#تكملة_قصة_تزوجتراجل_مايحبنيش
كلموه خوتي وقالوله تعال نبوك في موضوع
وجي وقعمز في المربوعه وقالوله خوتي علي موضوع الطلاق قاللهم اصلاً بنبداء فيهم اجراءت الطلاق اني
قالوله باهي خير وخير خوتي
وطلع روح وبدون مايطلب يشوف ولده
بعد اسبوعين ثلاته هكي اطلقت
اليوم هداك لاعرفت نبكي لانضحك الشيء الوحيد اللي مصبرني اني طلعت بولد نساني الهم وكل مانشوفه نرتاح وننسي كل شيء
هوا عاش حياته وبعد مدة مرته جابت ودار اسبوع كبير وذبح حتى جمل
عمتي قاعده نتواصل معاها وتسأل عليا وتجيني هيا وحمواتي ومش مقصرين مع ولدي ديما يحسبو فيه
والعلاقه بين ضرتي وعزوزتي مش تمام يلا عزوزتي تواصل فيا جبدت روحها منها ومعاش تمشيلها
وولدها ولاعباله اهم شيء سنيورته مرتاحة
كبر وليدي وصل عمره سنه جاني نصيب وقعدت مدة لباس بيها نفكر وسمع السيذ ناض بيخرب عليا زواجتي ويهدد فيا بولدي بيأخده مني
سبحان الله لاهناني واني معاه ولا اني بعيده عليه
الموضوع اللي خلاني نفكر فيه انه راضي بولدي معاي وهوا عنده بنيه وزوجته متوفيه وراجل ملتزم ويخاف الله خوتي وخواتي وامي قالولي تسقدي علي حالك ولدك مش حاياخذه منك ولايقدر يتحمل مسؤوليته ولاحاترضي بيه مرته بس يضغط عليك
وبعد صلاة استخاره كم من مره وافقت وتزوجت الحمدالله ربي عوضني براجل يحبني ويخاف عليا ومهتم بيا الحمدالله نعم الزوج والسند
درت يوم بسيط لمة لميت خواتي ولبست قفطان حلو وقعدنا فترة اسبوع في فندق وبعدين روحت للحوش وجابولي ولدي وهوا جاب بنته تعوضت بنعم الزوج وعيلة زوجي حتى هما ماشاءالله
طبعاً تلاقيت مع طليقي في منتزه ماشيين بنلعبو الصغار لقيته اللي صدمني ولدي مايعرفاش ولاهوا يعرفه من لما مولود معاش شافه
قعد يركز فيا واني مش حاطه عيني عليه طلبت من زوجي نمشو مكان تاني قالي لا خليك
قعدنا نص ساعه وجي خدي ولدي وحضنه وباسه وصغار مرته وولده معاه صغار مرته ينادو فيه بابا وولده ينادي في زوجي بابا وهادي الدنيا اني قعدت مقعمزه وزوجي قدم خطوات بعد حضنه وباسه زوجي خدي ولدي وطلعنا من المنتزه ومشينا تعشينا في مطعم
بعد اسبوع طلع بقرار ع اساس بيشوف ولده كل خميس بياخده ويرجعه الجمعه
اني رفضت زوجي قالي لا غلط من حقه ماتحرميش الولد من بوه حرام عليك
اقل شيء يقعذ عنده ساعات عالاقل يعرف بوه ويتعود عليه اهو اني بنتي كل خميس وجمعه عند جدودها ماحرمتهاش منهم
