جَعلتْ من القاتل ضحية...
بارت17
صباح اليوم التالي..
صحت بي صوت اغاني عاالي..
اتوضت وصلت سريع سريع ونزلت..
لقت مازن خاتي مسند في الارض في نص الصالة وقاعد فيهو وخاتي جنبو استريو ومشغل صولة باسل هولندي الزابطة ديك..
ضحكت:صباح الازعاج
مازن:ازعاج ايييه ي بت..دي اجواء العرس
ضحكت وجات عليهو:عرس بي زنق كد؟!
مازن:ممكن نغير الزنق طوالي
وشغل غنية سيرة..
ضحكت وفكت الزغروتة
وقف علي حيلو:ابشششري💃🏻👋🏻
ضحكت وصفقت معاهو..
محمد جا نازل من فوق وريتا جات طالعة من المطبخ..
مازن:سمعني احلي زغروتة للعريييس
سمر فكت الزغروتة..
محمد ضحك وغطا وشو بي يدينو..
مازن ابتسم علي حركتو دي..
وقال:من الليلة الاستريو د ح يصبها معانا هنا
في مكان آخر..
راكبة في عربية ابوها..
وماسكة تلفونها..
شافت صورتو الرافعها الليلة في الانستا..
صورتو بالجلابية وكاتب
"رحم اللّه من اشتاقت لهم روحي وهم تحت التراب😪💔"
بلعت ريقها وهي بتقفل التلفون تختو في كرعينها..يحليلو اكيد فقد امو وابوهو في العيد د..
ي ريت لو كانت بتقدر تكون جنبو..كانت اكيد ح تخفف عنو شوية..
الواحدة واربع دقائق ظهراً..
قاعد في الصالة وبهز رجلو بعاين لي محمد ومازن البرقصو مع ريتا..
ثبت نظرو في سمر البتصفق وبتضحك..متأكد انها كانت بترقص قبل هو يجي..
ثبت هزة رجلو لمن عاينت ليهو..
رمش مرة..عملت زيو واتلفتت منو..
الرابعة والنصف عصراً..
فكت الزغروتة وهي شايفاهو جاي نازل ولابس العلي اللّه..
مازن واقف جنبها:ابششرري💃🏻
محمد ضحك وجا بشر ليها..
قعد في السرير الخاتينو في نص الصالة..
وقدامو تربيزة فيها صينية الجرتك..
ريتا قعدت قدام محمد عشان تحننو..
عاين لسمر:م ح تحننيني انتي؟!
حركت ليهو راسها نظام لا:لازم يحننك زول امو وابوهو عايشين
محمد نزل راسو من غير يقول شي..
راشد جا نازل..سمر زغرتت ليهو..
بشر ليها وقعد جنب ولدو..
محمد ابتسم وهو بعاين لي ريتا البدت تحنن رجلو اليمين..
سمر عاينت وراها..لي باب الصالة..
محمود قبل شوية كان هنا..وطلع..شكلو طلع عديل..معقول يطلع من غير يحضر حنة محمد؟!..آه د م عندو اهتمام بي اي زول..
اتنهدت واتلفتت قدامها..
مازن طبعا مندمج مع الاغاني..وهي زاتا اندمجت معاهو..
محمد يضحك مرة ويبشر مرة..
قعدت محل ريتا عشان تحنن يدين اخوها الاصرا انها تحننو..
اثناء ما هي بتحنن محمود جا قعد في السرير جنب محمد..
بعلت ريقها من غير ترفع عينها..عارفاهو ح يكون مثبت عيونو عليها..
محمد لزاهو بكتفو:وين انت ي زول..اتأخرتا كد ليه؟!
محمود:الموضوع جرا
محمد:عليك الله..وهسي كيف؟!
محمود وهو بهز في رجلو:هسي تما
محمد:كويس عشان اقضى ايام عرسي دي بي مزاااج
محمود م ردا ليهو..
سمر اتوترت من هزة رجل محمود..
ادتو نظرة سريعة ورجعت تعاين في يد محمد..
مازن وطا صوت الاغاني وجا قعد جنب محمد بالجهة التانية..بي جهة سمر قاعدة..
وقال:انا زاتي ح اتحنن
سمر:اصلا لازم تحنن
مازن ابتسم:احنن اليمين ولا الشمال؟!
سمر وهي بتفك يد محمد اليمين وتمسك الشمال:اي وحدة
مازن:ح احنن الشمال..عشان لو جعتا وانا خاتي الحنة
محمد:هوي كلها ساعة وح تقلعها..شنو لو جعتا؟!
مازن:ممكن عادي اجوع في الساعة دي..وارد
سمر ضحكت..
محمد عاين لمحمود:وانت؟!
محمود عاين ليهو..نظام شنو؟!
محمد:ح تحنن اليمين ولا الشمال؟! ولا الاتنين؟!
مازن:ممكن احنن الاتنين؟!
محمود:ولا وحدة
محمد:لا لا ياااخ
مازن:قاسية يخ
محمود م ردا ليهم..
محمد:حفتر الكلام د م بجي..ينفع م تحنن في عرسي؟!
مازن:لا طبعا م ينفع
"مازن بقابض ساي🙂👋🏻"
محمود عاين لمازن..
محمد:اتحنن ياا
محمود عاين ليهو وسكت..
محمد سكت برضو..
سمر ساااكتة وم شاركت في الموضوع..
محمود قلبها في راسو..لو اتحنن معناها سمر ح تحننو..ح تمسك يدو وكد..
