White Lotus Sister (Realm - 45) [Myanmar Translation]

16. Unicode

တင်းယန်က တင်းမေမေကို ကူညီဖြောင့်ဖျဖို့ နဥ်ရှုကိုပြောလာသည်လေ။နဥ်ရှုက တင်းယန်ကို စိတ်ထွေပြားစွာ ကြည့်လိုက်မိသည်။

"ဒီလိုကိစ္စမျိုးကို သမီးက ဘယ်လိုစကားမျိုးနဲ့ ဖြောင့်ဖျပေးသင့်တာလဲ။" နဥ်ရှုက မေးလေသည်။ရှင်တို့ ဇနီးမောင်နှံကြားက ကိစ္စအကြောင်းအရာကို ငါ့ကို ဝင်ပါခိုင်းတယ်ပေါ့လေ။

ထို့အပြင် ဒီကိစ္စသည် ပြန်လည်ပေါင်းစည်းဖို့မဟုတ်ဘဲ ကွာရှင်းကြရန်ဖြစ်သည်။နဥ်ရှုသည် ထိုသို့သော အဖြစ်မျိုးကို ပထမဆုံးအကြိမ်အဖြစ် ကြုံဖူးလိုက်သည်။

နဥ်ရှုက တင်းယန်အား မေးလိုက်သည်။ "မဟုတ်မှ ပိုင်မိသားစုကို တွယ်တက်ဖို့က ရှင့်အတွက် အရမ်းအရေးကြီးနေတာလား။ရှင့်ရဲ့ဇနီးနဲ့ သားသမီးတွေကို အလေးမထားဘူး။ရင်းနှီးတွယ်တာမှုကိုလည်း ရှင် လုံးဝ ဂရုမစိုက်ဘူးပေါ့လေ။"

"ရှင်နဲ့ မေမေက အနှစ် 20 ကျော်ကြာအောင် ပေါင်းသင်းခဲ့ကြတာ။ အနှစ်နှစ်ဆယ်တောင်နော်၊ လူ့ဘဝရဲ့ သုံးပုံတစ်ပုံနီးပါးပဲ။"

ကျောက်တုံးတစ်တုံးဆိုရင်တောင်မှ ကိုင်ထားရင် ပူနွေးလာလိမ့်မယ်။ဘာကြောင့်များ တင်းယန်ဘက်က ကွာရှင်းဖို့ကို လွယ်လွယ်ပြောထွက်နိုင်ရတာလဲ။

ငွေဆိုတာ ပြင်ပအရာတစ်ခုပဲ။လူတွေက ငွေကိုရှာတယ်ဆိုတာ ငွေနဲ့အတူပါလာတဲ့ အာဏာစွမ်းအားကို ရှာကြတာပဲ။လူတွေကို ခွန်အားနဲ့ စွမ်းအားတွေ ပေးစွမ်းနိုင်ပြီး ကာကွယ်လိုတဲ့အရာတွေကို ကာကွယ်နိုင်စွမ်း ရှိလာဖို့ ဖြစ်သည်။

ဒါပေမယ့် ဒီအရာတွေအတွက်နဲ့ ကာကွယ်ထားသင့်တဲ့ အရာတွေကို သစ္စာဖောက်လိုက်တာဟာ မြင်းရှေ့မှာ လှည်းကို ထားလိုက်တာပဲ မဟုတ်ဘူးလား။

တင်းမိသားစု၏ ခွန်အားဖြင့် ပိုင်မိသားစုကို အားမကိုးဘဲ ရှင်သန်နေနိုင်သည်။ထို့ကြောင့် အဘယ်ကြောင့် ဤကဲ့သို့ အခက်အခဲတွေ ဖြစ်အောင် လုပ်ဖို့လိုနေတာလဲ။

တင်းယန်က သက်ပြင်းချပြီး ကူကယ်ရာမဲ့ ပြောလာသည်။ "မင်းအဖေ ငါက အခုချိန်မှာ ကျားကို စီးနေပြီး ဆင်းရခက်နေတယ်။"