زي م وعدتكم #تكملة_تزوجت راجل مايحبنيش جزء 3
هما طلعو من هني واني قعدت نبكي من قلبي العبرة تنفض فيا وتواطي وين سمعني جي يجري قالي خيرك شن في شن سمعتي نضت مسحت دموعي وقتله ماسمعت شيء
لحقني وقالي خيرك تبكي ماله قتله الموقف اللي حطيتني فيه شنو اني غدوا من بيصدقني كان تبليت عليا حاجه من بيقولي اي صح معاك حق
ليش اصلاً تحط فيا في مواقف هدينا
ماتبنيش من الاول وتبي وحدة تانيه علي قولك وتراجي فيها ترمي عدتها بيش تتزوجها ليش خديتني شن موقفي بين ناسي وعربي
شهرين ونطلق كيف بتكون سمعتي زي مافي ناس تحبني وحاتصدق اللي بنقوله في ناس تتمني لينا الشر وماتصدق كلمة سوء بيش تبشعها
ليش ليشش والله دايره في دنيتي الباهي ليش ربي جابك في طريقي
وخشيت الدار فشيت غلي هداك اليوم في البكي بس وهوا قاعد في الصالون وماطلعش يومها اني من البكي لين نعسني النوم ورقدت بقفطاني فطنت بالفجر
نضت دوشت ولبست بجامة قطنية وجففت شعري وطلعت بنصلي لقيته قاعد علي التلفزيون مابيتش نكلمه خديت المصليه وملاية الصلاة ومشيت دار المعيشة صليت ورجعت لدار خديت المصحف بنقرا الباب طق سكرت المصحف وقلت تفضل قالي فاضيه قتله نقرا في المصحف
قالي كلمتين مش معطل قتله تفضل قول للي عنذك
قالي اني انغصبت عليك وانتي بنت ناس وماعندي مانقول فيك لا انتي ولااهلك ولكن اني قلبي مع انسانه تانيه وامي بحجة اني مش متزوج قبل تبي تزوجني لي بنت ومش مطلقه ولا ارملة
وقاتلي مش مسامحتك اني خديت بخاطرها وتزوجتك ولكن اطمني مش حانطلقك حانخليك علي دمتي ومش حانخلي حد يحكي عليك ولكن ماتجبرنيش اني نتقرب منك ونحبك
تقعدي معززه مكرمة في حوشك مصروفك لعندك واي شيء تحتاجيه ولكن اني بنتزوج
لما قالي الكلمة هادي جتني صاعقه حسيت بنخصه في قلبي طاح من ايدي المصحف وبديت ناخد في النفس بسيف نجبد نجبد ومش لاقيه نفس وهوا فز يجري ويقولي خيرك خيرك نضت نجري لروشن ناخد في نفس ومش لاقيته ماحسيتش بنفسي الا واني في المصحة نسمع فيه يقول لدكتور ها طمني دكتور شن عندها
الدكتور قاله .——— يتيع
