جَعلتْ من القاتل ضحية...
بارت 6
صباح الأحد..
التاسعة والربع صباحاً..
صحت بي صوت ريتا بتفتح في الستاير..وفي ثانية اشعة الشمس ملت الغرفة..
ريتا:شيرين يقول هق انت يسهى
سمر بخمول:طيب طيب
صحصحت واتجهت علي الحمام اتوضت صلت ومشت لمازن لقتو نايم كبت فيهو جك موية حتى صحا وهو زاتو قام يصلي
نزلو سوا..
لقو شيرين بتدخل الكيكة في الفرن..
سمر:الله الله..صباح النشاط
شيرين ضحكت:يسعد صباحك
سمر:كيف بقيتي؟!
شيرين:حمدلله احسن بي كتيير
عاينو مازن لقوهو مقرب وشو من فرن الكهربا وبعاين للكيكة..ضحكو..
اتلفت عليهم:دي كيكة شنو؟!
شيرين:برتقال
رجع عاين للكيكة واتلفت عليها:ود شنو المجدع فيها د؟!
شيرين:زبيب
مازن جا عليهم:معانا الشيف شيري شخشيا
ضحكو وقعدو شوية كد الكيكة طلعت وطبعا مازن مستلمها زي الشافع منتظرها تبرد عشان يقطعها..
في مكان ما..
اطراف العاصمة المثلثية..
يقف رجل في عقده السابع امام سيارته الجيب السوداء وبجانبيه رجلين صخمى البنية ببذل سوداء ونظارات سوداء..
توجه بنظره لذلك الذي يترجل من سيارته البرادو السوداء ويتقدم إليه..يقف امامه بشموخ ويخلع نظارته رمادية اللون مائلة للسواد..
نطق الرجل:اها وين البُضاعة؟!
اردف الآخر وهو يخلل شعره باصباع يده اليُسرى:بُضاعة شنو انت صدقتا؟!
الرجل بغضب مكبوت:حفتر..المواضيع دي م فيها هظار
اغمض عينيه ليفتحهم ببروود:ومنو القال ليك انا بهظر؟!
"اي يخوانا..د محمود حبيبنا المطلع صليبنا😂🙊"
زمجر الرجل:عاين ي حفتر..انا م عندي ليك وقت خلينا نتم العملية
محمود:فعلا انت م عندك وقت..طلع مسدسو..استشهد
في اللحظة دي البودي قارد الواقف يمين الحسن طلع مسدسو وصوبو علي محمود بس محمود كان اسرع منو وضربو برجلو في بطنو..واتلفت سرييع علي البودي قارد التاني ضربو في قلبو برصاصة..
الحسن فقد اعصابو لمن واحد من رجالو مات..
البودي قارد التاني جا ناطي في محمود
محمود ضربو بوكس والبودي قارد رداها ليهو..
حاول يديهو التاني بس محمود بي حركة سرييعة ثبت ليهو يدينو الاتنين وضربو بي راسو في راسو..
البودي قارد رجع لورا..
محمود اشر ليهو بيدو:ارح..خلصنا
جا عليهو جاري ومحمود دنقر مسكو من خصرو وقلبو وراسو طقق مع الارض..
محمود وقف وضربو برجلو في بطنو..واتلفت علي الحسن الكان مراقب بخووف..
محمود:في معلومات قبل تموت لازم اعرفها
الحسن ونظراتو بتتوزع بين محمود وحاجة ورا محمود:معلومات شنو؟!
محمود اتلفت بسرعة وراهو لقى البودي قارد رافع مطوة عايز يضرب بيها محمود..محمود مسكها في باطن يدو ولفا للبودي قارد يدو وكووو ضربو بي راسو في راسو..وبرجلو بين كرعينو البودي قارد بب وقع..
محمود استعدل مسكة المطوة وطعنو في بطنو..
اتلفت علي الحسن وهو بنفط في يدو المجروحة
وقال:كنا وين؟!
الحسن قرر يستسلم لأنو بقى من غير حماية..
قال:معلومات شنو العايزها مني؟!
محمود:انت عارف انا ولد منو؟!
الحسن بدا يتمتم..طبعا محمود مشهور بي حفتر بس..
