جَعلتْ من القاتل ضحية...
بارت 8
وصلو المطعم واول ما دخلو استقبلهم النادل الأشقر ب ينوفورمو المكون من بنطلون اسود وتيشيرت اصفر مكتوب فيهو اسم المطعم في الضهر..
النادل وقف قدامهم وابتسم وهو بقول بلغة اسبانية طلِقة:
Buenos dias me alegro de estar de vuelta, seňor
"صباح الخير..سعيد بعودتك سيدي"
طبعا محمود فوو مرا فيهو خلاهو بتكلم براهو..
محمد حاوط اكتاف النادل وقال وهو ماشي معاهو باسبانية طلِقة: say el mas feliz..como estas chico!!
"انا اسعد..كيف حالك ي صبي؟!"
النادل ابتسم ونزل راسو:Bien seňor
"بخير سيدي"
محمد ابتسم ليهو وهو بقعد..النادل وزع ليهم المنيو..
مازن ابتسم للنادل:Hi..how old?!!
"هاي..كم عمرك؟!"
النادل:I'm 19
مازن:great..me too
محمود وعيونو في المينو:بطلو ونسة مع الجرسون
سمر همهمت وهي عيونها في المينو:مفتري د
محمد جرا منهم المينو وقال:انا ح اطلب ليكم
محمود قال وهو بخت المينو قدامو:اطلب حاجة بتاعة عاقلين..ديل م ح ياكلو اكلك داك
محمد ضحك وقال:بتاكلو بحريات؟!
سمر:ييييييعععع لا طبعا
عاين لشيرين وقال:وانتي؟!
قلبت ليها عيونها:لا
عاين لمازن وضحك:انت طبعا بتاكل اي شي
مازن ضحك:مش في النهاية اكل؟! بموت معاك طوالي
ضحكو..
محمد للنادل:cuatro platos de tortille con refesconte jugo de noranja
"اربعة اطباق اومليت مع عصير برتقال منعش"
النادل وهو بكتب:Estabien
"حسناً"
رفع راسو لمن محمود قال ليهو:Tomaŕė un espresso
"سآخذ اسبيرسو"
"كان شربتا العيصر د كان بقيت زول😒"
النادل:Comoguieras
"كما تريد"
ومشا..
مازن:سؤال بسيط ي مستر محمد..ممكن اعرف طلبتا ليكم شنو؟!
محمد:اومليت
سمر:ود شنو كمان؟!
محمد بغباء:اكلة
سمر:عليييك الله؟!..كنتا قايلا شربة..م عارفينها اكلة يعني معمولة من شنو؟! وعاملة كيف؟!
محمد:حدك حدك دي شنو الكلامها كتير دي؟!
استعدل في قعدتو: ي ستي دي حاجة كد زي القُراصة
"سجم الاومليت"..معمولة من بيض وبطاطس وبصل وكد..واثق انكم ح تحبوها
سمر:نشوووف
مازن:رايكم شنو نتصور؟!
محمد:اهييي علينا
مازن رفع السلفي وبقو يتصور..
شوية كد والاكل جا وطبعا مازن يتعاور واتصور معاهو..وفعلا زي ما قال محمد الاكل عجبتهم واكلو تمااام وشربو عصيرهم..الا فلان اب تفة اكل لقمتين وشرب الاسبيرسو..
بعداك طلعو اتمشوو في شوارع مدريد السمحة ديك..مازن د عايز يطير بالفرح ويغمز للبنات ساي والاسبانيات يتضاحكو وم ناقشين حنانهم..
سمر وشيرين ماشين سوا ومحمد مرات يمشي معاهم ومرات يرجع لمحمود الماشي وراهم..
بالضهر كد البنات قالو تعبو..
دخلو كافي صغير كد وكالعادة محمد يتونس مع النادلة وطلب ليهم قهوة مثلجة "احيي🥲"
ومحمود اخد قهوة سودا..
وطبعا لازم لازم مازن يتصور زي المجنون..
طلعو من الكافي زي الساعة 4 كد..
شيرين:انا م قادرة خلاص رجعونا
محمد:نرجع ويين لسه اللفة ح تبدا يداب
سمر:لفة شنو هو تاني فضل حتة م شفناها؟!
محمد:ايييييك عندكم شارع براغ والقصر د ح نمشيهو بكرة والمعبد وحتات كتيرة
سمر:نمشي يوم تاني هسي كرعيني م حاسة بيهم
محمد:طيب..ممكن نرجع البيت نرتاح كم ساعة ونمشي شارع براغ
سمر:شارع براغ د شنو؟!
مازن جراها:د شارع بكون مضوي الليل كلو اساسا الحياة بتبدا فيهو بعد الشمس تغيب
سمر:حلو شكلو
محمد:حلوو شدييد
مسافة كلامهم د كانو قربو للشقة..وصلو
سمر ومازن نامو بي هدومهم..شيرين استحمت غيرت ونامت..
محمد استحما غير وطلع مشا لمحمود لقاهو قاعد في نص السرير ومُضلم الغرفو وبخرش..
وقف جنب الباب:كنت جاي اتونس معاك..لكين خلاص
محمود وهو بمسح في نخرتو:تعال تعال
وقفل العلبة ختاها فوق الكومودينة..
محمد دخل:رايك شنو نطلع البلكونة؟!
محمود وهو بقوم:طييب
محمد اتقدم قدامو ومحمود وراهو..
قعدو في الكراسي المختوتة مسبقاً.."شقتهم ي جماعة"
محمود طبعا رفع رجلو في سور البلكونة..
رفع علبة السجاير وسحب وحدة..ختاها في خشمو ولعها وسحب منها مرتين ورا بعض عشان تولع سمح..
مداها لمحمد وهو بنفث في الدخان..
محمد مسكها وهو بعاين للنهر..
محمود سحب سجارة تانية ولعها بنفس الطريقة وكل واحد بتفنن في نفث الدخان..
محمد:الجماعة متكييفين
محمود حرك راسو نظام اي..
سكتو مسااااافة..
محمود:سمر مالا؟!
محمد جدع السجارة نفث آخر دخان:م كانت عارفاك جاي
محمود عاين ليهو:ليه م وريتها؟!
محمد:كانت ح تعمل زي سفرة المرة الفاتت
محمود سكت ومحمد نفس الشي..
محمود سجارتو انتهت وولع التانية..
محمد عاين ليهو:انت م اكلتا شي من الصباح..حتي في الفطور اكلتا لقمتين بس
محمود م ردا
محمد:محمود اكل عشان الانيما
"فقر دم..بعد حلاتو دي كلها عندو فقر دم"
محمود اشر ليهو نظام طييب..
سكتو مساااافة.."هسي دي ونستكم؟!😒 "
محمود:بكرة عندي مشوار
محمد عاين ليهو
محمود:وانت ح تودي البنات ومازن للقصر
محمد:قدام
تاااني سكتوو..
