جَعلتْ من القاتل ضحية...
بارت 28
بعد مرور اسبوعين..
العاشرة صباحاً..
في جامعة الرباط..
ضحك وهو متكل في عربيتو وبتكلم بالتلفون..
بعدها قال:المهم لازم تشوفي ليك طريقة لكباية القهوة
شفق:طيب بشوف..بس بعد تخلص الا انت تخلص امتحانات
مازن:اخر يوم كيف معاك؟!
شفق:الي هو متين؟!
مازن:بعد بكرة
شفق:الاربع..طيب بحاول امهد لي ماما
مازن:اي يخ
شفق:طيب..م وصلتا لسه؟!
مازن:ايييك وصلتا ونزلتا كمان
شفق:طيب يلا..لحدي بعد الامتحان
مازن:طيب يلا
وقفل..
اريام من وراهو:ي بختو الشغالك
مازن:شغالني الشيت الم تميتو د والله
ضحكت وهي بتخش معاهو الجامعة:م نفسك تعرفنا عليها؟!
مازن:بعرفكم بيها والله
اريام:بتقرا ف اي جامعة؟!
مازن ابتسم:لسه بدري عليها..ح تمتحن السنة الجاية
اريام:صغيرة ي مازن دي بتكون شافعة
مازن:لا لا م شافعة
اريام لوت خشمها وم ردت..
يعني هسي هو مخليها ومخلي بنات الجامعة ديل كلهم عشان شافعة لسه م امتحنت؟!...
قصر حفتر..
جات داخلة الغرفة وهي شايلة تلفونها..
ختتو في الشاحن الفي كومودينة..
بليل م شحنتو عشان محمود خاتي تلفونو..
مع ختتها للتلفون وقعت علبة سودا صغيرة كد..
رفعتها وفتحت درج الكومودينة عشان تختها فيهو..
بس شدت انتباها..حجمها المميز..لا كبيرة لا صغيرة..ملمسها المخملي لأنو مكسوة بي الشامو الاسود..الاشكال المنقوشة فيها..
فتحتها..وقع منها كيس صغيير فيهو بواقي بدرة بيضا..
عقدت حواجبها باستغراب وقربتها من وشها..
شمتها..حست بي الارض بتلف من تحتها..
عاينت ليها مساافة وبدت تشك في هوية البدرة دي..
شكها اتأكد لمن داقتها وحست بي لفة راس عجيبة وطعمها مُر..
تفتها "اكرمكم الله" سريع واستغفرت..
قعدت في طرف السرير برااحة وهي بتستوعب..
دي بدرة..محمود بشرب مخدرات؟!..
كم مرة لمحتو شايل العلبة دي او بدخلها في جيبو بس ولا مرة حست بي حاجة غريبة اتجاها..
الليلة اول مرة وبعد وقعت في يدها اكتشفت انها م علبة طبيعية..تقريبا معمولة ليهو مخصوص..
ختت يدها في صدرها وهي بتقول:سجمك ي سمر..طلع مدمن كمان
بلعت ريقها..طول عمرها بتتوقع انو محمود كعب بس عمرها تواقعاتها م وصلت لي درجة انو يكون مدمن..
ليه يدمن؟!..ليه يضيع شبابو ويقتل نفسو بي يدو؟!..هو مش قوي؟!..ليه يرهن قوتو دي للمخدرات؟!..والانيما..كيف يخاطر بي مرضو للدرجة دي؟!..
اتذكرت ايام رمضان..لمن كان حولين عيونو اسود وسألتو وقال ليها من الصيام..يداب عرفتو اسود من شنو..
اتذكرت في اي مرة مزاجو بتغير فجأة..لمن يكون متضايق وفجأة يستكين..كانت قايلاهو برود بس طلع ادمان وتخدير..
رمشت مرتين..وهي بتتذكر برضو انو قبل ينوم بقعد في الجنينة الورا..تراهو قعد يتعاطي وهي قايلاهو عندو مزاج ساي..
طب هسي ح تعمل شنو؟!..تدق لمحمد توريهو؟!.هه اكيد ح يكون عارف..
ي ربي مازن عارف؟!..مستحيل اصلا يعرف حاجة زي دي ويسكت..
ح توريهو انها عرفت ولا تعمل رايحة من الموضوع..
تطلع تخلي ليهو البيت وتطلب منو الطلاق؟!..
هه دي اغبي فكرة..لأنو لا ابوها ولا هو ح يرضو..
