ليوم نزلتلكم جزئين مع بعض 9و10🧡 م تنسو تخشو اديرو متابعة لي حسابي باش توصلكم باقي الاحداث
#نبدو القصة👈🏻نكلم فيه من تحت الغطاء قتله احسن الحمدالله قالي اختي وتتلك فطور تلقيه ع طاولة اني عندي موعد مستعجل قتله تمام قاعده اختك ولانطيبلكم غدي اني
قالي لا توا نجيب من برا ونتغدا اني وامي اختي بتروح
اني سكتت وفي داخلي معقولة لدرجة هادي حتى غداء من برا ماتبيش تحسبني فيه وعارفني مريضة
لكن اني اللي ضيعتك من ايدي نستاهل انت جيت لعندي وصديتك 💔💔
قعدت ع الحال هدا يبات عند امه واني نطيبلهم ونرفع وناخد في حوايجه ونغسل فيهم ونجيبهم محددات ومطبقات ريتو الخدامة اني هيا
ومش عارفه ليش متنازله علي كل شيء
كان يطل عليا مره مرتين في اليوم توا لين نفتح الباب بيش نلقي القضية وكان تلاقيت معاه في حوش امه يدير روحه ماشافنيش
عمتي مش زي اول ماجت لحوشي واني عروسه معاملتها عاديه تقولي صحيتي ع الغدي ولكن لاتهدرز معاي ولاتفتح مواضيع واني مره اتنين هكي بديت نحط في الغدي ونطلع ولا ناخد حوايجه ونطلع
واهلي يرفع فيا ليهم خميس بعد خميس مرات يخلي فيا نبات ومرات لا امي كانت ديما حاسه بيا مهمومه ومضايقه تقولي بنيتي فيك شيء نضحك ونقوللها بنيتك في خيار خيرها غير نستاحش فيكم بس 💔💔
جي الخميس اللي مفروض نقعد فيه ف الحوش قالي وتي روحك بنرفعك لاهلك اني فرحت الحق لاحد يخش عليا ولا نطلع غير ل اهلي خديت لبسه معاي وحاجات بسيطه ومشينا
بعتت لخواتي مسج قتلهم تعالو خاطري في لمة معاكم وخاطري في بيتزا علي الجمر
جو اخواتي والتمينا وضحكته ضحك يومها قداش ليا معاش ضحكت هكي وسهرنا وهدرزنا لقرب الفجر
تاني يوم قلت اكيد علي عادته توا يجي بعذ الغدي تغديت وجهزت روحي جي المغرب وماجاش روح بيا ومتحشمه نقوللهم ماعنديش رقمه واصلاً كان قلته بننكشف علي طول كيف متزوجين شهرين وماعنديش رقمه !!
اذن العشاء بوي قالي هيا نروح بيك اكيد راجلك مش فاضي اني طالع طالع
قتله باهي مروحه وفي غصة في قلبي نحس في قلبي مقبووووووضض هكي ومخنوقه وخاطري نبكي
اول ماوصلنا لقيت زحمه في حوش عزوزتي قتله ياساتر يابوي كان ماعزورتي اشبح شن صارلها
قتله نزلني هني نزلني نزلت وبوي توكل علي حاله عنده موعد
اني خشيت ونلقي حمواتي لابسات وعزوزتي هديكا تخليلة والحوش معبي وناس محنيه ومكياج ولبس اني جتني دوخه رفعتني وجابتني طايحة 💔
جتني حماتي تجري رفعتني لدار ونسمع فيهم يقولو هادي ضرتها ؟
حماتي بختني بريحة وقعدت تخبط علي خدودي
لين فقت قتلها فلانه شن في ؟
قاتلي مفروض انتي تكوني متهيئة لشيء هدا انتي عارفتيه انه مجرد ترمي عدتها حايتزوجها
اني 💔💔💔
نبكي بالعبرة ومش قادره نأخد حتى نفس
حماتي فلانه الحوش وله ليها هيا وحوايجك اهما في الدار اهيا هادي دويرتك بإذن الله ماتخربيش حوشك والشرع حلل اربعة
وكانك عليا والله ماني راضيه ع اللي صار ولامشيت حوايجك بكل ً فلان جاب عاملات هما اللي حطو كل شيء في شناطي ودارو دورة علي الحوش وانتي وراحتك والله مانغصبك علي حاجة وطلعت
مشيت وراها وسكرت الباب بالمفتاح
فكرة تأخدني وفكرة تجيبني نروح لاهلي ؟؟
امي ترعش ونكد عليها وبوي صعببب 💔💔
نتتحـ'ـر نأكل حبوب نشنـ'ـق روحي
نمشي في هديكا الدار اللي كانت فيها سرير متع حماتي قبل وزيانه صغيرة ودولاب وشناطيا محطوطات علي جنب
نمشي ونجي ونخبط ف وجهي مش عارفه اي قرار نتخده حسيت الموضوع نزل عليا صاعقه حسيتها ضحكه رفعني وخدي حوايجي من وراي انغصيييت في قلبي 💔💔💔
قعمزت ع سرير وفكرت وقلت ——
