#تكملة_قصة تزوجت راجل مايحبنيش جزء 20
قعدت يومين وعلي اساس بنغير جو ماقلت لي اهلي شيء ثالي يوم فقت علي عياط امي تنوض في بوي مايبيش ينوض 💔
رفعناه نجرو للمستشفي طرنا بيه وطول الطريق كان لايتنفس ولايتحرك اول ماوصلنا دخلوه ف الاسعاف وفجعونا بخبر وفاته عدا سندي عدا بوي الحنين عدا اللي ربانا واللي ورانا انقهرت علي وفاته واني في المصحة ماتحملتش الخبر وطحت وسعفوني
ونضت بس الدكتورة قعدت تسأل فيا في اسئلة اني مش في بابها نضت من السرير ومشيت نبي نشوف بوي
امي لحقتني واختي قعدت مع دكتوره قاتلها خير يادكتورة ليش تسألي فيها
الدكتورة شاكه فيها حامل ياريت تصري عليها ادير تحاليل
اختي به ان شاءالله
جي خوي بيروح بينا اختي قاتله استني شوي
جبدتني وقاتلي لازم اديري تحاليل
قتلها ارحميني اني مش في باب تحاليل
قاتلي والله لو ماديري نكلم امي
قتلها تحاليل شنو وشنو بتقولي لامي
قاتلي الدكتوره شاكه فيك حامل
اني 💔💔
ياغبارتي السودة فوق فقدتي لبوي نسمع هالخبر
ومشيت للمختبر نجري درت تحاليل وفي داخلي ندعي نقول يارب اني مقرره ننفصل ماتخليش شيء يربطني بيه ياررررب نطلع مش حامل
بعد نص ساعه طلع تحاليل وقاتلي الممرضه مبروك حامل ليك شهر ونص قريب
اني في حويله نبكي ناري نار بوي وناري ع الخبر اللي سمعته 💔💔
______
( مفعول العطر يابناات تكمل روايه نقوللكن عليه )
نرجعو لبقية الرواية ——
روحو بينا وقعدو يكملو في اجراءت الدفن لبوي وكان يوم مفجع بمعني الكلمة
بدت تزحم الدنيا علينا والناس يجو يعزو
اني معاش تحملت خشيت الدار وسكرت علي روحي
دفنو بوي وعدا وخلانا 💔💔
بعد الدفينه جت اختي اطق عليا قاتلي عزوزتك وحمواتك بيعزوك طلعت سلمت عليهم وامي ماصدقت سمعت الخبر بكاته لعزوزتي
وعزوزتي واضح فرحانه وتوصي فيا علي روحي وردي بالك وكولي وكدا
وشوي وروحو ماعطلوش مع المغرب قعد يتصل بيا واني مش طايقه نرد عليه
بعد شوي جتني اختي وقاتلي راجلك يبيك برا
اني !!!! خيره شن يبي
اختي توا هدا كلام اكيد بيعزيك اطلعي شوفيه من جهة المطبخ تلقيه
طلعت واني وجهي مقلوب عليه لقيته جايب حلو وعشي من برا وحضني وعزانس واني بعدته من عليا وقتله اللي جايبه هدا اني مش في بابه
قالي عارف وعارف انك راح تتكلمي ولكن سمعت انك حامل وحط ايده علي بطني قالي نبيك اديري بالك علي البيببي وتاكلي كويس
حولت ايديه وخليته وخشيت
بعد اسبوعين جي بيروح بيا رفضت امي قاتله معليشي خليها فاقده بوها وتتوحم اهني نهتمو بيها احسن
بعد شهر بزبط جي بيروح بيا بسيف عليا ورفضت ودرت دوشه وطلبت الطلاق
وكان يجي شبه يوم بعد يومين ثلاته ياخد ويكدس حلو علي حار ويقول لامي شوفيها بالك خاطرها في شيء
كلهم كانو يحسابوني وحم مأثر فيا واني كارهته ونتوحم عليه ولكن اني في داخلي كرهته توا جاي يهتم بيا بعد سمع بيا حامل وين ايام قبل لما كان يجرح فيا وياخد ف حاجته ويمشي قهرني في عرستي وماتهنيت زي اي عروسه لاطلعت لادهورت لاعشت حياتي انهنت وبس 💔💔
جت عزوزتي وقعدو يحكو في موضوعي سمعت امي تقوللهم خليها تكمل وحمها وتوا تروح هيا مسألة وحم بس وتخلطت عليها متأثره حتى علي وفاة وبيها
ردت عزوزتي اني والله يسحن في كبدي كل يوم يجيني ويقولي هيا امشيلها بالك تروح معاك بالك تقعد حتى معاك راضي المهم تروح وتكون قريبة عليا نطل عليها ونطمن
وضرتها المسحونه من لما سمعت بيها حامل مشت لي اهلها معاش رجعت
في خاطري ترجع ماترجعش اني مايهمنيش
قعدت قضيت فترة الوحم وعزوزتي ماسيبتنيش وهوا برضو ياخذ ويكذس ومانطلعش نشوف فيه مجرذ مانسمع بيه جي نسكر علي روحي
خشيت الرابع وليا اسبوعين فيه رفعتني اختي مشيت نطمن ع الببيبي اللي تعلقت بيه وقلت ماذنبه شيء منكن هدا نلقاه او نلقاها سند ليا
اول مارقدت علي السرير والدكتور بدت تشوف وبتركيز وتعاود وتحرك ف الانتراساونت سكتت شوي قاتلي —— يتيع
شن تتوقعو الدكتوره بتقوللها
خشو ديرو متابعة لي حسابي بيش يوصلكم مني اشعار فيه التكملة للاحداث الاخيرة
