جعلتُ من القاتل ضحية

27

جَعلتْ من القاتل ضحية...

بارت 27

مساء الاحد..
فتح باب العربية ونزل وهو بعمّر في سلاحو..
و وراهو الياس ومعاهو راجل تاني..
دخل جنينة قصر النجاشي وهو بصوب رصاصة لأي حارس بعترض طريقو..
والوراهو بعملو نفس الشي..
بزح جسمو عشان يجلي من طلقة..وبصوب طلقة غيرها..
من غير حماية..ولا حتي بدلة واقية للرصاص..
ماشي وهو متأكد انو ح يصل لي النجاشي القعاد جوة..
ح يصل من غير ما تصيبو ولا طلقة..

داخل القصر..
قعد في الكرسي بخووف بعد شاف حرب الرصاص الحاصلة في جنينة قصرو..
والواضح طبعا انو حفتر ورجالو..رغم قلتهم..منتصرين..

ضرب الحارس الواقف جنب الباب بي كوعو ولفا ليهو رقبتو..
فكاهو عشان يقع جنب كرعينو..
لزا الباب بي يدينو الاتنين وكورك:النجاشيييييي

فوق..
وقف علي حيلو وهو كرعينو بتخبطو بي بعض..
حفتر..وصلو..

طلع السلم بي خطوات اشبه بالجري وهو بقول:اطلللع
فتح باب اول غرفة لقاها قدامو..لقاها فاضية..
قفلو ودار يفتح باب التانية..
لفت نظرو الواقف في بداية الممر..
عيونو غتمت بحقد وهو شايفو قدامو..شايف المجرم القتل امو وابوهو..الراجل الحرمو من اعز حاجة في حياتو..
اتجه عليهو بخطوات بطيئة..
النجاشي كان واقف ساي..
ولمن محمود قرب عليهو..رفع مسدسو بسرعة وصوب رصاصة عليهو..
بس محمود كان اسرع منو وضربو رصاصة في كتفو اليمين..
المسدس وقع منو ومسك كتفو بألم..
محمود وقف قدامو مساااافة وهو بتأمل في ملامحو بي حقد..
ملامحو ال بكرها اكتر من اي شي..
ضربو بي قعر المسدس في بطنو..
النجاشي انحنى قدامو..
ضربو بي قعر المسدس في راسو بورا..
النجاشي وقع..
قعد قدامو وهو ضاغط اسنانو بغضب:قتلتو ليه؟!
كورك:عمل ليك شنو عشان تقتلو قدام اولادو؟!
النجاشي ودموعو جارية من الالم:انا م قتلتو..هو كان صحبي
لزاهو لورا بحقد:كضاااب..قتلتو عشان كان احسن منك..حقدك وكرهك ليهو عماااك
النجاشي كورك:ايوة كنتا بكرهو..بكرهو لأنو الاول في اي حاجة..الجامعة والمعدل..حتي في الشغل كان الاول
محمود ابتسم بفخر..
النجاشي:قتلتو لأنو كان بسحب الشغل من تحت يدي..كان بسحب اي شي من تحت يدي..حتي حبيبة عمري سحبها
محمود عقد حواجبو..
النجاشي:خلتني ومشت ليهو..وفي النهاية خلاها وعرس بت عمو
كورك:كان لازم اقتلو..كان لازم افش غليلي فيهو
محمود:غليلك سببو حقد وحسد..تقتلو بعد ما عملك الشغل والتجارة؟! تقتلو بعد امن ليك واداك ضهرو؟!
النجاشي كورك:م اداني شي..هو شال مني بس..زيو وزي اي فرد في عيلة الدمنهوري..بتشيلو بس م بتعرفو تدو
وقف علي حيلو:بنشيل الحاجات البتخصنا
النجاشي:عملية اثيوبيا كانت بتخصني انا..العميل جاني انا قبل ابوك..كان المفروض اتمها انا م ابوك
محمود:انت المفروض تموت..م بتستحق تعيش ولا ثانية
ودنقر جراهو من جلابيتو..
النجاشي كورك:م تقلتني ي حفتر..م تقتلني
محمود م اشتغل بيهو الشغلة..
جراهو برا القصر..
اتجه علي سكة القطر..و وصلها اقل من دقيقة نسبة لأنها كانت قريبة شديد من قصر النجاشي..
لزاهو في السكة حديد ووقف ورفع المسدس في راسو..
النجاشي:موتي م ح يرجع ليك ابوك
محمود بحقد:موتك ح يبرد النار القايدة في قلبي
النجاشي مسك رجلو:ممكن اعوضك بي اي شي..بس خليني اعيش
محمود نفض رجلو منو:مف شي بعوضني عن اهلي..دمهم قصادو دمك
وطقق..طلقة في نص راسو..
وقع وهو بتنفض زي السمك الطلعوها من الموية..
محمود ضربو طلقة تاني في قلبو..
بقى واقف مسااافة..عاين للسما لمن حسا نفسو مخنوق..رغم برودة الجو..
قعد علي ركبو وكورك بي اعلي صوتو..
دمعتو جرت من عينو اليمين..مسحها وعاين ليدو..
كان مفتكر انو بعد ينتقم ح يرتاح بس حصل العكس..
هدا ليهو متضايق كأنو اهلو ماتو قبل ثواني...