جَعلتْ من القاتل ضحية...
بارت 5
كشرت ملامحها بضيق لمن حست بي حاجة ناااعمة في رقبتها وحاجة لزجة دافية في وشها..اتلفتت علي الجهة التانية..الحاجة حركتها سكنت لثواني وتاني رجعت تحس باللزوجة في وشها..فتحت عيونها واخدت ثواني حتى الرؤية اتضحت ليها..لقتو جرو صغير لونو رمادي اضنينو قصار وعيونو مايلة للاحمرار..مقرب وشو منها.. جااااااك صرخت بطول حسها وهي بتقعد علي حيلها بخلعة لدرجة الجرو وقع في حجرها..رفعت راسها للواقف وبضحك
كوركت بغضب:مااااازن
اشرت علي الجرو وقالت:شيل الزفت دا مني سريع
مازن لسه بضحك
كوركت اكتر:ماااززززننن
مازن:عيونو والله
سمر:الله ياخدك يااخ..شيل العفن دا مني
ونفضت الغطا وكرد فعل طبيعية الجرو اترتع كدا..
مازن شالو:براحة عليهو..حرام عليك
سمر:حرام عليك انت..في زول بصحى زول كدا؟!
مازن ضحك:نومك تقيل اعمل ليك شنو؟!..بعدين الساعة 1 كفاك نوم
طيرت عيونها:كم؟!!
مازن وهو رافع الجرو وماشي علي الباب:السمعتيهو
طلع وقفل الباب وراهو
"نتفق انو مازن دا فيهو سخافة كدا😂✌🏻"
سمر رفعت تلفونها لقتو قاطع شحن اتنهدت بزهج وختتو في الشاحن عاينت لساعة الحائط وهي بتقيف وفعلا لقتها 1:7م صلحت هدومها وهي متجهة علي الحمام..
اتسوكت واتوضت وجات صلت الضهر وصلت بعدو ركعتين نافلة..طبقت حاجات الصلاة واتجهت علي تحت..م لاقت زول..مشت المطبخ طبعا كالعادة جعانة..شالت ليها تفاحة..واتلفتت علي ريتا الجات داخلة
سمر:وين الناس ديل؟!
ريتا:شيرين مشا الجامعة والباقى في البلكونة الكبير
سمر يداب اتذكرت يداب انو الليلة عندها جامعة
اتأفأفات:فطرو؟
ريتا:بابا راشد قال يستنو انت
سمر:تمام..جهزي الفطور وطلعي لينا فوق
ريتا حركت راسها نظام حاضر..وطلعت فوق الطابق التالت وسيداً علي البلكونة الكبيرة..طبعا الطابق التالت دا فيهو جناح راشد م قعد يطلعوهو كتير..افتكرت انو ح تلقى راشد ومازن بما انو محمد ومحمود المفروض يكونو في الشغل حاليا..
بس خاب ظنها لمن سمعت صوت محمد بضحك..قربت عليهم وعقدت حواجبها لمن شافت محمود قاعد وماديها ضهرو..حمدت ربها انو بجامتها كاملة وشعرها طبعا كعكة..
قالت:صباح الخير
مازن كر كر كو بدا يضحك
جرت ليهو نور وعاينت لأبوها الواقفة جنبو
وقالت:كيف اصبحتا؟!
راشد مسك يدها:تمام ي بتي وانتي؟!
سمر وهي بتجر الكرسي عليهو وبتقعد:حمدلله
طبعا الكراسي كانت شكل نص دايرة..ترتيبهم كان محمد راشد في كرسي فاضي بعدو محمود ومازن الاخير..
طبعا حرت الكرسي نظام تبقى بعيدة من محمود
راشد:مالك م مشيتي الجامعة؟!
سمر وهي بتخت اطراف اصابعها في جبينها:شالتني نومة..وشيرين م صحتني
راشد ضحك:قالت صحتك وابيتي تقومي ف قلتا ليها خليها
سمر رجعت ضهرها لورا في الكرسي وقالت:يلااا..م فارقة
راشد ابتسم ليها وعاين لمحمود المثبت نظراتو علي سمر..
محمود طبعا حسا انو راشد بعاين ليهو لكين برضو م نزل عينو من سمر..
"قوة عيين🙂👋🏻 "
سمر حاسة بنظرات محمود بس عاملة رايحة..
عاينت لمازن الشايل سلحفاء في يدو
وقالت:جابوهم ليك؟!
