جَعلتْ من القاتل ضحية...
بارت 25
بعد مرور شهر..
الرابعة والربع صباحاً..
جامعة الرباط..
رفع راسو من التلفون لمن سمع صوت بت بتقول:هااي
قال:وعليكم الهاي
ضحكت:ممكن اقعد؟!
زح شوية وحرك الفريم وعلبة السجاير والولاعة..
قعدت وهي بتقول:ثانكيوو شديد ع موقف امبارح
ابتسم:العفو يخ..م عملتا شي
ختت تلفونها في حجرها:عملتا والله..لو لاك كنتا ح ارجع البيت مشيا علي الاقدام..اخوي سجمان شديد وعادي يفوتني
ضحك:عليك الله؟!
البت:اي والله دايما ساحب علي
ابتسم:الله يكون فعونك
البت:اميييين..لحدي ما سيارتي تنزل
رفع حاجبو وحرك ليها راسو نظام طيب..
زحت خصلتها من وشها وقالت:سوري..صرعتك بي معانتي مع محمد
استنتج انو محمد د اخوها:إتس اوكيه يااه
قالت ليهو:شايفاك م مخلتط مع باقي الباتش
رفع حواجبو دليل علي عدم الاهتمام:م شايفها حاجة ضرورية
ابتسمت:كلامك د اعتبرو افتراا ولاا خجل ولا كيف؟!
ضحك وم ردا..
سكتت لمن لاحظت انو بختصرها..
صلح قعدتو وم اتكلم..تلفونها دقا..رفعتو وقالت:د محمد المرض
وقفت علي حيلها:لازم امشي
رفع ليها راسو:م اتعرفنا
ابتسمت ومدت ليهو يدها:إريام
صافحها:اسمك حلو..مازن
ابتسمت:ثانكس..اسمك برضو حلو
مازن:يلا
إريام:يلاا
ومشت..
اتنهد وهو بعاين ليها لحدي ما اختفت من نظرو..
اتذكر موقف امبارح معاها..
جا داخل الكافتريا وهو شايل شيتاتو الطلبهم الدكتور من الاسبوع الفات..
طلب عصير ووقف منتظرو يخلص..
لاحظ للواقفة وراهو وبتتكلم بالتلفون:محمد حرام عليك..اعمل شنو يعني لازم اشتريهم عشان ح احتاج ليكم بكرة..ضروري اي..محمماااد
نزلت تلفونها وعاينت لصحبتها وقالت:انا ح اطلع عشان م يفوتني
صحبتها:والشيت؟!
البت:خليهو بشتري بكرة لو لقيت
صحبتها:العصير طيب
البت وهي ماشة:اشربيهو انتي..يلاا
صحبتها بقلة حيلة:يلا
اتلفت وراهو وقال ليها:لو سمعتي
صحبتها عاينت ليهو..وإريام م اتلفتت
مشا خطوة وراها وقال:لو سمعتي
اتلفتت عليهو:معاي انا؟!
وقف قدامها ومدا ليها الشيت:امسكي..سمعتك بالصدفة وشكلك م ح تقدري تشتري الليلة
عاينت ليهو:وانت؟!
مازن:ح اشتري واحد جديد..م حنك
عاينت ليهو مسافة..وشالتو وبدت تفتح شنطتها
وهي بتقول:ثواني طيب..قروشي كانت
قاطعها:قروش شنو..يزولة قولي بسم الله
عاينت ليهو لثانية وبعدها رجعت تفتش:لا لا..مستحيل اشيلو ساي
لبس فريمو:انتي مش كنتي مستعجلة؟!..يلا اطلعي
ومشا خلاها..وهي بتقول:ي هيييي
طبعا م عارفة اسمو😂
رجع لواقعو بي صوت قصي صحبو..البقرا معاهو ف نفس الجامعة بس ف تخصص تاني..
قال ليهو:اها خلصتو؟!
قصي:لغو المحاضرة الاخيرة
مازن:حلوو نتحرك بعد د؟!
قصي:اي اسبقني انت..ونتلاقى ف شارع النيل
مازن وقف وشال حاجاتو:حلوو
وطلع..
مساءً..
في شارع النيل..
رجع ضهرو لورا وهو بقول: م قالت شي..شكرتني علي موقف الشيت واتعرفنا
واحد من اصحابو:اسمها منو؟!
مازن عاين لقصي:ارياام
قصي انبرش:حينااااه..اسمها زاتو غير..سمححةة
مازن ضحك:حالتك صعبة
قصي:البت مكسرة ضلوعي كلهم
مازن ضحك وم ردا..
د كلام قصي في كل مرة يشوفو فيها اريام انها مكسرة ضلوعو كلهم..
وهو امبارح ساعدتها عشان كراش صحبو..لو م كد م كان هبب ليها..
