" ဘေးမက်ထ် လေး ဒယ်ဒီ ပြန်လာပြီ.....ထွက်မကြိုတော့ဘူးလား..."
*အမယ် မသိရင် အရင်က ငါကပဲ သူပြန်လာတာကို အိုးစည်ဗုံမောင်း တီးပြီး ကြိုနေသလိုလို....*
မက်သရူး ဆိုဖာပေါ် ဘေးတစောင်းလှဲအိပ်ပြီး နို့ဘူးကို စုပ်သောက်နေရင်း အပြင်က ကားစက်သတ်သံကြားပြီးနောက်မှာ ဟန်ဘင်းရဲ့အော်သံကိုကြားတော့ ခေါင်းသာ တစ်ချက်မော့ကြည့်ပြီး ခပ်ချဉ်ချဉ်တွေးလိုက်သည်..။ လူလိမ် လူညာ ဖုန်းဝယ်ပေးမယ်ဆိုပြီး ငါ့ကို အာလူးတွေ လာပေး..။
" ကြက်ကြော်လည်း ဝယ်လာတယ်.. ဖုန်းလည်း ဝယ်လာတယ်.. ပြီးတော့ ဒီမှာ ကိုကို ယူဂျင်း လည်းပါတယ်.. ထွက်လာကြိုပါဦး.."
ဟန်ဘင်းတစ်ယောက် ကားထဲက အထုပ်တွေ တစ်ခုပြီးတစ်ခုအပြင်ကိုယူထုတ်ပြီး အော်ပြောနေတာကိုကြည့်ပြီး ယူဂျင်းက 'တကယ့်ကလေးအဖေကြီး ကြနေတာပဲ' ဟု ခေါင်းလေးတခါခါ နဲ့မှတ်ချက်ပြုတော့.. ဟန်ဘင်းက သူ့ကို စောင် ကြည့်ကာ ' မင်းလည်း အထုပ်တွေ ကူထုတ် ' ဟု ရာဇသံပေးလာသည်..။
ထိုစဉ် " ဖုန်း.... ဖုန်း............ဖုန်း .........." ဟု တကြော်ကြော်အော်ရင်း ပြေးထွက်လာသည့် စိမ်းပြာရောင် ဝမ်းဆက်နဲ့ကလေးငယ်ဟာ ယူဂျင်း နဲ့ အကြည့်ချင်းဆုံမိတော့ တုံ့ခနဲ ရပ်တန့်သွားသလို ယူဂျင်းကလည်း ထိုကလေးလေးကို အတန်ကြာအောင် စိုက်ကြည့်ပြီး ရင်းနှီးနေသလို ခံစားလိုက်ရသည်..။
" ဟိုင်းးး မက်သရူး......"
" ဟိုင်း......... ဟိုင်း............. "
ယူဂျင်း က လက်ကလေးကိုမြှောက်ကာ နှုတ်ဆက်လိုက်တော့ မက်သရူးက ယူဂျင်းဆီ ပြေးသွားကာ ယူဂျင်း ကို ပြေးဖက်ကာ ပြန်နှုတ်ဆက်လာသည်..။
*အဝါရောင် ကိုယ်ရောင်ကိုယ်ဝါလေး... ကောင်းလိုက်တာ... သူ့ နားနေရင် ငါ စွမ်းအင် တွေ မြန်မြန် တိုးလာနိုင်တယ်*
" ချီ.....ချီ...."
မက်သရူးက ခုန်ဆွ ခုန်ဆွ လုပ်ကာ လက်နှစ်ဖက်ကို ယူဂျင်းဘက်ဆန့်တန်းပြီး တချီ တည်း ချီ ခိုင်းနေပေမယ့် ယူဂျင်းက အထုပ်တွေနဲ့မို့ နောက်မှ ချီမည်ဟု ငြင်းလိုက်တော့ မျက်နှာငယ်သွားသည်..။
YOU ARE READING
Zero Sugar Daddy
FanfictionZero Sugar is not sweet......, but good for Health ! Binthew Fanfiction { Start - 14 May, 2024 - } ဤ FanFiction သည် စာရေးသူ၏ စိတ်ကူးအတွေးသက်သက်သာဖြစ်သည်။မည်သူတစ်ဦးတစ်ယောက်ကိုမျှ ထိခိုက်လိုစိတ်မရှိပါ။
