جَعلتْ من القاتل ضحية...
بارت 15
بعد مرور اسبوع..
قصر راشد الدمنهوري..
غرفة مازن..
قاعد وبهز في رجلو بي توتر نفس هزة محمود..
عاين للباب لمن سمعو بفتح علي امل انو يكون اخوهو بس خاب ظنو لمن شيرين جات داخلة..
عاين لسمر القاعدة جنبو وعاينت ليهو لمن اتلفت علي الباب
وقال:محمود شكلو م ح يجي
ختت يدها في كتفو وهي بتقول:ح يجي
مازن:المؤتمر بدا وهو لسه م ظهر
سمر:بكون مشغول..م تخاف..شدت علي كتفو..انا معاك
عاين ليها مسااافة..بالجد هي معاهو..بي خوفها بي قلقها وتوترها الاكتر من توترو..معاهو من اول يوم مشا سجل في علمي..او بالاصح معاهو من عمرو 10 سنة..م فارقتو لحظة ولا حسستو ولو لمرة انو عندها حاجة اهم منو..بالجد سمر امو الربتو..رغم انها اكبر منو بي سنتين بس..
جرا يدها..مسكها بي يدينو الاتنين..
شيرين:رسلتو رقم الجلوس؟!
مازن بهز في رجلو..
سمر:اي..بتظهر بعد المؤتمر
مازن غمض عيونو..
سمع صوت الباب بفتح..المرة دي م اتلفت..
اتلفتت سمر بدلو..
محمد:اهااا بشرووووو
سمر:لسه لسه
محمود جا وقف ورا مازن وختا يدو في كتفو وشدا عليهو
مازن عاين ليهو
محمود:م تتجرس..خليها تجي زي ما تجي
مازن عاين ليهو مساااف..وابتسم وحرك ليهو راسو نظام طييب..
واتلفت قدامو..
كنكش زيادة في يد سمر وختا راسو في كرعينو وهو بسمع في اسامي المتفوقين..موقن انو م ح يكون منهم بس مُتمني يتفوق وم ح يرضى بي نجاح بس..
محمود بلع ريقو وهو شايف مازن ماسك يد سمر وشادي عليها..متوتر اكيد لي نتيجة اخوهو..
سمعو صوت رسالة في تلفون مازن القاعد جنب سمر..
رفعتو بسرعة..مازن ختا ليها في قلبو وفوقها يدينو الاتنين..
عاينت ليهو بسرعة وهي بتخت سبابتها محل البصمة..فتح ودخل محل الرسايل لأنو اصلا كانو داخلين فيهو..
ابتسم وصوتها اتبحا بي الفرحة لمن شافت نسبتو..
قالت:مازززن
محمود طبعا قرا النسبة لأنو واقف وراهم وهم قاعدين..
مازن:اها اصدميني سرييع
محمود ضربو في ضهرو:85,4
مازن سكت مسااافة وبعدها دنقر راسو..
شيرين:مبرووووووك الف مبروووووك
محمد:اووووو..حفار ي مااان
مازن طبعا بس مدنقر راسو شكلو ببكي
محمود ضربو تاني في ضهرو:قووم
سمر جرتو بي يدها الماسكها وقالت:ي ود
مازن رفع راسو وطوالي حضن سمر..
ضحكت وهي بترجع لورا..وبتحاوطو بي يدينها الاتنين..
سمر:مبرووووووك حبيبي الف مبروك
مازن بمسح في دموعو..
فكتو وبقت تمسح ليهو في دموعو..
ضحكت وقالت:ي ود بتبكي ليه؟!
محمد ضربو:راجل كبير كد تبكي؟!
مازن وهو لسه بمسح في دموعو:كنتا خايف اسقط
ضحكو كلهم
محمود ابتسم:انت وين والسقوط وين..قوم خلينا نبارك ليك
مازن ابتسم ووقف علي حيلو..
سمر ابتسمت وهي شايفة
محمود بحضن اخوهو وهو بقول:مبروك..رفعتا راسنا
مازن:حمدلله..الله يبارك فيك
محمد جا حضنو:مبروووك ي حفار العيلة
ضحك:الله يبارك فيك
شيرين جات عليهو وهي بتمسح في عيونها:حرام عليك بكيتني
ضحك وهو بجرها لي حضنو:اسف اسف
حضنتو:مبروووم شديد..عقبال التفوق في الجامعة
مازن:الله يبارك فييك
فكاها وجا علي سمر تاني..ابتسمت ليهو وابتسامتها اتحولت لضحكة لمن حضنها شديييد لمن كرعينها فارقو الارض..
قالت:مبروووووكات يخ..ولدي شاطر من يومو
محمود ابتسم..
مازن فكاها:الله يبارك فيك..ي جماعة بحبكم شديد والله
محمد لزاهو:ونحنا زاتنا بنحبك
ضحك..
قاطعهم صوت تلفون مازن..بدت التلفونات تدقدق..عايزين يعرفو نتايج بعض..وشوية كد لبس واتجه علي المدرسة عشان يعرف تفاصيل نتيجتو....
