيه روحو وقعدت بروحي جنبي وحدة بيني وبينها ستار زوجها قاعد معاها وجايبها ورد ويهدرزو وفرحانين بالببيبي اللي جايهم ويوكل فيها ويسعد فيها لعند المغرب روح اني ماحسدتهاش ولكن تمنيت روحي زيها كنت غامة روحي بشرشاف ونبكي مقهورة علي نفسي ديما نقول اني كنت نستاهل راجل يحبني ويخاف عليا ويدلعني ولكن لااعتراض علي حكم الله ويمكن فيها خيره ليا
شديت صحتي وروحت بوليدي ومادرت ل لمة لاشيء امي خصصتلي دار ليا ولي ولدي ودارتلي فيها دار نوم فرديه وسرير صغير للببيبي وخواتي مزينينها وهداك الوشق يفحفح فيها
هداك يوم وهدا يوم ولدي عمره شهر لاجي شافه ولاطل عليه لاهي بست الحسن اللي بتجيبله ولد قالو
جمعت خوتي وقتلهم خلاص الموضوع معاش نبيه يطول كلموه وقولوله علي الطلاق
كلموه خوتي وقالوله تعال نبوك في موضوع
وجي وقعمز في المربوعه ____يتبع
للحديث بقية ديرو متابعةﹺ بيش يوصلكم الجزء الاخير بعد هدا
