အသင်္ချေဂိမ်းရဲ့ npcအလှလေးဖြစ်လာခြင်း(MM translation)

Chapter 5

Unicode

ဂျန်ရှီးလျန်က ရွှမ်ချင်းဘာပို့လိုက်လဲဆိုတာကို မမြင်လိုက်ပေမယ့် တိုက်ရိုက်ထုတ်လွှင့်မှုအခန်းထဲက ကြည့်ရှုသူတွေကတော့ ရှင်းရှင်းလင်းလင်းကိုမြင်လိုက်ရသည်။

တိုက်ရိုက်ထုတ်လွှင့်ခန်းမှ ကင်မရာက ရွှမ်ချင်းရဲ့ ဖုန်းပေါ်က စာပို့မှတ်တမ်းကို အကျယ်ချဲ့ရိုက်ပြလို့‌ နေသည်။

[ဒီလူကဘယ်သူလဲ? သူတို့နဲ့ ချင်းချင်းကြားက ဆက်ဆံရေးကဘာလဲ? သူတို့ဆီကချင်းချင်းဘယ်လို ယွမ်500,000ကို ချေးနိုင်မှာလဲ? သာမာန်ဆက်ဆံရေးတစ်ခုပဲဆိုရင် ယွမ် 500,000 တောင်းဆို‌နိုင်မှာမဟုတ်ဘူး၊ ဟုတ်တယ်မလား? ]

[ဒီလူက လူကောင်းမဟုတ်လောက်ဘူးလို့ ငါထင်တယ်!သူတို့က ငါတို့ရဲ့ ချင်းချင်းလေးနဲ့ လုံး၀မတန်ဘူး! ငါ ဒီအိမ်‌ေထာင်‌ေရးကို သဘောမတူဘူး!]

[ငါလည်းပဲ သဘောမတူဘူး!]

[ဒီလူမိုက်ကောင်ကို အထင်သေးတာ ငါတစ်ယောက်တည်းလား? သူ ချင်းချင်းရဲ့လက်ကို တကယ်ကြီး ဆုပ်ကိုင်ခဲ့တာ!]

[အချိန်တိုလေးပဲ ဖြစ်ခဲ့ပေမယ့် ချင်းချင်းက ပတ်သက်ပြီးသွားပြီ ၊မင်းတို့ပိုပြီး မ‌တွေးခေါ် နိင်ဘူးလား?ငါနဲ့တခြားစီပဲ ငါကတော့အားပေးနေမယ်!ငါ့ဇနီးလေး! ]

ထောင်ယွမ်မြို့၊ ဖန်းယာဘားထဲတွင်။

တောက်ပလိုက် မှိန်သွားလိုက် အလှည့်ကျဖြစ်နေတဲ့ မီးရောင်များက မြန်မြန်ဆန်ဆန် တဖျက်ဖျက်လှုပ်ခါနေခဲ့သည်၊ လေထုကလည်း ဆေးလိပ်နံ့များ၊အရက်နံ့များနဲ့ပြည့်နှက်နေပြီး အကကြမ်းပြင်ကလည်း ယိမ်းထိုးနေသည့် တုန်လှုပ်ဖွယ် အသွင်အပြင်များနှင့် ပြည့်နှက်နေသည်၊ နားကိုပင် အူစေလောက်အောင် သီချင်းသံများကကျယ်လောင်လွန်းလှသည်။

ထောင့်နားလေးမှာ အဖြူရောင်ရှပ်အင်္ကျီနဲ့ ဘောင်းဘီရှည်ကို ၀တ်ဆင်ထားတဲ့ အမျိုးသားတစ်ယောက်ထိုင်နေခဲ့သည် ၊

ဘောင်းဘီရှည်က ထိုအမျိုးသားရဲ့ ရှည်လျားဖြောင့်စင်းတဲ့ခြေထောက်တွေကို ပေါ်လွင်စေပြီး သူရဲ့ အဖြူရောင်ရှပ်အင်္ကျီက ကြယ်သီးအပြည့်အ၀တပ်ထားပြီး  လူတွေကို ထိုကြယ်သီးများကို ဖြုတ်ချင်စေကာ သူရဲ့ အဖြူရောင်ရှပ်ကို ညစ်ညမ်းသွားစေချင်အောင် ပြုလုပ်နေတဲ့ တည်ငြိမ်တဲ့ လေထုကို‌ပေးစွမ်း‌နေသည်။သူရဲ့ အသွင်အပြင်က အလွန်ချောမော၏၊ ဒါပေမယ့် ဂျန်ရှီးလျန်ရဲ့ ကောက်ကျစ်စဉ်းလဲတဲ့ အသွင်နဲ့ မတူစွာ သူက တည်ငြိမ်ပြီး သိမ်မွေ့တဲ့ အရှိန်အဝါကို ထုတ်ဖော်လို့နေသည်။