واني في المصحة نسمع فيه يقول لدكتور ها طمني دكتور شن عندها
الدكتور قاله شكله المريضه مش واخدة دواء الصرع وجتها النوبة
هوا شنو صررررع ؟؟؟
الدكتور شنو ماعندكش علم ؟
هوا لالا عندي علم غير توثرت
خشلي في الحجرة وقالي هكي اخرتها تكذبو عليا وتغشوني فيك الصرع وماتقولوش
قعدت نحلفله اني والله مافيا لاصرع ولاشيء ارفعني لمصحة تانيه بالك هدا مايعرفش والله مافيا الصرع اسأل حتى اهلي
رد وقاالي مزال بندفع عليك قرش اني توا بنروح بيك وغدوا الصباح رباح
روحت ودمعتي علي خدي لقيت عزوزتي وحماتي يستنو فيا قالوله خيرها لباس رد راجلي وقاللهم غشوني بيها طلعت مصروعه وحتى دواها مش جايبته معاها وفضحها ربي وجتها نوبه واني بحداها
امه واخته كيف
هوا اي هدا بنت الناس اللي تبيها ماهو كان خلتيني ناخد اللي نبيها احسن
انصدمو وخشو وماكلمنويش واني فاتت عليا ليلة ماكنتش نعرف الصبح شن مصيري
هدا بيطلقني ؟ زعمك متفق هوا ودكتور زعمك مقصودة دار هكي بيش امه تخليه يتزوج اللي يبيها تعبت واني نفكر ونبكي نضت الصبح صليت الفجر ودعيت وقعدت نقراء في القرآن لين ضوت الدنيا ما استرجيتش نطلع من الدار لان كنت خايفة من اللي يستني فيا
استنيت لقرب ساعه 12 رن جرس الباب طلعت بنفتح لقيت عزوزتي قتلها تفضلي خشت لصالون وشوي وجي راجلي وقعمزت عزوزتي وقاتلي هكي يابنتي تغشينا واهلك يغشونا
اني علي طول دمعتي سبقتني وقتلها والله والله ياعمتي مافيا حاجه وقتله ارفعني لدكتور تانيه ديرولي كشوفات رنين صور اللي تبوه والله مافيا حاجه لاصرع ولاشيء وهاتو المصحف نحلف عليه
عزوزتي تشبح وساكته وراجلي يحلف ويعاود يقول والله معاد دافع عليها قرش
ويايما اني نبي نتزوج والبنت اللي نبيها
امه قصدك المراة اللي تبيها
هوا اللي هيا يايما هذا قرارك اهو نهايته غشوني بوحدة مريضه اني الكلام ينزل عليا زي السم
وقتلهم ديرو اللي تبوه وخشيت لداري بكيت بكيت من قلبي عزوزتي مشت وهوا شوي وخش لدار وقعد .//——— يتبع
