وقتلهم ديرو اللي تبوه وخشيت لداري بكيت بكيت من قلبي عزوزتي مشت وهوا شوي وخش لدار وقعد يشوفلي وبعدين خدي شنطة وقعد يلم في حوايجه وقتها اني حسيت روحي رزينه عليهم
وقتله خليك انت في حوشك اني اللي نروح لي اهلي
ماعدلش عليا وقعد يلم في حوايجه طلع وماعرفتش وين ماشي ولارد عليا ولاكلمني ولاندري علي مصيري ولا علي حتى حاجة 💔💔💔
قعدت هديكا اليوم في حوشي ماجاني حد وبتت بروحي كنت متونسه بيه حتى لما يبات في الصالة ولاالمعيشة المهم مش بروحي نبات فاتت عليا الليلة هديكا خوف في خوف ومع ساعه 3 ونص سمعت تقربيعة في بلكونة المطبخ دموعي يصبن زي المطر وخفت قلت هدا شكله حد بيخشلي من المطبخ خشيت لدار نوم سكرت علي روحي وخشيت تحت اليرغان ودخلت راسي وخشيت في بعضي بعد شوي نسمع تقربيعة تانيه عيطت بصوت العالي من غير رادة مني شوي وسمعت حد ينش في قطوسه وبعدين نفتح الباب طلعت من دار نجري ونبكي قتله انت توا لزيت القطوسه قالي اي يشوف فيا نبكي بهستريا قتله من غدوا ارفعني لي اهلي انت مش مجبور بيا واني مستعدة نتحمل كل شيء ولانقعد بروحي
قالي اقعدي في الحوش هني ومايجيك شيء وتوا الخميس تمشي لاهلك ونروح بيك الجمعة ومش ضروري تحكي شيء ولاتبيني شيء اني عند وعدي لما قتلك مش حانطلقك واصلاً المرض زايد ناقص اللي فيك لانك مرتي علي اسمي بس غير هكي لا
قتله قاعد تقولي مرض قااااااعد تي والله مامريضة والله مافيا حاجة خيركم تمرضو فيا دخلتوني حالة نفسيه حسبي الله فيكم💔
وخشيت لدار وهوا طلع
فاتت عليا الايام زي توا هكي لكن يطل عليا مرتين ثلاته في الليل واني تونست بيه ومعاش خفت زي اول ليلة وامه معاش جتني بكلً يوم الخميس قالي هيا وتي روحك لبست بدلتي العرايسيه ع اساس عروس وماشيه لاهلها وفرحانه ومتهنيه واني كله كذب في كذب قتله بتمشي معانا امك ؟
قالي شن المناسبة امي تمشي معاك
قتله هكي يمشو الامهات مع العرايس
قالي عرايس وضحك قالي شورك كدبتي كدبة وصدقتيها امي مش طايقتك ولاطايقه اهلك وهيا البسي ماتعطلنيش
اني دمعتي غلبتني
دوبش ماعدلت مكياجي ولبست عبايتي وطلعت
واحني ماشيين طلعت فلوس من شنطي وقتله هاك خودلي حاجة لاهلي نخش بيها
خداهم وجابلي بكلاوة وحطني وطلع طول حطني في موقف محرج مع اهلي قعدت نتعذر ونكذب قتلهم بيرفع امه بيعاينها مريضة بردة في حالة وله عليها تعب العرس وصدقو اهلي وخشيت بي ابتسامة مزيفة وضحكة مزيفة كله بيش اهلي وامي خصوصاً ماتلاحظش مانبيهاش تخمم فيا
لقيتهم دايرين غدي مسقي بالبصله ومعاه حاجات حارة كانت حاسبه عزوزتي وحمواتي بيش بيجو معاي كلينا ودارو خواتي القهوة بعد الغدي وسفرة ماشيه سفرة جاي خواتي قالولي العفو خيرك مالبستيش بدلة صغيرة ولا كبيرة قتلهم ماخاطريش فيها وحسيتها بايخه قدام عزوزتي مريضه في حويلة
اختي شهقت وقاتلي العفو خيره حنتك بهتت هكي قتلهم من الدوش خواتي قعدو يضحكو
واني في داخلي من الكد والعناد في الحوش
اختي فالحة في الحنة قاتلي بنطلع نشري بضاعة حنة وبنحنيك مدام بايتة الليلة
علي طول تفكرت كلامه لما قالي لاتمكيجي ولاتلبسي وديري روحك تغريني وبعدين تفكرت انه مطلع حوايجه ومعاش يبات معاي قتلها باهي حنيني 💔💔
طلعت اختي جابت حاجات الحنه وجابت معاها لصقه
قتلهم لا نبيها عاديه زي الاولي مانبييهاش مزينة
اختي قاتلي اسكتي انتي شن عرفك في الحنة تريس يحبوها لفوق
قاتلي اي وهوا يحب الحنة ولالا سكتت معرفتش نجاوبها قتلها مافتحناش موضوع الحنة واني غاصه بدمعتي ونزمط في ريقي بسيف 💔💔💔
جي وقت الليل جو نساوين عمامي هدرزو عليا وروحو
وخواتي تلاقو عليا وحنوني وجت حنة الله يبارك عليها تاني يوم امي دارت الغدي بازين عارفتني نحبه تغدينا وقعمزنا نهدرزو واني قاعده بالبجامة السيارة بيبت طلع بوي لقاه راجلي عشش فيه بوي لين عيي بعد ستين واسطه بيش نزل وجي قاللنا وتو قهوة راجل فلانه جي
قالولي غريبه ماتصلش بيك
طلعت من فمي ماعنديش رقمه
قالو كيف متزوجين ليكم اسبوع وقاعده ماعندكش رقمه
قتلهم مش عارفه فاتت علينا وخلاص ونضت نوتي في روحي بسرعه بنلبس عباية علي بجامتي لحقتني اختي وقاتلي في وحدة عاقلة تروح لراجلها من حوش اهلها وعروسه ليها اسبوع ببجامة ؟
قتلها مستعجله بس
قاتلي هوا مقعمز يشرب في القهوة وانتي علي معلك وفتحت الساكو وطلعت منه قفطان ابيض وفيه وردات ع الأحمر طلعتهولي وحطتلي مكياج خفيف وقاتلي بسرعه البسي
لبست وعارفه شن بيستناني من كلام لو شافني 💔💔
وتيت روحي وسلمت علي خواتي وامي وتمنيت نقعد معاهم اكثر حسيت روحي مغصوصه غادي وشديت دمعتي بسيف امي قاتلي خيرك فيك شيء قتلها لا غير بنستاحشكم فراقكم صعب 💔💔
امي حضنتني وقاتلي اهو قريبه وتوا يجيبك راجلك مره مره
طلعت سقدتني وسلمت عليه وقاتله كيف حال امك اليوم قاللها باهيه الحمدالله واني نقول ان شاءالله مايقولش انها مش مريضة قاتله باهي البردة هادي سربتنا كلنا بعد العرس وهي بسلامة وجيبهولنا مره مره راهو من توا تبكي وتقول بنستاحشكم امي تقول فيها ودمعتها في عينها 💔💔
وهوا يقول ان شاءالله ان شاءالله
ركبت في سيارة وخدي الساكو من امي حطه في السيارة ومن طلعت السيارة من اهلي واني نشبح للحوش ودمعتي في عيني قعدت طول الطريق نشبح جيهة المرش ومانبيش نبين دموعي وصلنا الحوش نزلت الساكو بروحي وكيف رميت عبايتي خش لدار وشافني قالي ——- يتبع
