درت تست وتعشيت بيه ورقدت من التعب مع ساعه 12 سمعت الباب نفتح نضت فزيت طلعت من دار لقيته هوا قالي نايضه قتله لا بس كنت راقده ونضت مخلوعه
قالي اهو عشي كان بتتعشي
قتله خليه في المطبخ تعشيت اني توا ماخاطريش
وخشيت الدار وسكرتها ورجعت رقدت تاني يوم نضت حوست وضميت ع الخفيف وبخرت ومشيت لحوش عزوزتي بنطمن عليها قالولي حمواتي رجليها
طلعت من باب اللي بيني وبين راجلي ومن بابهم بنطلع لعزوزتي لقيتهم يفطرو برا في الجنان حسيت روحي اخيييييه رجعت ناض هوا وقالي تعالي خيرك
وهيا سمعتها قالت ووووووك بنبدو في ادحنيس من توا
من الموقف اللي حطيت نفسي فيه ماركزتش حتى في ملامحها رغم اني كنت نبي نعرف ملامحها ونشوف هل تستاهل انه يتزوجها عليا ولالا 💔💔
قتله خليك خليك توا نطلع من الشارع قالي وين ماشيه قتله ماشيه لامك وخواتك قالولي في باب من هنا اطلعي منه وماكنتش نحسابكم برا
قالي عادي فوتي
قتله لا مانبيش توا نمشي من شارع لابسه ملاية صلاة ومحترمة لبستي قالي علي راحتك هي نوصلك لكن في الجديد فوتي من باب الداخلي الشارع ممنوع
شوفتله من فوق لتحت في خاطري هنيلي روحك تتأمر ووتتشرط علي اساس حسيت مزاجي تعكر علي صبح
وصلني فوتني الشارع ورجع لمرته خشيت لقيت في من حمواتي قاعدات وفي منهم مروحات سلمت علي عمتي وسلمت عليا سلام حاررر
وكلمت البنات ينوضو يديرو قهوة
شربت القهوة معاهم وشدوني للغدي قتلهم مره تانيه توا عندي حوسه بنديرها
واني طالعه تلاقيت معاه هوا وياها حطيت راسي تحت ودرت روحي ماشفتهمش واصلاً ماركزتش فيهم لان حاطه راسي تحت
لكن اللي قابلني مجرد لمحة انها متعطره ومكيجه وريحتها تجيب من وين
روحت درت علي روحي دوره وبديت في الماسكات وانقهرت علي الفتره اللي هملت فيها روحي حسيت روحي كأني سنه مسيبه روحي وخشيت عبيت البانيو وحطيت فيه ماء ورد ورقدت فيه وبعدين طلعت من دوش ودرت مرطب ومشيت ولعت وشقه وقلت ندير قهوه نتتروق بيها وبخرت دار نوم واني فايته شفت العطر اللي تعطرت بيه مره عاطيتهولي اختي قلت يابت تعطري منه لنفسك درت منه ومشيت جبت القهوة وقعمزت ف صالون
واني في كبوط الدوش ولافه منشف علي شعري
الباب نفتح من الخلعه نضت بسرعه قربعت فنجان القهوة برجلي قعد يقول ياساتر ياساتر
قتله ياريت مره تانيه ترن الجرس قبل ماتخش
مش كل شوي خاشلي بدون استإذن
قعد يشوفلي وحط كيسه ف مطبخ وجي قربلي
غمض عيونه وشم وقال أهه ريحة العطر تهبل هادي ممكن تعطيني الاسم متعه نشري منه لمرتي
دفيته وقتله المحلات معبيات عطور ياريت تمشي وتختار بروحك العطر اللي تبيه
هوا جبدني من ايدي وقالي نبرة الصوت اهيا معاش نبيها صوتك مايعلاش عليا
وهدا حوشي وانتي مرتي نخش امتي مانبي واي وقت واي ساعه ونطلع امتي مانبي وانتي ماتتكلميش ولا حرف
نفضت ايدي منه وخشيت دار نوم وقعدت نشوف في ايدي لقيتها حمراء سمعت الباب نفتح
طلعت من الدار و خشيت المطبخ وخديت منشف وقعدت نمسح في القهوة ونبكي ونتكلم ونقول
حوشي ومرتي في حاجات دون حاجات مرته تي اني شن دايره بيش ربي بلاني بيه غير كان بوي هداه ربي وخلاني نطلق ونفتك ركبني حاله نفسيه
وفجأه صوت وراي قالي حتى انتي ركبتيني حاله نفسيه
نضت وقتله انت من امتي هني ونعدل في كبوط دوش ونشحط فيه
قالي من بكرررررري
قمت حوسه وخديتها للمطبخ وهوا كان واقف في الباب شدني من ايدي حولت ايده وقتله خليني في حالي اني كان مش من العيب راهو حطيتلك شرط انك لاتقربني ولاتجي شوري وحاجاتي تنحط برا
قدم وقالي انتي مرتي راهو
قتله _______ يتبع