مازن عاين ليها:اي..اتخيلي افنتيتي جابت جرو..الوريتك ليهو في غرفتك يخ
سمر:اسمها الخلعتك بيهو..في زول بخت لزول نايم كلب في وشو؟
محمد ضحك:انتي شكلك بتخافي من الكلاب
سمر:مووووت زايد هو خاتيهو لي في وشي وواقف بضحك زي الغبي
محمد:وكمان حلات من هنا قال انا ماشي اصحى سمر
سمر:معاق خلاص..قربت تجيني هارت اتاك
وختت يدها في قلبها
محمود يداب نطق:بعيد الشر
ادتو نظرة غاضبة سريعة وم ردت..نظرا لأنو ابوها قاعد
راشد تلفونو دقا وقام عشان يرد
ومازن فرتلب قام علي حيلو
سمر عاينت ليهو ورجعت عاينت لمحمد لمن قال ليها:شعرم دا مالو عامل كدا؟!
سمر ختت يدها في راسها:دي تسريحة ي بابا
ضحك وهو بقول:عليك الله؟!
سمر:اي..تلف شعرم بعشوائية وتنوم لمن تصحى بتلقاهو عامل كدا
ضحك:كلام لكين
سمر:شفتا كيف🤘🏻
محمود مراقب وهو خاتي سبابتو تحت خشمو
سمر لمحمد:مالك الليلة عاطل؟!
محمد:م عاطل..طلعنا وجينا ي كوم النوم
سمر:معناهو طلعتا بدري
محمد:م شديد..زي 9 كدا ورجعنا قبل شوية
"ملاحظين محمد بتكلم بصيغة الجماعة وهي بصيغة المفرد..م عايزة تدخل محمود😂"
سمر مطت خشمها:امممممممممم
سمعت صوت مازن بقول:ي حلو شوفى دي منو؟!
تلقائيا اتلفتت عليهو..صرخت ووقفت علي حيلها لمن لقتو شايل افعى..
محمد+مازن فكو الضحكة علي منظرها
محمود ابتسم بالجنبة..
مازن:تعالى تعالى
سمر وهي بترجع لورا:دا شنو دا ي ود انت جنيت؟!
مازن:اتخيلي لمن مشيت اجيب حيواناتي لقيتها وانسجمت معاي وجبتها
سمر وهي بتعاين ليهم التلاتة وهم بهبشو في الافعى قالت:انتو مجانين؟!
محمود وهو بمد يدو قريب من الافعى والافعى تتلفا في يدو بسرعة
قال:م تخافي منها م بتسمم
سمر:انت بالذات م تتكلم عن السم..الافعى دي ح تسممها انت م هي الح تسممك
محمد بحدة:سمر
محمود وقف علي حيلو وهو شايل الافعى وجا عليها..
سمر وهي بترجع لورا:محمرد زح مني
وهو زي الم سامعها مقرب الافعى من وشو..وهي بتحرك راسها يمين وشمال بسرعة كأنها بتفتش علي شي
سمر قربت تبكى:محمود لا عليك الله
"كلبة..ما هسي بتتفاصحي"
حست بسور البلكونة وراها..اتلفتت وراها سريييع ورجعت تعاين لمحمود الجاي عليها لسه..
مازن لمن شاف سمر اتجرست جا عليهم وهو بقول:محمود جيب الشي دي
محمود وعيونو علي سمر البترجف من الخوف:مازن زح
مازن بحدة:لا م بزح..انت م بتحس البت ح تهبط من الخوف
وشال الافعى منو قبل ما يسمع ردو
"بطل ي وااد😂👋🏻"
محمود عاين لسمر..نظام اها مش قلتي انا بسمم بوريك السم ع حق وحقيقي
سمر لزتو وجرت طلعت من الحتة كلها..
محمود وهو برجع يقعد جنب محمد
محمد:خف علي البت شوية
"البت..كأنها م اختو🙂👋🏻"
محمود عاين ليهو وم ردا..
سمر دخلت غرفتها واترمت في السرير..مستحيل تمر قعدة كدا عليهم الا محمود يمسخها ليها..بتكرهو..
وقفت علي حيلها اتجهت علي الحمام لبست ليها استرتش اسود معاهو طب نص اسود واتجهت لغرفة الرقص شغلت الغنية وبدت ترقص باحترافية وتعاين لروحها في المرايات الحولينها...الليلة برضو بترقص بسبب محمود..زي ما كل مرة بضايقها فيها..عامل روحو بحبها..هه قايل دا حب؟!..في نظرها دا محرد اضطهاد وتملك..الحب مشاعرو حلوة ورقيقة وهو والرقة عمرهم م بتلمو..ولا ح تعرف الرقة يوم طريق لقلبو...
