unicode
အိပ်ရာထဲက စောင်ပုံထဲ၌ ခေါင်းမဖော်တမ်းပုန်းခိုနေပါသည့် တော်ဝင်မင်းသားငယ်လေး။ သူသည် ရှက်လွန်း၍ မိမိ၏အခန်းထဲ၌တောင် မျက်နှာမဖော်ရဲဘဲ ပုန်းခိုနေမိသည်မှာ Jungkook၏အဆောင်ကနေပြန်ရောက်သည့်အချိန်တည်းကပင်။
ရှက်လိုက်တာ... ရှက်လိုက်တာ...။
တစ်ကျောင်းလုံးအရှေ့မှာ အငြင်းခံရပြီး တိုင်းသိပြည်သိ သူအငြင်းခံရသည့်အကြောင်းကိုသိတုန်းကတောင် ဤမျှထိ အရှက်မရမိဘူးထင်သည်။
အခုတော့ဖြင့်...
အား!.. သေသာသေလိုက်ချင်တယ်..။ crushရဲ့အရှေ့မှာမှ အိမ်သာတက်ချင်ပြီး အရှက်တကွဲအကျိုးနည်းနဲ့ ရုပ်ပျက်ဆင်းပျက်ဖြစ်ခဲ့ရတယ်လို့!
ထိုညတစ်ညတာလုံး စောင်ပုံထဲတွင်အရှက်ကွဲမှုများကို လူးလိမ့်ရင်းအော်ဟစ်ဖြေဖျောက်ခဲ့ရသည့်မင်းသားငယ်လေးမှာ အိပ်ရေးပျက်ခဲ့ကာ မည်သည့်အချိန်မှအိပ်ပျော်သွားသည်မသိ။
နောက်တစ်နေ့မနက်၌ Taehyungသည် ကျောင်းသွားရန်အတွက် Minjiထုတ်ပေးထားသည့်အဝတ်အစားကို ဝတ်ဆင်နေရပြီး မျက်နှာလှလှလေးကတော့ သောကကြောင့် အိပ်မပျော်သည်နှင့်ချောင်ကျချင်နေသည်။
" ငါ... ကျောင်းထပ်ပျက်လိုက်ရမလား... တစ်ရက်ထဲပဲလေ..."
" မရပါဘူး.. မင်းသားလေး... ဒီနေ့တော့ ကျောင်းသွားမှရပါတော့မယ်...."
Taehyung၏ကျောင်းပျက်ချိန်က တစ်ပတ်ကျော်ပြီဖြစ်၍ ကျောင်းထပ်ပျက်၍လည်းမရတော့ မျက်နှာလေးမှာငိုမဲ့မဲ့လေးဖြစ်သွားသည်။ သူ Jeon Jungkookနှင့် မျက်နှာချင်းမဆိုင်ရဲဘူး။
ဟုတ်သားပဲ..။ သူနဲ့Jungkookက မေဂျာမတူ၍ ကျောင်းမှာထိပ်တိုက်ဆုံစရာအကြောင်းမှမရှိတာ..။ Jungkookက သူ့အရှက်ကွဲမှုကိုမေ့လောက်သည့်အချိန်မှ Jungkookအရှေ့ပြန်ပေါ်ပြီး အဲ့မတိုင်ခင်တော့ Jungkookကို ရှောင်ရမည်။
ထိုအတွေးနှင့်အတူ Taehyungသည် ခေါင်းတဆတ်ဆတ် ညိတ်မိပြီး Shinheeက ကမ်းပေးလာသည့် ကျောပိုးအိတ်လေးကိုလွယ်လိုက်သည်။
တော်ဝင်မင်းသားလေး၏အဆောင်အရှေ့၌ ကားယာဥ်တန်းများကစီတန်းနေကာ တော်ဝင်မင်းသားလေးလိုက်ပါစီးနင်းမည့်ကားအရှေ့တွင်တော့ သက်တော်စောင့် Suhoသည် အသင့်ရပ်၍စောင့်ဆိုင်းနေခဲ့သည်။
