unicode
Taehyungသည် ဒီဇိုင်နာက Taehyungဝတ်ဆင်ထားသည့်ဝတ်စုံကို စေ့စေ့စပ်စပ် စစ်ဆေးအကဲခတ်ပေးနေသည်ကိုခံယူရင်း Jungkookဘက်တော့ မသိမသာခိုးကြည့်ကာ အစောက Jungkook၏စကားကနားထဲစွဲနေဆဲပင်။
Jungkookကတော့ Taehyungကိုအာရုံမရောက်တော့ဘဲ အပိုအလိုမရှိသောဝတ်စုံကြောင့် ဒီဇိုင်နာ၏စစ်ဆေးပေးမှုကိုခံယူပြီးပြီဖြစ်ပြီး အေးအေးလူလူ ဖုန်းထိုင်သုံးနေသည်။
Taehyungရဲ့pheromoneအနံ့က Taehyungနဲ့လိုက်ဖက်တယ်ဆိုပြီးပြောသွားပေးတာ..။ ဒါက Taehyungကို အမွှမ်းတင်လိုက်တာပဲမဟုတ်ဘူးလား...။
Taehyungသည် Jungkookဆီကနေ စိတ်ဝင်စားမှုအနည်းငယ်လောက်ကို ရယူနိုင်ပြီလားအတွေးရောက်မိသည့်အခါ ကြည်နူးကျေနပ်စိတ်ကြောင့် နှုတ်ခမ်းပါးက ပြုံးတုံ့တုံ့။
" အရမ်းကြပ်နေတာလား.. မင်းသားလေး... ပြန်ပြင်..."
ဒီဇိုင်နာ၏စကားမဆုံးခင် Taehyungမှာ ကပျာကယာ မိမိ၏နှုတ်ခမ်းထက်လက်ညှိုးတင်ဟန်ပြုပြီး တိတ်တိတ်နေခိုင်းလိုက်လျှင် ဒီဇိုင်နာမှာလည်း သူ့ပါးစပ်သူစေ့ပိတ်ရသည်။
ပြီးမှ ဆိုဖာထက်တွင် ဖုန်းထိုင်သုံးနေသော ဗိုလ်ချုပ်သားဘက် မလုံမလဲအကဲခတ်ကာ သူ့ကို တီးတိုးအသံလေးနှင့်ဆိုလာသည့်မင်းသားလေး။
" ဝိတ်တက်လာလို့... ကြပ်သွားတာ.. ဝိတ်ပြန်လျှော့လိုက်မယ်နော်.. မပြင်ပေးနဲ့..."
" အာ... ဟုတ်ကဲ့...."
Taehyungသည် တောင်းဆိုမှုပြုလိုက်ပြီးမှ ခါးနှင့်တင်ပါးနားကြပ်ထုတ်နေသည့်ဘောင်းဘီလေးကို မသိမသာဆွဲချရသည်။
Jungkookနှင့်ကျ ဝတ်စုံကကွက်တိပင်ဖြစ်ပြီး အဖြူရောင်အသားရေနှင့် ဟပ်နေကာ အရမ်းကိုချောမောကြည့်ကောင်းလှသည်။ Taehyungပဲ အချိုးမကျဘဲ ဟိုကြပ်ဒီကြပ်ဖြစ်နေတာ...။
Taehyungက သူဝတ်ဆင်ထားသည့် ဝတ်စုံကိုအနည်းငယ်မြှောက်ကြည့်လိုက် ဆွဲချကြည့်လိုက်နှင့် ဝိတ်တက်လာသည့်နေရာတွေကို စစ်ဆေးနေစဥ် Jungkookက Taehyungရှိရာထံ ဖုန်းကိုချိန်လာခဲ့သည်။
" ချပ်......"
ဓာတ်ပုံရိုက်၍ထွက်ပေါ်လာသောအသံက သိသိသာသာဖြစ်၍ Taehyungမှာ အူလည်လည်လေးလှည့်ကြည့်မိသွားရသလို Jungkookကလည်း ထိုသို့အသံထွက်မည်မထင်သဖြင့် အနည်းငယ်ပျာသွားပုံရသည်။ သူ့၏ဖုန်းသူပြန်သိမ်းကာ ထရပ်လာသည်။
