جَعلتْ من القاتل ضحية...
بارت4
جا جاري داخل وهو بصرخ:انتهيييييييييييت
سمر وراشد وشيرين كانو قاعدين في الصالة
عاينو ليهو وبقو يضحكو
جا عليهم:انتهيت ي عالم..مصدقين؟!
سمر ضحكت جا عليها شالها وبقا يلف بيها وهو تصرخ
مازن:انتهيييييييت ي حلو
سمر:نزلنيييي بقع بقع..بابا قول ليهو نزلني
راشد ضحك:ي ولد نزلها
مازن نزلها وحضنها لمن كرعينها فارقو الارض
سمر وهي حاضناهو:حمدلله علي السلامة
مازن:الله يسلمك ي حلوو
فكاها وشيرين جات حضنتو:حمدلله خلصتا
مازن:حمدلله شديد يلا
راشد يضحك فيهم ساااي...
في مكان تاني...
قاعد ومرفع كرعينو في المكتب
زفر بزهج وقال:افف من عدم الموضوع
رجع راسو لورا..ابتسم لمن شيرين جات في بالو..بحبها م بنكر كدا بس عمرو م قال ليها كدا..م قادر+ظاهر انها بتكرهو..م من الليلة ولا من امبارح شيرين من صغيرة بتحاول م تحتكا بيهو..يمكن خووف او كره..م فاهم تصرفها بس الحاجة الوحيدة الفاهمها انو بحبها زي ما محمود بحب سمر..ابتسم بسخرية علي حالهم..محمود ومحمد الدمنهوري..الولدين الماسكين الجو وموقفين بنات الخرطوم ع فت رجل..م الخرطوم بس..اي حتة بمشو فيها البنات برقدو ليهم رز..جمالهم اليوسفي وشخصياتهم مداهم جاذبية وطابع مختلف..وبعد دا كلو مسفوهيين من الهم بحبوهم
قطع تفكيرو دخول محمود..
قعد بزهج وهو بطلع سلاحو برميهو في تربيزة المكتب
محمد رفع حاجبو:خير خير..مالك؟!
محمود م ردا كأنو م سمع شي
محمد استعدل في قعدتو:هييي..بتكلم معاك انا
محمود ببرود من غير م يعاين ليهو:زهجان
محمد:من شنو؟!
محمود اداهو نظرة بعيونو الباردة ديك وم ردا
محمد اتنهد ورجع بضهرو لورا..ودخل في دوامة تفكيرو في شيرين..اصلا محمود وجودو وعدمو واحد م بتكلم..
تكلت يدينها في صفرة المطبخ وهي بتعاين لمازن القاعد فيها وبياكل في سندوتش
وقالت:بعد تاكل امشي نوووووم..اتفشى حق الايام الفاتت
مازن:هه انوم قال..النوم ملحوق انا طالع اصيع
وزع نظراتو بينها هي وشيرين وقال بخبث:تجو معاي؟!😈
شيرين ضحكت نظام ااه ويين يااا
سمر:م طالع مع اصحابك؟!
مازن:هم م اصحابي زايد عاملين طلعة جماعية ممكن اسحب علي حنانهم زاتو
سمر ضحكت:حلو..اساسا لينا فترة م طلعنا
مازن بحماس:قدااام..الليلة نفل الخرطوم كلها
"تفلو قمل؟!😃👋🏻"
سمر صفقت بحماس
شيرين:محمد ومحمود م ح يرضو
سمر بزهج:م علي كيفهم نحنا
شيرين:ح يعملو لينا موضوع ساي
سمر:ح نكلم بابا م عندنا ليهم شي تاني
مازن وهو بفتح في سستة جيب الترين:دقيقة دقيقة
سمر وشيرين سكتو،
واصل كلامو وهو بطلع التلفون:هسي اضرب ليكم لحفتر واحسم ليكم الفوضى
سمر قلبت عيونها
خت التلفون في اضانو وحك فوق حاجبو وهو بسمع في الجرس
سمع صوتو:اي ي مازن
مازن:حفتر ياااا..قول حمدلله علي السلامة
محمود:حمدلله علي السلامة
مازن:الله يسلمك..قلتا ليك ي محمود
محمود سكت
مازن واصل:طالع الف شوية كدا وسايق معاي البنات
محمود:سمر وشيرين؟!
مازن بترقب:اي..لينا فترة م طلعنا سوا
محمود:طيب انتظرو نجي نطلع معاكم
مازن بعاين لسمر:تجو تمشو معانا؟!
سمر اشرت ليهو نظام لا م يجو
مازن:ااا..نحنا خلاص لبسنا وطالعين..بعدين م بحتاج يخ
محمود باختصار:تمام..اعمل حسابك عليهم
مازن:طيب يلا
محمود قفل الخط
مازن:يلا جبتا ليكم الموافقة
سمر وهي بتقوم من محلها:بيها او من غيرها كنا ح نكلم بابا ونمشي
شيرين:محمد جنبو
مازن:م عارف والله..لكين خلاص مدام محمود قال امشو محمد م ح يكون عندي مانع
شيرين وهي بتقيف:خلاص تمام..امشي اجهز
مازن نزل من التربيزة:انا زاتي..عليك الله خارجونا سريع
شيرين:طيب
مشت وهو مشا وراها..
خلال تلت ساعة كانو جاهزين..
وقفو التلاتة قدام راشد
مازن:اي كلمناهم وقالو لينا امشو
راشد وهو بقلب في جريدتو:تمام بس م تتأخرو
مازن:طيب وي خالي انا عايز اسوق
راشد:تمام شيل المفتاح من برعي "السواق"
طلعو وهم فرحانين..مازن استلم المفتاح وركبو سمر قدام وشيرين ورا..
مازن وهو بدور العربية:اها نمشي وين؟!
سمر:عفرا او توتي
مازن:رايكم شنو نمشيهم الاتنين
شيرين:خلينا ليك الموضوع دا نحنا..لففنا علي كيفك
مازن:ح اعزكم الليلة
ضحكو وفعلا عزاهم..اول شي مشو توتي الساعة كانت 3 عصر..الجو حلو وقعدو في حتة بعيدة من الناس..مازن طلب ليهم البامبي بالشطة ودخلو كراسيهم في الموية طبعا..
جابو ليهم البامبي وبدو ياكلو..مازن طلع التلفون وبقى يصورهم فيديو سيلفي
مازن:طبعا البتين البرجوازيات ديل م حصل اكلو البامبي بتاع توتي
سمر ضحكت وهي بترجع شعرها لورا..وكانت فكاهو طبعا وقال:منو القال ليك اول مرة
مازن:انا قلتا ليك
شيرين:وقف الفيديو وخلينا ناخد صور ياااخ
مازن:طوالي ي شري
وقف الفيديو وبقو يتصورو مرة سمر متكلة في مازن ومرة هي وشيرين متحاضنين ومرة بتأكل مازن في البامبي ومرة شيرين بتاكل وخشمها مليان..
سمر بتلحس في الشطة بتلذذ
لقت مازن منزل التلفون وبصورها
سمر:هييي
وشو رشتو بالموية
مازن:التلفون ي جن
ورشها..شيرين ضحكت
سمر شوو رشتها
شيرين:ي سجم الموية باردة يااخ
المهم اتعاورو زييييين واتونسو وضحكو واي شي..لحدي المغرب خالتو ست الشاي جات قومتهم عشان تلم كراسيها..مازن دفع وطلعو..
