ووتيت ساكو كبير وطلعت تسقدت اول ماركبت قالي ليش الساكو هدا جيبي شنطه كبيرة نزلت ونزل وراي خديت شنطه حطيت فيها حوايجي وزي المجنون جبدني وطيحني علي السرير وماقدرتش نقاومه صار اللي صار وماعرفتش نضحك ولانبكي علي حالي واللي يفاجأني اكثر واكثر بعد ماكمل دوش وقالي دوشي ونستني فيك في السيارة
علي طرل عرفت ليش دار هكي
لقاني مش معدله ونتجاهل فيه وفي بالي الطلاق لان قاعدة بنت ويقول توا نطلقها وتتزوج بسرعه خليها هكي 💔💔
دوشت وجهزت شنطي ونفكر كيف بنمشي لا اهلي واني مهزوبه ماعرفتش نقول لاهلي ع اللي صار ولالا
وين وصلت السيارة قاالي ارفعي لبسه بس غدوا جايك قتله توا نقعد تحت رحمتك اني
مره تقولي ارفعي شنطه مره ساكو مره لبسه
قدم وقالي اللي نبيه يمشي قلت لبسه يعني لبسه
رجعت بالشنطة واحني في الطريق اتصلت بيه مرته وجنبها دوشه ونسمع فيها تقوله روح مش تقولي الصغار زي صغاري كيف تخليني في الحوش بروحي وتمشي
علي طول عرفت انها جابت صغارها معاها ودايرين دوشه هدا بيش جي عندي
وصلت ل اهلي سلمت عليهم وحضنتهم كنت مستاحشتهم لين خلاص
تعشينا وقعدنا نهدرزو امي قالت اني بنوض بكري معاش نقدر نقاوم خليكم انتم مع بعضكم
خواتي كل وحدة لهت في عيالها وقعدت اني واختي اللي تعرف شن صار فيا
قاتلي ها شنو صار
قتلها صار اليوم وكنت وقتها جايه بنحرج اللي جاه جاه وقتلها مرته جابت صغارها معاها وهوا شكله مش عاجبه الجو والدوشه
قاتلي اختي دونك اكسبيه ليك
قتلها والله كبدي درهت واعيت واني نكسب فيه وهوا يهين بس وماحاسب في روحه
قاتلي ديري زي ماقتلك ماعندكش حل يابال توا وليتي مراة خلاص
ضربتها علي ظهرها وقتلها بلا جو عاد
قاتلي عندي السر غدوا بنحنيك وبنصبغلك شعرك وبندير عليك دوره تروحيله تخليه يجري ولايدري
قتلها ماخاطري في حنه
قاتلي مش كيف ماتبي
ولقيتها شاريتاي روب يأخذ العقل قاتلي هدا البسيه ف اليوم اللي بتروحي فيه ارقدي فيه
وتوا تشوفيه كيف يجي لعندك وبس وهيا ينساها
قتلها تحلمي انتي
سألتني اختي علي جمالها
قتلها تصدقي ياوخيتي مش نشكر نفسي ولكن اني محلاني قدامها وهيا باين عليها حتى الكبر
قاتلي ماتنسيش انها ارملة وعندها صغارر وفي من صغار يشيبو ويكبرو
قتلها اي ممكن وحتى اللبس اللي تلبس فيه مش طالع عليها لا واخري يحرقو فيا يومها عند العيله كيف ملطع رقبتها سحيقه
اختي تغاري قصدك 🔥
علي خشة خواتي غيرت الموضوع وخديت الروب دسيته
وتاني يوم اختي نايضه ادير عليا ف دوره صبغت وحنتني لفوق وجت تهبل احلي من المرة الاولي تشوقت كيف بتكون ردة فعله 🔥
وقعدت نراجي فيه غير امتي يروح بيا
زي الهبله نسيت كل شيء نحنا نسوان نحرقو الدم 💔
المهم مع المغرب جاني وكنت لابسه قوانطي ماخليتاش يشوف الحنه روحت حوست ع الحوش وهوا علي طول مشي غادي انكسر خاطري 💔
وقلت اييييه هادي الليله عندها ومش حايجي
ضميت وبخرت وتعشيت خفيف وخشيت دار نوم درت شعري وطلع محلاه بالصبغه نشوف لروحي ومش مصدقه التغير غيرلي نفسيتي وزادني ثقه بنفسي ❤️
طلعت الروب لبسته وقعدت نشوف لروحي ف المراية ولقيته طالع عليا يهبل
احمر د/م غزال واني بيضاء ومع الصبغهه والحنة
ولبست شبشب احمر ريش وكسدت ف صالون ودرت مشقشقات وكل مره نشوف لساعه ونفقد ف الأمل بعدين نقول لالا توا يجي
حسيت روحي بننعس 💔
نضت درت نسكافي بيش نسهر واني كيف طالعه من المطبخ وف ايدي النسكافي خش هوا
فتح فمه فيا وخدي مق نسكافي من ايدي وجبدني ليه قالي محلاوة يابنت وخرت من عليه وقتله تبي نسكافي ؟
قالي بعدين بعدين
وحس علي روحه غير نبرة صوته بعذ ماكان واضح طاح علي منقاره
قالي تستني فيا بنبات عندها غير جاي بناخد حاجه من دولاب
مشيت وقتله علي راحتك يلا نشرب بروحي ونتروق
خش الدار لقي الدار ضي خفيف وريحتها بخور مخلطه بعطري ماقدرش يقاوم سكر هاتفه وطلع من دار قالي الليله معاك مره تانيه عندها من غير شيء دوشه وصداع غادي في الصغار نوضي طلعيلي حوايجي بنغيرهم
نضت بنغيرهم لحقني وسكر الباب ——- يتبع
ملاحضة بنات القصة قاربت ع الانتهاء
بعد تخشو اديرو متابعة لي حسابي
