جَعلتْ من القاتل ضحية...
بارت 2
الصباح اصبح..سمر وشيرين محاضراتهم بعد 9..صحو براحتهم اتسوكو ونزلو..
سمر:صباح الخيييير
محمد وابوهو:صباح النور
سمر:اخوي المختفى..كيف اصبحتا؟
محمد ضحك:كوييس وانتي؟
سمر وهي بتقعد:حمدلله
محمد عاين لشيرين وهي بتقعد من غير ما تصبح عليهم قال ليها:شيرين صباح الخير
بلعت ريقها وردت ليهو من غير ما تعاين ليهو:صباح النور
فضل يعاين ليها مساااافة اتوترت من نظراتو وبقت تحرك المعلقة بتوتر..
سمر بتاكل
راشد:وين مازن؟!
سمر:م نزل؟!
راشد:لا
سمر:بكون نايم..اقوم اصحيهو
راشد:لا كملي فطورك اول
سمر:طيب
وتابعت اكل..محمد بس بعاين لشيرين وهي من التوتر قربت تدخل تحت الصفرة
محمد لمن لاحظ توترها حنا عليها اتنهد وعاين لأبوهو وهو بقول:ابوي عندي ليك بُشارة
راشد:اها
محمد:محمود تما العملية بتاعة رستم
سمر قلبت عيونها بزهج من سيرة عملياتهم الهي بتكرها
راشد:طبعا..اصلا الموضوع محسوم
محمد:م دي البُشارة
راشد بحماس:اها في شنو تاني؟
محمد بخبث:محمود جاب ليك هدية تليق بمقامك
راشد ابتسم بعدها ضحك لأنو عرف انو محمود جاب راس زول لكين م قدر يحدد راس منو..
محمد:بعد نفطر بوريك ليها في عربيتي
سمر اتنفضت وقفت علي حيلها وقالت بزهج:حمدلله
راشد:ي بت هسي انتي اكلتي شنو؟
سمر:شبعتا ي بابا
ومشت..محمد راقبها لحدى ما طلعت بعدها قال:البت دي م عاجباني انا
راشد بتبرير لأنو عارف لو محمد ختاها في راسو م ح يريحها:قالت جدولهم ضاغط المرة دي
محمد عاين لشيرين:بالجد؟!
شيرين اشرت ليهو براسها نظام اي
محمد:م ضروري تحضرو امشو ايام الامتحانات بس
شيرين:م ح نكون فاهمين حاجة ودرجات الحضور مهمة
محمد:امتحنو بس والدرجات بنحلها ليكم نحنا
شيرين وقفت علي حيلها:م محتاجين لواسطة
ومشت خلتهم
محمد:البنات ديل مالم بتفرعنو؟
راشد:البنات ديل لسه صغار خليهم
محمد اتنهد وتابع اكلو..
شيرين طلعت لسمر لقتها شايلة هدومها وداخلة علي الحمام
شيرين:محمد قال لعمو انك متغيرة الايام دي
سمر وقفت وعاينت ليها:وابوي قال ليهو شنو؟
شيرين وهي يتقعد في كرسي المكتبة لأنو قريب لسمر:قال ليهو انو جدولنا كعب عشان كدا انتي زهجانة
سمر اتنهدت بزهج
شيرين تابعت كلامها:وقال لينا م تمشو قال
سمر:م نمشي الجامعة؟!
شيرين:قال نمشي بس ايام الامتحانات
سمر:وكدا دي جامعة يعني؟!
شيرين:اسأليني بس..لا والاحلى لمن قلتا ليهو درجات الحضور قال لي امتحنو ونحنا بنحلها ليكم
سمر:استغفر الله العظيم..طبعو مستحيل يغيرو
شيرين:اصلا
سمر:الله يكون في عونا يااخ محمد ومحمود ديل الله يحلنا منهم
شيرين:محمود شوية احسن..في حالو وم بدخل في حياتنا م زي محمد
سمر:ولا احسن ولا شي..الاتنين كل واحد اكعب من التاني
شيرين وقفت علي حيلها:انا امشي البس بعد دا
سمر:طيب
طلعت وسمر دخلت الحمام..
بعد دقايق سمر وقفت قدام مرايتها الجنب الباب..كانت لابسة اسكيرت هاي وسط وااسع ارضيتو سودا فيهو ورود بالكوبي والرمادي الخفيف، شاكاهو مع بلوزة رمادي سادة وشبط زحاف رمادي رافعة شعرها ضنب حصان بي باندة رمادية وطبعا ما بلبسو طرح..شالت شنطتها بتاعة الضهر الرمادية مكتوب فيها نايك بالابيض وطلعت..
كانت ماشة لشيرين بس لاقتها في طريقها..شيرين لابسة اسكيرت هاي وسط اسود سادة وااسع وشاكاهو ببلوزة سودا سادة واسبورت وشنطة نوود رافعة شعرها كعكة لافة ليها شال نود في رقبتها وشايلة مرجعها الدايما بتشيلو..
