قمت حوسه وخديتها للمطبخ وهوا كان واقف في الباب شدني من ايدي حولت ايده وقتله خليني في حالي اني كان مش من العيب راهو حطيتلك شرط انك لاتقربني ولاتجي شوري وحاجاتي تنحط برا
قدم وقالي انتي مرتي راهو
قتله بالله عليك انت تعرف واني نعرف بلاش تكذب عليا ولانكذب عليك
كيف قرب مني اتصلت بيه المنجوهه بعد عليا وكان الصوت قوي شوي متع هاتفه
سمعتها تقوله وينككك عندها ولا ؟؟؟
قاللها اهو جاي بدون حتى مايتكلم سكر الهاتف وطلع واني مشيت دار نوم لبست بجامتي وجففتت شعري ودرته ظفرة خفيفة ورقدت
ماحسيتش بروحي لصبح عليه هوا حاط ايده علي شعري ويمسسحح عليه عيطت وجيت واقفه قتله شن ادير هني انت
قالي عادي جيت لحوشي عندك مانع ؟
قتله صبح يافتاح برا بالك مش مشاورها توا اديرلك دوشه من عند الصبح زي امس حتى وجهك وله الوان الوان
قالي انتي ماليكش علاقه بيها تمام ولاحارقتك لدرجة هادي ؟؟
بدي فيه اسلوب مستفز ماعرفتش يبي تركب فيا نار يبني نغار يبي يشوف غيرتي ماعرفتش كيف
مارديتش عليه وخشيت الحمام اكرمكم الله وطلعت
قتله بنمشي لي اهلي اليوم خميس
قالي محلك يومين مروحه منهم
قتله اللي اوله شرط اخره سلامه واني شرطي كل خميس نمشي لاهلي ونتلاقه مع خواتي ماعنديش ليش قاعده هنا ومخنوقهه
قالي ماعندكش ليش تنخنقي خليها للخميس الجاي مروحه منهم ليك يومين
وبعدين اليوم بنبات هني اني
ب اسلوب مستفز قتله امورك اني بنبات عند اهلي
قدم وقالي ماتعاندينيش وماتخربيش بيتك ب ايدك
قدمت اكثر وقتله لعلمك بس اني مش ميته عليك ولا عالعيشه معاك وكان مش من بوي راهو الطلاق عندي اهون من العيشه معاك
ضحك وقالي ههههه بعد شنو بعذ جبت عليك اللي نحبها خيرك قبل ساكته ومتحملة ؟؟
قتله ندير في واجبي شيء مش اكثر وهدا الشيء تربيت عليه
طلع ووين وصل في الباب قالي مشي مافيش واني بنبات هني ومن يوم وغادي يوم انتي ويوم هيا
مش هدا العدل اللي يبيه بوك ؟؟
قتله العدل اللي يحكي عليه بوي ف الحوش وف المصروف مش في حاجة تتانية
قالي لا العدل في كل شيء 🧡وطلع …..
اني درت فطوري توسات بجبنة ودرت شاهي خفيف بنعناع وقلت هي اليوم خلي نمشي لعمتي نطيب الغدي غادي ونتغذاء معاها
لبست ملاياتي وخديت هاتفي والمفتاح ومشيت
طلعت من باب جنان ضرتي ووشكلها مهناش مدام من صباح ربي لقيته عندي وواخد راحته سي السيد
صبحت علي عزوزتي ودرنا قهوة وشوي وخش علينا
قالي خاطري في بازين قدام امه
في خاطري طحطاح ان شاءالله
قاتلي ديرله بنيتي كلا مرته هادي ماديرله في شيء ياعشاء من برا يايمشي عند خواته ولايجيني اني
الباين عزوزتي مش عاجبتها ولاهي راضيه عليها من الأول
نضت زي المراه الطييه لحقني وقالي اهو لحم طازه ديريلي بيه
خديته ومارديتش عليه طيت الغدي وتغذينا
وقعدت للعشيه عند عمتي
مع العشيه موخر كلمني قدام امه وقالي هي كان بتروحي عندي حوايج يبو الحديد حدديهولي
في خاطري خدامتك اني ماهو نطيبلك ونحددلك وغيري مرتاح وعشاه وغداه من برا
روحت وقتله حوايج مش محددتهم تروح سنيورتك وتحددهم اني مش خدامتك بيش الشقاء ليا والراحة والهناء ليها
حسيته تعصب وقالي اوك توا نديرهم بروحي
وعدا لحوشه
واني قعدت ع تلفزيون لبعذ صلاة العشاء وين هوا جي اني نضت صليت وخشيت بنرقد وكنت نراجي فيه ع اساس قلت توا شوي ويجي يرقد ولكن تأملت ع الفاضي استنيت ل 2 ونص خلاص نعست معاش قدرت نقاوم
رقدت وحسيت بحد في الدار نضت شفته —— يتبع
بنات معاش مزال هلبا القصة قاربت ع الانتهاء خشو ديرو متابعة لي حسابي♥❤️🔥
