كيف كملت وجوني العيلة اهله هوا دخلتهم الصالون وقعمزت بحداهم شوي وبعدين نضت بنضيفهم لحقتني حماتي هدرزت عليا شوي وحسيت في فمها كلام سكتت شوي وبعدين قاتلي وين الكتانة ؟
شبحتلها وقتلها كتانة شنو
قاتلي نبو العلامة احني سبرنا نركبو يوم الجمعة للكنة وناخدو منها العلامة الا كانش الكنه عندها عذر وانتي ماعندكش عذر لان جيتينا نظيفة جتني صدمة معاش عرفت شن نرد عليها
جت في لساني كلمة قتلها خوك مانعرفش وين حطها توا نشوفه عينك ع القهوة
وطلعت نحوس هني وهني ونزربز معاش عرفت شن اندير لاعندي رقمه ولانعرفه علي خشته مشيت نجري ناديته قتله تعال ندور فيك في السماء لقيتك في الوطاء وهوا يشوف ومصدوم كيف كريته
قالي حولي ايدك شن هالحركات اللي اديري فيهم وشن قتلك ع اللبس هدا اني
قتله فوت اللبس توا علاش ماقتليش عندكم سبر يوم الجمعه يجو وياخدو العلامة
قالي علامة شنو قتله تستعبط ؟!
قالي نكلم فيك جديات شن تبي
قتله اختك كلمتني قاتلي وين الكتانه ويبو يشوفو الد/م فنص عيونه وقالي انتي شن قتيلها
قتلها مانعرفش خوك وين حطها
قعذ ماشي جاي في الدار وبعدين خدي المقص وفتح ايده وخدي قطعة القماش اللي مخلينها اهله ع السرير ومسح ايده فيها واني مصدومة نشوف معقوله لدرجة هادي مش متقبلني معقوله مايقذرش يطلع عذر تاني انقهرت من وسط خاطري خدي الكتانة وقالي ارفعيها لاختي وهوا خش يغسل ف ايديه ف حمام دار النوم
مسحت دموعي وعدلت مكياجي ولقيت حماتي موتيه السفرة وكل شي وتراجي فيا عطيتها العلامة وخديت منها السفرة قتلها سامحني تأخرت عليك طلعها من الكناسه حشاك لان ماكانش يعرف بالسبر متعكم
تبسمت وقاتلي لا عاذي وخدتها وقاتلي لكن شكلها جديدة مش من امبارح قتلها اي توثرت شوي وصارت الصبح 💔💔
رفعتها ف صالون واني رفعت السفرة وضيفتهم عزوزتي خدت العلامة وحضنتني وقاتلي مبروك وقعدت تزغرط وقاتلي هادي خليها عندكم احني نشوفو فيها بس ونردو فيها خديتها والعبرة خانقتني خلاص بسيف شاده دمعتي حطيتها علي شكماجة ومسحت دموعي طلعت لقيتهم واقفين قتلهم خيركم كملو قهوتكم قالولي لالا فلان خش خليكم علي راحتكم توا سيورنا نشربو قهوة لين نشبعو مع بعضنا
هما طلعو من هني واني قعدت نبكي من قلبي العبرة تنفض فيا وتواطي وين سمعني جي يجري قالي —— يتبع
