رقدت وحسيت بحد في الدار نضت شفته لقيت راقد جنبي وعاطيني بظهره قعدت نشوف لملامحه ولي اول مره نركز في ملامحه راجلي وحلالي علي سنة الله ورسوله اول مره نركز فيه ونعيش اللحظه هادي فجأه تقلب وقعد وجهه في وجهي وعيونه مغمضات وراقد واني نشوف وواخدة راحتي عاد ويجي هاتف فجأه فتح عيونه لقاني نشبحله
فزز وناض خدي الهاتف تلامحت الاسم كان مسجله حبيبتي
نقلبت لجهة تانية ودمعتي في عيني سمعته يقوللها راقد في صالون خيرك انتي اني نحبك انتي وانحبك انتي
وقعد معاها ع المكالمة قريب نص ساعه وكأنه تلهي فيه وخايفه عليه مني 💔
بعدين لما خش لقاني نايضه
قالي نايضه قتله شن تشوف فيا ؟
قالي ديري مشقشقات خلي نكسدو ع تلفزيون
قتله بنكمل نومي ماخاطريش
قعد يبتسم ويقولي غير هيا نوضي
تعودت من شطان وقولت نوضي واكسبيه ومعاش اطفشي الراجل منك
نضت خشيت المطبخ وهوا شغل التلفزيون وتيت السفرة وحطيت معاها عصير طبيعي وكيف بنقيمها طاحت طاسه عليا بجامتي تلبزت بالعصير
خشيت غيرتها لبست بجامة حمراء د/م غزال وحطيت من العطر اللي يحبه ودرت شعري ربطة خفيفة
وبجامتي هادي كانت نظامها مفتوحه من فوق شوي وجيته بالسفرة ف البداية كان مش مركز لاهي يغير في القنوات وبعدين حط علي مسلسل وشافلي قالي خيرك بدلتي حوايجك ؟
قتله تبزع عليا العصير
قالي بجامتك هادي احلي
تبسمت ومديتله العصير انسجمنا مع المسلسل وهوا كل شوي يشوف لهاتفه تلامحته صامت وتتصل بيه اخر شيء داره مقفل ولوحه ع الفراش بغيض اني درت روحي مش منتبهه
تم المسلسل قتله ترا ريموت بنغير نشوف حاجة تانيه
قالي اهو خوديه بروحك تمديت بنأخده وشعري طاح علي وجهه فجأه شدني وقعد ياخد ف نفس طويل اني انفجعت من الشدة اللي دارها علي فجأه وقعد يقرب بشوي ومغمض عيونه دقايق والباب يقربع قريب يتقلع ناض هوا فز واني لبست ملايتي
فتح الباب لقاها اخته
تعيط وتقوله امك زود طاحت قدام الحمام
خش خدي مفتاح السيارة واني لبست عبايتي ع السريع
وطلعنا ف جرته نجرو لقيت عزوزتي مرميه رفعناها لاقرب مصحة لينا وطلع عندها هبوط سكر دارولها اسعافات الحمدالله جتها بسيطه قعدت في الملاحظة وحماتي معاها واني وياه قعدنا برا
قرب مني وقالي ليش جايه معاي ماتشميش ف العطر متعك مفحفح دنيا كلها
قتله طلعت مستعجلة وكيف مانجيش معاكم وهيا في الحالة هادي والعطر من الصبح حاطته هوا قوي شن ينديرله
قالي هدا ديريه لما عارفه روحك بتقعدي في الحوش وبسسسسس وبعصبيه وحامق
قالي بنخش نشوفهم كان مطوله بنوصلك ونجي ناقص غير الماشي والجاي يستنشق في ريحتك
خش لدكتور شوي وجاني قالي هيا اركبي ف سسيارة بنوصلك وبنجي ركبت وكان يجري ف سرعة خيالية واني ايدي علي قلبي
حتى بنقوله سوق بشوي مش قادرة نقوله من كثر مامتعصب حطني ف الباب ودور ووله
خشيت ضميت حوسة الصالون وقعدت نايضة نستني فيه بعد ساعه الا تلت روح لاقيته قتله شن صار فيها عمتي خاش يفنص وجوه مقلوب ماردش عليا خدي هاتفه وطلع
اني خنقتني العبرة مانحبش حد يستحقرني ومايردش عليها كيف عطيت بظهري بنخش لدار رجع فتح الباب وقالي —
