အသင်္ချေဂိမ်းရဲ့ npcအလှလေးဖြစ်လာခြင်း(MM translation)

Chapter 2

Unicode

ဖန်သားပြင်ပေါ်ရှိလူငယ်လေးသည်ဖြေးညှင်းစွာ တုန့်ပြန်လိုက်ပြီး အနည်းငယ် ငေးငိုင်လို့နေသည်။

တံခါး ခေါက်သံနှစ်ခါ ထွက်ပေါ်လာပြီးနောက် ထိုင်ခုံမှမထခင် သူ အနည်းငယ် တုံ့ဆိုင်းသွားကာ  သူရဲ့ လှုပ်ရှားမှုများက အားနည်းနေပုံထင်ရသည်။ 

ထို လူငယ်လေးမှာ အသက် ၁၆ သို့ ၁၇ ဝန်းကျင်ရှိပုံပေါ်သည်။ သူ့ရဲ့ သွယ်လျတဲ့ ပုံပန်းသွင်ပြင်ကြောင့်သူဝတ်ဆင်ထားတဲ့တွန့်ကြေနေတဲ့အဝါရောင်တီရှပ်ကအနည်းငယ်လျော့တိလျော့ရဲဖြစ်လို့နေသည်။ ထို့အပြင် အနည်းငယ် ပွနေတဲ့ ညအိပ်ဘောင်းဘီကိုဝတ်ဆင်ထားတာကြောင့်သွယ်လျပြီးသေးငယ်တဲ့ ကိုယ်လုံးကိုယ်ပေါက်ကိုပေါ်လွင်စေသည်။

အဲ့ဒါကသူ့ကို လက်တစ်ဖက်တည်းနဲ့ လွယ်လွယ်ကူကူ မနိုင်သလို ဖြစ်နေသည်။

အဲ့ဒီအချိန်မှာပဲ သူ့ရဲ့အနောက်ကို ခေါင်းလှည့်ကြည့်လိုက်သဖြင့် သူရဲ့နဖူးပေါ်  အနည်းကျဆင်းနေတဲ့ ရှည်လျားတဲ့ဆံပင်ကို အနည်းငယ် ကွဲသွားစေကာ သူရဲ့ ပုံပန်းသွင်ပြင် အပြည့်အစုံကို ကြည့်ရှုသူတွေကို မြင်ခွင့်ရစေခဲ့သည်။

ထိုလူငယ်လေးက လှပြီးသိမ်မွေ့တဲ့ အသွင်အပြင်ရှိသည်  ။သူရဲ့ ဖီးနစ်မျက်လုံးတွေက အပေါ်ဘက်သို့ အနည်းငယ် ကွေးညွတ်နေကာ  သူရဲ့ မျက်ခုံးနဲ့ မျက်နှာ အသွင်အပြင်သည် ကောင်းကင်ဘုံမှ ဂရုတစိုက်ဖန်တီးထားသကဲ့သို့ထင်ရသည်။ သူရဲ့ နဂို အေးစက်ပြီး သိမ်မွေ့တဲ့ အသွင်အပြင်သည် သူရဲ့ အလှအပကို ပိုတိုးစေပြီး ဘယ်ဘက်မျက်လုံးထောင့်ရှိ မျက်ရည်ခံမှည့်လေးရဲ့ ဆွဲဆောင်မှုက သူမတူတမူထူးခြား လှပအောင် ပြုလုပ်နေသည်။

သူသည် မရဏလမ်းပေါ်ရှိ ပွင့်လန်းနေတဲ့ မန်းဒရစ် ပန်းနဲ့ တူပြီး လူတွေကို ချောက်နက်ကြီးထဲ ကျဆင်းစေဖို့ မတွန်းလှန်နိုင်အောင် စွဲဆောင်လို့နေသည်။ 

မတ်တပ်ရပ်ပြီးနောက် ထိုလူငယ်လေးက စိတ်အားထက်သန်စွာ တံခါးဆီသို့ ကြိုးစား လျှောက်သွားပြီး တံခါး ဖွင့်ရန်ကြံရွယ်နေပုံရသည်။ဒါပေမယ့်သူ့ခြေထောက်ကိုမြှောက်လိုက်သည်နှင့်သူ့ရှေ့မှာ ရှိတဲ့အရာကိုသတိမထားမိဘဲအဆုံးမှာတော့ထိုင်ခုံအစွန်းကိုတိုက်မိသွားခဲ့သည်။