بوي نوضي البسي عبايتك ناض هوا فز طول وقاله وين رافعها رد بوي وقال بنرفعها للمصحة ورجلك علي رجلنا
بيش اخر عمري راجل ملتزم وسمعتي سابقتني عند الناس نطلع اني غشيتك بي بنتي
هوا يسمع وحاط راسه تحت
اني لبست عبايتي ومشيت ركبت مع بوي
بوي قاله اركب معانا
رد وقاله توا نلحقكم بسيارة قاله بوي قاله لالا اركب واني نردك بعدين مسك هاتفه ب ايده وكان واضح انه بعتلها مسجج وقضها 💔
بوي وين المصحة اللي تبيها ؟
رد هوا اقرب مصحة مش مشكلة
اني كنت نشبح لروشن طول طريق ومشوشه وكنت نتمني بوي يروح بيا للحوش ومايخلنيش عندهم ولادقيقة لاني بجديات تعبت
وصلنا للمصحة ودرت كشوفات تامة وطلعت سليمة والحمدالله
هوا كان متحشم من بوي وحاط راسه تحت
بوي لو تبي مصحة تانيه نشوفو ماعندكش مشكلة
هوا لا خلاص حصل خير وسامحني ياعمي
واحني مروحين قاله بوي بنتي بنروح بيها لما تقدر تأمنلها حوش بروحها زي زوجتك تانيه تقدر تأخدها في اي وقت
رد هوا بتمام !!
واصلاً اني شن نعنيله بيش يهمه اني نمشي لاهلي ولانقعد
حطه بوي قدام الحوش واني خشيت نأخد في حوايجي نحط فيهم ف الباب وبوي يسعد فيا وهوا مكتفي يشوف فيا بس بنظرات ماعرفتهمش شنو
قبل مانركب سياره قلت لبوي يستناني شوي خشيت لعزوزتي وقتلها سامحيني بكري عصبت عليك ولكن اللي مريت بيه مش شوي ويجي يوم وتعرفي اني كيف تعاملت من ولدك من اول يوم وزدتوني انتم تتهمو فيا بالمرض واني مافيا شيء واليوم بوي رفعني للمصحة بشهادة ولدك فحوصاتي كلهم سليمة ومافيا شيء
اني ماشيه عند اهلي ومانبيكش تقعدي شايله عليا اني مش هكي عمري ماعليت صوتي علي حد ولكن اعذريني اللي مريت بيه مايتحمله حد وبوست راسها ومشيت 💔
ركبت سيارة ووكنت نشوف جيهة حوشي والعبرة خانقتني
وبوي كان واضح زعلان عليا وعلي الموقف اللي نحط فيه وكيف راجلي اتهمه بإنه غشه
وصلت للحوش امي ماكانتش تعرف انخلعت لما شافت شناطيا ارتميت في حضنها وقعدت نبكي وكأني صغيرة وهيا مش فاهمه شيء
بوي خلاص اسكتي ماصار شيء
ولي اول مره نرد علي بوي ونقوله خليني نطلعها العيطه يابوي كل مانجيكم نبي نحكيلكم نلقي في روحي نتصنع ونضحك ونبتسم واني قلبي نارررر
بوي شافلي بحزن وطلع 💔💔
امي خشي سلم بنتي ركابي معاش حملوني احكيلي شن صار معاك
مادققتتش في تفاصيل بس حكيتلها انه تزوج عليا وع المرض اللي الدكتور الله لاتربحه قاله فيك صرع واني مافيا شيء
امي والله يابنتي قلبي ديما ملهوف عليك كنت ديما نقول نحس فيها مش مرتاحه ومش متهنية وخواتك يكذبن في احساسي
وتوا شني بيطلقكك
قتلها ياريت ياامي ولانعيش مع واحد مايبنيش وقلبه مش معاي الطلاق اهون ياميمتي
لكن بوي قاله بنتي بتقعد عندي لعند ماتأمنلها حوش زيها زي زوجتك تانيه
وهوا اصلاً ماصدق اني بيدور حوش علي شاني وبيخسر عليا فلوس هوا عايش في الهني واني اهو فرقت هناي وراحتي 💔💔
ردت اميمتي واطبطب عليا ب ايديها اللي هونت عليا وتقولي تفائلي خير يابنتي انتي مؤمنه بالله وهادم كلهم مصائب بسيطة احمدي الله ونوضي صلي ركعتين وادعي وتوا ترتاحي يابنيتي
نضت زي ماقاتلي امي صليت ودعيت وفعلاً رتحت وقعدت نقول كان قعدت غادي راهو اشبح شن صار فيا منهم الحمدالله اني بين امي وبوي وخواتي ماخلونيش جوني من اول ماسمعو وغيرولي جوي وشديتها قرآن وصلاة ودعاء والحمدالله فاتت عليا فترة كنت مرتاحه فيها نفسياً
بعد شهر بزبط جي راجلي لبوي واني من لما شفته قلبي نغم حسيت روحي كنت مرتاحه في حوش اهلي قلت اهو اشبح شن جاي يبي
قعمز هوا وبوي ومانعرفش علي شن تكلمو ولا علي شن تناقشو اللي صار بوي خش بوي وقالي ــــــــ يتبع
ديرو متابعة لي حسابيﹺ باش يوصلكم مني اشعار فيه تكملة القصة🧡
