شوي وسمعت خطوات والخطوات كل مره تقرب من الدار واني يابسة ف السرير ونرعش ودموعي مطططططرررررر عيوني علي الباب يد الباب نفتحت بشوي الباب نفتح من هنا ونركها عيطة من هنا الدنيا ظلام قالي خيررررك
قتله هوا انت ونفخت وقعدت نبكي
قالي توا باب مسكر من بيخش عليك ادروشتي انتي ولاشنو
قتله خيرك انت ليش جاي وشن كسرت
انكسرت مني طاسه جاي بنوضك نقولك اكنسيها كان نايضه
توا نكنسها مشيت نضت للمطبخ كنست الطاسه المكسورة ورجعت لدار لقيته يشم ف عطوري وف ايده الععطر اللي كنت حاطه منه العشيه يشم فيه ومغمض عيونه
قلت احمم احمم
حط العطر بقوة لين طاح
قتله ادور في حاجة ؟
قرب مني وقالي اأهه بتوثر ومش عارف شن يقول واني دقات قلبي بزيادة ادق
غمضت عيوني حسيت نفسه قريب عليه فجأه دفيته وقتله شن تبي مني ؟.
قالي ندور ف العطر متعي عندي موعد غدوا
وخدي عطره وطلع
اني قعمزت علي السرير وقعدت نقول شن درت كان حايبادر خيرني اني سمعته سكر الباب وطلع
قعدت نلوم في نفسي ونعاود قريب لطمت حتى خدودي مش عارفه عبيطه ولاغبية اني ولانتغلي 💔
توا مزال بيرجع ولا بيقدم خطوة زي هادي واني درتله هكي 💔
تمددت علي السرير وحاولت ننعس لكن ماجاش النوم قعدت لين اذن الفجر نضت صليت وجتني غفوة رقدت لساعه 9 ونص نضت حوست علي حالي ولبست قفطان فضفاض ولعند الركبة وشعري درته كعكة وحطيت تنت وكحلت عيوني وبس وبخرت وكيف بندير قهوة رن الجرس متع الباب شفت من العدسه لقيت حماتي
طفيت ع البكرج وفتحت الباب استقبلتها وسلمت عليا قاتلي معاش شفتك قلت نجي نشرب معاك قهوة الصبح قتلها تفضلي كيف بنولع علي البكرج اهو
قاتلي ماشاءالله من محنيك شكلها جديدة قتلها اختي فالحة فيها وحنيت ف السبوع لما مشيتلهم
قاتلي صحة كيف حالهم اهلك قتلها كويسين عمتي كيف حالها ؟
قاتلي معاش نزلتي ؟
صبيت القهوة وقتلها تعالي قعمزي نشربو
قتلها الحق معاش نزلت حسيتها لاهيا ولا راجلي صدقوني واعييت واني نحلفلهم نقوللهم والله مامريضة توا بالله عليك كان مش واثقه من نفسي نقوللهم ارفعوني لدكتور تاني ؟
قاتلي وعلاقتك مع فلان شنو
سبقتني دمعتي وقتلها سيب الحوش وخدي حوايجه من كم يوم مانعرفش وين يبات
قاتلي لقيت شبشبه قدام مربوعة اهلي واني واخذة علي خاطرها مش فاهمه الموقف قالت ماتبيش حتى اطيبله يجيني جعان واني اللي نطيب حتى زوجته مارتحتش
قتلها لالا غلط هوا اللي سيب الحوش اني مستعدة نطيب ونغسل حتى مايبيش يقعد في الحوش ياخد وجبته وياكلها تحت ولكن هوا مايبيش يقعد هني امس بس قعد وشرب قهوتها ومع المغرب مشي غير هكي مانشوفش فيه واني ماتهونش عليا عزوزتي اطيب وتقعد حاصله فيه وهيا ف العمر هدا وتوا كان جي اليوم توا نوقضه علي وجبته ياكلها هني رضي باهي مارضاش ماعندي مانديرله
قاتلي سامحيني نكدت عليك ف هالصبح
مسحت دموعي وقتلها عادي تعودت عليهم هالايام
قتلها اقعدي نديرو الغدي جميع
قاتلي سامحيني بنطيب عند امي خاطرها في دشيشة بنديروهلها
قتلها علي راحتك قاتلي تعالي طلي علي امي والله ماتضايق منك راهو
قتلها توا نطيب الغدي لفلان وبعد الغدي نجيكم شوي
مشت روحت حماتي واني غسلت فناجين القهوة وحوست ع الغدي درت رز مسقي بالبصلة ومعاه طاجين جبن وصلاطه وراجيت راجيت لعند ساعه 2 ونص وتيته في سفرة ومشيت لحوش عزوزتي لقيته مع امه واخته ف الدار يهدرز
قتلهم السلام عليكم
عزوزتي من راس خشمها وعليكم السلام حماتي وهوا وعليكم السلام
حطيت السفرة وسلمت علي عزوزتي مدت ايدها من غير نية خنقتني العبرة وقلت اهو الغدي تغداء انت وعمتي وفلانه وطلعت
لحقتني حماتي تجري اقعدي خيرك بنديرو شاهي
قتلها حاسه روحي راسي بنتكي معاش جاني نوم من الفجر
قاتلي باهي علي راحتك وصحيتي ع الغداء قتلها صحة
واني كيف ماشيه ونمسح في دموعي لحقني وقالي —— يتبع