محمود:ولد ناصر الدمنهوري
الحسن اتخلع وبلع ريقو
محمود:ناصر القتلتوهو قدام اولادو
الحسن انفعل:انا انا م كنتا في السودان اساسا الوقت داك
محمود ولأول مرة ينفعل:برا ولا جوا..قتلتوهو ليه؟! عندكم معاهو عداوة؟!
الحسن بإندفاع:لا لا لا م عندنا معاهو عدواة..نحنا اصلا..
سكتت
محمود خنقو:اصلا شنو؟!
الحسن بدا يكح
محمود فكاهو..
الحسن ختا يدو في حلقو وبدا يحكي:نحنا م كنا اعداء..نحنا كنا اصحاب قرينا الجامعة سوا
محمود قاطعو:في روسيا؟!
الحسن:ايوة..اتلاقينا وكنا اصحاب شديد ابوك طبعا معروف من عيلة الدمنهوري وطبعا زيهم كان بتاجر في السلاح ونحنا م كنا عارفين..كان داسي مننا شغلو..طلعاتو كانت كتييرة بليل وبعد مرات بغيب بالاياام ولمن نسألو م بدينا جواب حاسم
محمود ابتسم لمن حسا انو هو شايل كتير من طبعا ابوهو..
الحسن سرح وكأنو شايف البحكيهو د قدامو:انا عن نفسي م كنتا محكتى بيهو شديد ولا اهتميت بالموضوع لكين النجاشي كان اقرب واحد فينا ليهو ودخل وراهو لحدي ما ابوك وراهو بالموضوع
محمود ضغط علي اسنانو من سيرة النجاشي..
الحسن:شوية شوية بدينا ندخل معاهو في الشغل..يعني بقينا نمشي معاهو جحور التسليم وبقى يسلم كل واحد فينا عملية براهو..ونحنا زاتنا بدينا نساهم بي راس مال ونجيب اسحلة ونوزعها بي معرفتو
وكدا لحدي ما خصلنا الجامعة شغلنا كبر شديد..بس ناصر كان البووس واي عملية تتم لازم تمر تحت يدو بس م كان بشيل نسبة مننا..شوية شوية النجاشي بدا يختلف مع ناصر في اي شي وفكرة انو الموردين كلهم بعرفو ناصر م عاجباهو..كبرنا وكبرت مشاكل ناصر مع النجاشي لحدي ما في يوم النجاشي اتصل وكان بكورك وهايج قال ناصر سرق منو اسحلة كان ممكن تبقيهو ملياردير ولمن اتكلمتا مع ناصر قال انو اصلا البيعة دي جياهو هو من برا م لي النجاشي وانو اساسا م داخلة ليهو في راسو بس تماها عشان خاطر جدك ابو امك واولاد عمو الي هم اخوان امك
محمود اشر ليهو براسو نظام اي..
الحسن تما:بعدها انا سافرتا عشان احضر زواج رستم في اسبانيا وهناك سمعتا انو ابوك اتقتل ومشيت عزيت مع عيلة الدمنهوري وكان زعلانين ومتهمين النجاشي بقتلو..بعدها بي فترة لاقيت النجاشي وطلع فعلا هو القتلو هجت فيهو وشاكلتو انو كيف يبيع صاحب عمرو عشان بيعة م بتسوا بس كان ردو وقتها انو طول ما ناصر عايش نحنا عمرنا م ح نكبر وانو واقف لينا شوكة حوت..بس انا م كنتا عارف انو امك برضو اتقتلت م كنتا عارف
محمود بعاين ليهو مساااافة..م قادر يعبر..قتلو صاحب عمرهم عشان اسلحة؟! عشان قروش؟!
رفع المسدس في وش الحسن وعشقو..
وقال:الله يرحمهم وم يرحمك انت
وقبل يسمع صوتو كان صوت الرصاصة وهي بتدخل بين عيون الحسن طاغي..
طلعت منو شهقة وبعدها سكنت انفاسو..
محمود اتلفت مشا خطوتين وقف وغمض عيونو وهو بسترجع ذكريات موت امو وابوهو..
فتح عيونو الغتمت بحقد وقال:دورك ي النجاشي..صدقني م ح ارحمك...
