ජීවිතේ සුන්දරම කාලයක් තමයි පාසල් කාලෙ . ඉතින් ජිමින් අනිත් අයත් එක්ක ඒ පරණ මතක බෙදාගත්තෙ ගොඩක් සතුටින් .
"හයියෝ හරාබොජි මිස්ට කිම් හරාබොජිට සෑහෙනට වද දීල වගේ පව් මගේ හරාබොජි."
මෙච්චර වෙලා හිනාවෙවී හිටපු හනාය බොහොම මාරුවෙන් හිනාව නවත්තගෙන දුක මූනකුත් හදන් ජිමින්ට තුරුළු වුනා . මේකටනන් හෝබිට ටිකක් ඉරිසියා හිතුන . ජිමින් හරි ලස්සනට හිනා වෙලා කෙල්ලගෙ ඔලුව අතගෑව . හනාය හරිම දග හුරතල් කෙල්ලෙක් හනාය හරි ඉක්නනට ජිමින් එක්ක එකතු වුනා ජිමින්ට හනායව දකිද්දි හැමවෙලේම කෙනෙක්ව මතක් වුනා එයත් හරියට හනාය වගේමයි .
"හෙලෝ , ඔව් කියන්න......"
"එන්න අපිත් යමු කන්න මටනන් දැන් බඩගිනී "
ඒත් එක්කම කූකීට ආපු කෝල් එකක් නිසා කොල්ල කට්ටියටත් කියන ගමන් ටිකක් එහාට යද්දි හෝබි කිව්වෙ තවත් මේ සීයගෙයි දුවගෙයි කෝලන් බලාගෙන ඉන්න බැරි නිසයි .
කට්ටියම රෑට කෑම කාල නිදාගන්න ගියා. කුකීනන් ලැප් එකේ ලොකු වැඩක් . හනායටත් නිදිමතක් තිබුනෙ නැති නිසා කෙල්ල සන්හිගෙ ඩයරිය කියවන්න පටන් ගත්ත
(Dairy )
"එයා , එයානන් ඇත්තටම මහ පිස්සෙක් දෙයියනේ මට තාමත් හිනාව නවත්තගන්න බෑ ........."
........................................................................
(අතීතෙ )
මූනත් පස්සට කරගෙන ටික වෙලාවක් කොල්ලගෙ මූන දිහා බලන් හිටපු සන්හි හොද හුස්මක් අරන් කියල ඉස්සරහ බලගත්තේ ලොකු කේන්තියකින්
"මට ඔයාව මැරි කරන්න ඕනෙ "
එකපාරටම ටේහියොන් සන්හිගෙ ඇස් දිහා බලාගෙන කියද්දි සන්හි කරේ කටත් බාගෙට ඇරගෙන ඇස් දෙකත් ලොකු කරගෙන ටේහියොන් දිහා බලාගෙන හිටිය එක . ටික වෙලාවක් යනකන් දෙන්නගෙන් එක්කෙනෙක්වත් කතා කරේ නෑ . තාමත් දෙන්නම බලන් හිටපු විදිහටම බලාගෙන ඉන්නව .
තවත් තත්පර කිහිපයක් ගත වෙන්න ඇති එකපාරටම දෙන්න අතර තිබුන නිෂ්ශබ්දතාවයට තිත තියපු සන්හි හයියෙන් හිනාවෙන්න ගත්තෙ හුස්ම ගන්න එකත් අමතක කරල . මෙච්චර වෙලා සන්හිගෙ ඇස් අස්සෙ අතරමං වෙලා හිටපු ටේහියොන් එකපාරටම ගැස්සිල සන්හි දිහා බලන් හිටියෙ ඒ පාර මේ කෙල්ලට මොකද වුනේ කියල කල්පනා කරන ගමන් . මොකද ටේහියොන් මේ වෙලාවෙ බලාපොරොත්තු වුනේ ලොකු බැනුමක් , නැත්තන් සැර කනේ පාරක් . ටේහියොන් ගෙ මූන දැක්කමහ කෙල්ලට තවත් හිනා ගියා කෙල්ලගෙ මූන රතු වෙලා ,ඇස් දෙකෙන් කදුළුත් එද්දි කෙල්ල බඩත් අල්ලන් හිනාවෙනව . කෙල්ලට ඇතිවෙනකන් හිනාවෙන්න කියල ටේත් කටපියගෙන බලන් හිටිය .
