جَعلتْ من القاتل ضحية...
بارت22
حركت عيونها حوليها كدااا..مسافة حتي استوعبت هي وين..قعدت ع حيلها بخلعة وعاينت لمحمود الراقد في السرير..
وقفت ومشت عليهو..خاتي كوع يدو اليمين ف عيونو..ظاهر انو نايم..عاينت لمكان الرصاصة الملفوف وفيهو بقعة دم..
مسحت وشها..محمد قال ليها ح تجيهو حمة..ختت يدها ف جبينو لقت حرارتو عادية..اتنهدت..اكيد ح تكون جاتو وراحت..
عاينت لساعة الحيطة لقتها 1:45 اتنهدت ومشت دخلت الحمام..
عاينت للحمام كلووو..م متذكرة انها دخلت غرفتو ولا دخلت حمامو..
اتوضت وطلعت..طلعت من شنطتها الصلاية..فتشت مصلاية ف غرفتو م لقتها..نزلت تحت فتشتها كدااا لقتها ف الصالة..
شالتها وطالعة كد..سمعت:احم احم
اتلفتت لقتو الياس..طبعا هي م بتعرفو..
قال ليها:صباح الخير مدام..جبتا ادوية الزعيم وم قدرتا اطلعها ليكم لأنكم نايمين
اتنهدت:طيب
وشالتهم منو..
الياس:مكتوب ف الورقة دي مواعيد الحبوب
حركت راسها:تمام
الياس:لو احتجتي حاجة انا بكون واقف هنا
واشر ليها علي جنب باب الفلة لي برا..
حركت ليهو راسها نظام اي..
وطلعت فوق..
لقتو صااحي اول ما دخلت عاين ليها..
ختت الحبوب في الكومودينة ونزلت تجيب ليهو موية..
جات لقتو قاعد علي حيلو وشايل حبوبو ف يدو..
مدت ليهو الموية..بلعهم وختاها ف الكومودينة..
بقت تعاين ليهو كداا..
قال ليها:اقعدي
رمشت مرتين..لمن مسك يدها وقعدها قدامو ف السرير..
قعدت وجرت يدها منو..
قال:امبارح نمتي كويس؟!
حركت ليهو راسها نظام اي
سكتو مساافة..
قالت:اااا..الضربك شنو؟!
عاين ليها..ح يقول ليها شنو؟!..م متعود انو زول يسألو كد..ولو م ردا ليها ح تحسس..
قال ليها:جماعة كد
عاينت ليهو وم ردت..
تلفونو دق..
شالو بيدو اليمين وردا وختاهو ف اضانو..
وقال:الو...كووويس..اي..عاين ليها..اي اي
نزل راسو:استلمتا الحاجات؟!
رفع راسو لمن حسا بيها بتقوم من قدامو..
قال:تمااام..لمن نتلاقى
قفل وجدع التلفون ف السرير..
هي كانت قاعدة ف الكنبة بعيد منو..
عاين ليها:اها
عاينت ليهو:شنو؟!
محمود:محتاجة حاجة؟!
اتلفتت منو:لاا
وهط جسمو ف السرير وختا كوعو ف عينو..دار ينوم والنور مضايقو..
عاينت ليهو مسااافة بعدها وقفت علي حيلها
لمن سمع حركتها..قال وهو لسه مغمض عيونو:ضلمي الغرفة لو سمحتي
عاينت ليهو مساافة..قال ليها لو سمحتي..
ضلمتها وطلعت..
نزلت الصالة قعدت مسااافة كد..حست نفسها جعانة..
دخلت المطبخ..عملت ليها مكرونة بالجبنة..وخلطت برتقال..
قعدت قدام التلفزيون اكلت وشربت ب مزااااج..
م خلت فلم بالغلط م حضرتو..
حست نفسها دار ترقص..بس م عندها طريقة..حتى تلفونها م شاحن..
حضرت كداا..المغرب اذن قامت صلت وتاني رجعت تحضر..اتنهدت اشتاقت لمازن والله..
المرة دي شالتها نووومة..م صحت الا بحركة محمود جنبها..قعدت ع حيلها بخلعة وهي شايفو بخت الريموت جنب الشاشة وطبعا بالبنطلون بس..
عاين ليها:قلتا اقفل ليك التلفزيون عشان م يزعجك
حركت ليهو راسها نظام طيب:لا لا..خلاص صحيت
قعد براااحة..وهو مثبت يدو الشمال ف صدرو عشان م تتحرك وكتفو يوجعو..
عاينت ليهو..ونزلت راسها..
محمود:اكلتي؟!
سمر:اي
سكت وهي سكتت..
وقفت ع حيلها..عاين ليها لمن دخلت المطبخ..
اتنهد ونزل راسو..بيناتهم حاااجز من الصمت..
رفع راسو لمن ختت قدامو صينية فيها صحن المكرونة وكباية عصير..
قالت ليهو:عارفاك م بتحب تاكل..بس حاليا مجبور عشان تعوض
قال ليها:لو انتي ح تعملي لي الاكل..ح احب اكلو
رمشت مرتين ورا بعض واستعدلت وقفتها..
قالت:طالعة اصلي العشا
ومشت..نكش شعرو بيدو اليمين وهو مبتسم..
وبدا ياكل مع انو م عندو نفس بس كونو انو سمر عملتو ليهو دي براها كفيلة انو تخليهو ياكل 10 صحون..
صلت وبقت قاعدة ف الغرفة..
هو بعد مساااافة جا داخل وهو شايل كباية موية..
ختاها ف التربيزة وشال الحبوب..طلع حبيتين ب يدو وحدة..
وبلعهم وشرب فيهم الموية..
اتنهدت وهي بترفع كرعينها ف الكنبة..
جا عليها..مدا ليها كيس هدايا صغير اسود كد..
عاينت ليهو:د شنو؟!
ختاهو ف التربيزة عشان يطلع منو علبة صغيرة سودا مخملية كد..
مداها ليها وقال:هدية العرس
مسكتها منو بتردد وفتحتها..وكانو دبلة دهب ومحبس..عاينت ليهم مساافة الدبلة كانت عريضة شوية وفيها نقوش منها وفيها..والمحبس رفيييع وفيهو فاروصة مدورة..
قال ليها:م ح اجبرك تلبسيهم..جبتهم ليك عشان عرسنا يكون تامي بكل طقوسو
اتنهدت..وقفلت العلبة..
محمود:يلا تعالي معاي
عقدت حواجبها..
محمود:الهدية لسه م تمت
وقفت ومشا ومشت وراهو..
طلع من جناحو واتجه ع نهاية الطابق التاني..استغربت هو واديها وين..
وقف قدام غرفة كد وفتح الباب..واشرت ليها عشان تدخل..
دخلت وهو واقف جنب الباب ببرا..
لقتها غرفة رقص..وااسعة وجدارنها مرايات..فيها سماعتين كباار وجنبهم الريموت بتاعهم..
م قدرت تخفي ابتسامتها..
عاينت ليهو لمن قال:عارفك م بتقدري تعيشي من غير رقيص
ابتسمت ليهو:شكرا
محمود نزل راسو:العفو م عملنا غير الواجب
ابتسمت زيادة ع منظرة وهو خاتي يدو الشمال ف صدرو ومنزل راسو..كأنو امير امير كد..
