جَعلتْ من القاتل ضحية...
بارت 19
بعد مرور يومين..
الثامنة مساءً..
بيون..
بتعاين للشاشة وم مركزة معاها..
اتذكرت قبل يومين..
محمد صحاها من الصباح قال عازمها فطور..
جهزت وطلعو..
قعد قدامها ومدا ليها يدو..
عاينت ليهو..
قال:رايك شنو نتعرف من جديد؟!
ابتسمت باستغرااب
محمد:ننسى الفات كلو..وكل حركاتي الكنتا بعملها ليك ومخوفاك مني..نتعرف من جديد ك اصحاب او احباب او اي شي..المهم علاقة تكوني فيها مرتاحة وع طبيعتك
عاينت ليهو مساااافة..
مدا ليها يدو تاني:محمد راشد الدمنهوري
ضحكت وصافحتو:شيرين
ضحك:عاشت الاسامي ي شوشو ولا بدلعوك بشنو؟!
ضحكت:كلو ماشي
فكاها:دلعي لازم يكون مختلف..فاا ح اقول ليك رينو
ضحكت:رينوو؟!
محمد:يب يب
سكتت..
وهو سكت وبعاين ليها..
نزلت راسها..
قال ليها:شكلك خجولة
عاينت ليهو وضحكت..د عامل نفسو م بعرفها بالجد..
ابتسم لضحكتها..
محمد:خجولة بضحكة هادئة
عاينت ليهو..
غمز ليها..
ابتسمت وهي بتفتح المنيو:م ح نطلب؟!
محمد:شكلك اكولة كمان
شيرين:قصدك شنو بي اكولة دي؟!
ضحك وهو بشيل المنيو:ولا شي ولا شي
ابتسمت ورجعت تعاين للمنيو..
طلبو اكلهم ومحمد شغال يونسها سااي..
رجعت لواقعها لمن مدا ليها كباية القهوة الورقية الكبيرة ديك وقعد جنبها..
وهو بقول:م عرفتك بتحبي القهوة كيف فا جبتها ليك زي حقتي
عاينت لقهوتها لقتها ساادة
محمد:سادة بي سكر بني..ح تعجبك اكيد
شالت جغمة وفعلا عجبتها بس م ادتو اي ردة فعل..
محمد:هااا؟!
حركت راسها:كويسة
محمد:اوكييه
واتلفت علي الشاشة..
عاينت ليهو ونزلت عيونها لكبايتها..
تقريبا هو قعد يعمل كل البقدر عليهو عشان تحبو..او ع الاقل تكون مطمنة وهي معاهو..لكين م بتنكر انو بدا ينجح في الحاجة دي..
اتنهدت ورجعت تعاين للشاشة..
قصر راشد الدمنهوري..
في الجنينة الورانية..
جاية عليهم وهي شايلة كبابي العصير..
محمود ليهو يومين م ظاهر..جاهم هسي داخل وقال م عايز اكل فجابت ليهو عصير.. وليها هي ومازن معاهو..
ختت الكبابي وقبل تقعد
محمود لمازن:اوراقك كلها جهزت بعد د اجهز انت
عاينت لمازن..اوراق شنو؟!
مازن:م داير..ح اقرا الجامعة هنا
رمشت مرتين..
محمود:م ينفع
مازن:ليهه؟!
محمود عاين ليهو:كد..مف ليك قراية هنا
مازن وقف علي حيلو:وانا م ح اقرا غير هنا
محمود وقف قدامو:معناها م ح تقرا
مازن بقى يهز في رجلو واتلفت علي الجهة التانية..
محمود طلع اوراق من جيبو وجدعهم في التربيزة جنبهم واتلفت عايز يمشي..
سمر اتنهدت ونزلت عيونها لمن وقف عاين ليها لبرهة وتابع مشيهو..
عاينت لمازن لقتو لاوي خشمو وبحرك في رجلو..
قالت:الناس م بتفاهمو كد
مازن:محمود م بتفاهم ولا كد لا غيرو..وانا م ح اقرا برا
بلعت ريقها لمن مشا خلاها..
عاينت لكبابي العصير مساافة وللاوراق الجنبهم..
شالت الاوراق وطلعت غرفتها...
بعد مرور اسبوع..
في الجامعة..
ضحكت وهي شايفاهو بلوح ليها بيدينو الاتنين نظام بااي..
ابتسمت وتكلت راسها لورا لمن العربية اتحركت..
اتذكرت اول يوم جات فيهو الجامعة..كيف رحب بيها بشووق وعتب علي اختفائها المفاجئ..
شوقو الاترجم ليها في شكل قعدات زيادة وونسات وحكاوي م بتخلص..
غمضت عيونها واتنهدت علي حنيتو البتظهر ليها في اصغر تفاصيل تصرفاتو..
