unicode
Royalတက္ကသိုလ်ကျောင်းတော်ကြီး၏ အားကစားခန်းမအတွင်း Basketballပြိုင်ပွဲတစ်ခု ကျင်းပနေခဲ့သည်။ အဆင့်မြင့်Alphaတွေချည်းနှင့် ဖွဲ့စည်းထားသည့် အသင်းအဖွဲ့နှစ်ဖွဲ့လုံး၏မျိုးရိုးတွေမှာ တော်ဝင်အမျိုးအနွယ်၊ ဝန်ကြီးသား၊ ဗိုလ်ချုပ်ကြီး၏သား စသဖြင့် မျိုးရိုးတွေကအစ ထိပ်တန်းတွေချည်းပေမို့ Royalကျောင်းက နာမည်ကြီးသည့် Omegaမှန်သမျှ ထိုပွဲကို လာရောက်အားပေးကြကာ သူတို့၏ဆွဲဆောင်မှုအားပြင်းလှသော အလှများနှင့်လည်း အဆင့်မြင့်Alphaတွေ၏ စိတ်ဝင်စားမှုကို ဖမ်းယူဖို့ကြိုးစားနေကြသည်။
မေဂျာတိုင်းက Omegaအလှလေးများ၏ဦးတည်ရာ Alphaမှာ တော်ဝင်မိသားစုနည်းတူ အာဏာသက်ရောက်အင်အားရှိသည့် ဗိုလ်ချုပ်Jeon Jungsoo၏တစ်ဦးတည်းသောသားဖြစ်သူ Jeon Jungkookကိုဖြစ်သည်။
Jeon Jungkook..။
အဆင့်မြင့်Alphaဖြစ်သည့်အပြင် Alphaပီသစွာ ခန္ဓာကိုယ်ဖွဲ့စည်းပုံဟာ တောင့်တင်းသန်မာလှသည်။ ဖြူစွတ်သည့်အသားအရေနှင့် ချောမောခန့်ညားသည့်မျက်နှာထားက အမြဲတစေတည်တင်းလျက် အပြုံးဆိုသည်မျိုးကိုလည်း မြင်ရခဲလှသောသူ့ကို Omega၊Beta၊Alphaမိန်းမလှလေးများကအစ အိပ်မက်မင်းသားလေးအဖြစ်သတ်မှတ်ထားကြကာ မည်မျှလှသည့်အလှလေးကချဥ်းကပ်လာပါစေ တုတ်တုတ်မျှမလှုပ်သောသူ့ကို ရေခဲမင်းသားဟုလည်း တင်စားခေါ်ဝေါ်ကြသေး၏။
" ရွှီ!!...."
" အား......"
Jeon Jungkook၏ တစ်ဖက်အသင်းကို အနိုင်သွင်းလိုက်ပြန်နိုင်သော ဘောလုံးကြောင့် ခုံတန်းဆီမှာထိုင်နေကြသည့် အလှလေးတွေဆီမှ အားပေးသံဖြောင်းဖြောင်းဖျဖျဟာ ထွက်ပေါ်လာသည်။
Jeon Jungkook၏အဖွဲ့သားတွေကလည်း ထိုအနိုင်သွင်းဘောလုံးကြောင့် Jungkookနှင့် လက်သီးထိပ်လေးတွေ လာထိကြလျှင် Jungkookက အလိုက်သင့်ပြန်ထိပေးသော်လည်း သူ့၏မျက်နှာထားကတော့ သူ့လုပ်ဆောင်နိုင်မှုကို ဂုဏ်ယူသည်မျိုးလည်းမရှိ အထွေအထူးမခံစားရသလိုပင်။
ပွဲက ဒုတိယပိုင်းသို့ရောက်နေပြီဖြစ်သောကြောင့် ကွင်းတစ်ကွင်းလုံး ပတ်ပြေးကစားထားရသည့် Jungkook၏အသားအရေမှာ အနီရောင်ပြောင်းလုလုဖြစ်နေကာ ချွေးစတို့ကလည်း အနက်ရောင်ဆံနွယ်တို့မှာ ကပ်ငြိနေကာ မျက်နှာချောချောက ချွေးစတို့အနည်းစို့နေသည့်တိုင် ချောမောကြည့်ကောင်းနေတုန်းပင်။ အနံပျောက်ပလာစကာကပ်ထားသော်လည်း ချွေးစတို့ကြောင့်ထင် သူ့၏ပင်လယ်ရနံ့ pheromonesမှာ တစ်စွန်းတစ်စလွှင့်ထွက်နေ၏။
