القصة قاربت علي الانتهاء بيش توصلك النهاية ديري متابعة لي حسابي
خش الدار لقي الدار ضي خفيف وريحتها بخور مخلطه بعطري ماقدرش يقاوم سكر هاتفه وطلع من دار قالي الليله معاك مره تانيه عندها من غير شيء دوشه وصداع غادي في الصغار نوضي طلعيلي حوايجي بنغيرهم
نضت بنطلع حوايجه لحقني وسكر الباب
———
طاح علي منقاره هداك الراجل ولكن للأسف ماكتماتش ليلة حلوة جت تقربع علينا في هداك الليل دارت دوشه ماهي دوشة وتحججت بولدها حراره ويبيه يرفعه ومقصودة اني طلعت كبوط الدوش القصير ولافه منشف علي شعري وحنتي الجديدة
وعاد لما شافتني قالت انزل ولا نرقالك
ياسلام هادي اللي تقولي مافي بينك وبينها شيء هادي اللي تقولي مانحبهاش ولافي يوم حانحبها هادي اللي ماعندهاش كرامه ودايرها خدامة ليك ولي امك بس طلعت ترقد حتى معاها وهوا يسكر في فمها ويقوللها اسكتي الجيران والدنيا ليل
اني بعد سمعت هالكلام خشيت الدار وقعمزت علي السرير دمعتي نزلت من غير راده
كنت متمنيه انه حتى مايحبنيش ولايبيني لكن اقل شيء يذكرني بالخير قدامها
وجعني الكلام وهلباااااا
هوا خش خدي حوايجه ع سريع وطلع وبدون حتى مايشوفلي
اني رجعت لسرير وضامة نفسي بكسرة خاطري ورقدت بدون مانحس علي نفسي 💔
ماحسيت علي نفسي الا ساعه 10 فتح باب الحوش درت روحي راقده جي وحاول يبوسني نضت وبعدته من عليا
قالي رجعنا للعنترة وشوفت روحك عليا
ارجعي لعقلك احسنلك وخلينا نكملو ليلة امبارح
قتله والله قصدك بتكملها مع الخدامة
ضحك وقالي بتأخدي علي كلامها
هادي غارت منك وهبلت لما شافتك معاي وعرفت انه صار شيء بينا
هيا جايك ملهوف اني
رفضت ودفيته ودار الشيء غصباً عني
وناض ولا كأنه دار شيء وطلع من الحوش وقعد يومياً ع الحال هدا
ايقنت وتأكدت انه هوا ماحبنيش ولا راح يحبني
يجي يأخد غريزته ويمشي لايطلعني ولايهدي فيا ولاشيء عكس ضرتي طلوع وهدايا وفوقها يطلع في صغارها ويلعب فيهم ومش منقص عليهم شيء اللي يبوه يكون حاضر عندهم والمشكله يخش للحوش بالهدايا نفرح في داخلي نحسابهم ليا يحط الخضرة والحاجات وياخد كيسة الهدية ويمشي بيها
ولما نرفض انه يقرب عليا يأخد حاجته غصب
تعبت اني عايشه مع انسان همجي مش مقدرني ومش مهتم بيا لما نشوف روحي في المراه نستخصر في نفسه انه نكون ليه نقول اني مفروض مع راجل يحبني ويهتم بيا
بعد شهر من نفس الروتين درت معاه دوشة وقررت نمشي لاهلي
وطبعاً هوا يشوف في روحه انه مش مقصر معاي مدام في فراش يحساب الدنيا فراش وبس وحتى في الفراش ياخد حاجته وبسسس
خديت ساكو واصريت نمشي لاهلي
قعدت يومين وعلي اساس بنغير جو ماقلت لي اهلي شيء ثالن يوم فقت _____ يتبع
