جَعلتْ من القاتل ضحية...
بارت 11
صباح اليوم التالي..
التاسعة صباحاً..
دخلت جامعتها وهي ماشة بسرعة ورا شيرين لأنو محاضرتهم بدت..
وقفت لمن ظهر قدامها من العدم..
عاينت ليهو بخلعة:عمر؟!
ردا ليها وهو عاقد حواجبو:اي عمر..وين انتي ليك اسبوع مختفية؟!
سمر:ااااا
سكتت لمن شيرين اتلفتت عليها وقالت:سمر المحاضرة
عاينت ليها ورجعت تعاين لعمر..
عمر بعتب:برضو ح تمشي من غير تبرير؟!
سمر:عمر انا..
قاطعها:انتي عندك محاضرة..امشي محاضرتك وخليني زي ما كنتي خلاني اسبوع
قالت:عمر عاين
قال ليها:كنتا فاكر اننا بقينا اصحاب..بس اثبتي لي العكس في اختفاك د
ومشا قبل يسمع كلامها
عاينت ليهو مساافة ولحقت شيرين..
قعدت جنب شيرين
شيرين همست:الود د قصتو اتطورت ولا انا بتخيل لي؟!
سمر بنفس الهمس وعيونها علي الدكتور:م اتطورت ولا حاجة بس زعل عشان م وريتو اني ح اسافر
شيرين بحدة:وهو مالو تسافري ولا لأ؟!
سمر عاينت ليها مساافة..صحي هو مالو؟! م ردت وعملت روحها مركزة مع المحاضرة بس عقلها مع عمر..ليه زعلان قدر د؟!
وقف تمارين البُش آب خطف تلفونو البضرب في التربيزة جنبو..فتح الخط وختاهو في اضانو من غير م يتكلم..
رد بعد مساافة:شنوو؟!
سمع رد الطرف التاني
بعدها قال:اديني رئيسك..عقد حواجبو
وقال:حلوو..انا بتصرف..وصل لي رئيسك تقول ليهو حفتر قال ليك مصنع الحديد لي وح يكون من نصيبي
قفل الخط قبل يسمع رد الطرف التاني جدع التلفون بعيد منو..ورجع لتمارينو بزهج..
طلعت من القاعة بعد المحاضرتين المتواصلات..خلت حاجاتها مع شيرين واتجهت سيداً للبنش البقعدو فيهو هي وعمر دايما..لقتو فاضي..عاينت حولينها شافت عمر طالع من المكتبة مشت عليهو بخطوات سريعة.
نادتو:عمرر
اتلفت عليها وواصل مشيهو..سرعت خطواتها لحدي ما حصلتو
سمر:عمر في شنو؟!
عاين ليها بي صرة وم ردا؟!
اتنهدت:م جيت الاسبوع الفات عشان كنتا مسافرة..كنت فمدريد
عاين ليها كأنو داير تفاصيل اكتر..
سمر:اهوي خلص امتحاناتو ومشينا فسحة معاهو
عاين ليها:عندك اخوان انتي؟!
اعتبرتو سؤال عادي وقالت:واحد اكبر مني والامتحن د ود خالي
عاين ليها مساافة بعدها
قال:حرام عليك تخليني معلق كد من غير خبر
عاينت ليهو بخلعة وقالت بتوتر:م افتكرت انو ح يفرق معاك للدرجة دي
عمر:لا ح يفرق ي سمر..ح يفرق
ابتسمت بتوتر ورجعت ضفيرتها ورا ضهرها
ابتسم علي حركتها دي:فاضية نقعد؟!
سمر:اااا..عندي محاضرة بعد نص ساعة+شيرين منتظراني فوق
عمر:بختها بيك شيرين
ابتسمت بتوتر وم ردت
فهم توترها:تمام..لي بعدين
سمر:طييب
عمر:بس اوعا تختفي زي المرة الفاتت
ضحكت بخفة:م ح اختفى
مد ليها يدو:وعد؟!
صافحتو:وعد
ابتسم ب اتساااع وهو بشد علي يدها..فكت يدها وقالت:يلا باي
رفع ليها يدو نظام باي..مشت وهي مبتسمة راقبها لحدي ما اختفت عن نظرو بعدها واصل مشيهو..
