තුන්කොන් BL

වැව රවුම ( part 6 )

සසිරු pov

උදේට කාලා බීලා අපි ලෑස්ති උනේ මාළිගාවෙ යන්න..

කලු ඩෙනිමට මං අත් දිග ටී ශර්ට් එකක් දාන් ලෑස්ති වෙද්දි මතීශුත් සෙනාශ් එක්ක රණ්ඩු වෙලා කොහොම හරි එයාගෙ ශර්ට් එකක් ඉල්ලන් ඇද ගත්තා..සෙනාශ්නම් තනි සුදු ඇදගෙන බලන් ඉන්න ආස හිතෙන තරම් එයා ලස්සනයි හරියට නිකන් සුදු නෙළුම් මලක් වගේ..මතීශුත් ඊට දෙවනි වෙයිද ඉතින් ඌ කොහොමත් මොකක් ඇන්දත් පට්ට ලස්සනයි..තුන් දෙනාම ලෑස්ති වෙලා යන්න එළියට බහින්න යද්දිම ඔන්න..

" මාත් එනවා.."

සිතිජත් ලෑස්ති වෙලා දුවන් එද්දි අපි ඔක්කොම උන් හිටි තැන්වල නැවතුනා නැවතුනා..

" උබ කොහෙ යන්නද.."

" තෝ කට වහන් හිටපන්කො..මං සසිරු අයියා එක්ක එන්නම්.."

සෙනාශ්ට රැව්ව සිතිජ ඇවිත් මගේ කරට අත දා ගත්තා..

" ඕනි හු#තක් කර ගනින්.."

කුනුහරපෙකුත් කියාන ගිය සෙනාශ් කෙලින්ම නැවතුනේ කාර් එක ලග..

ඉන්නවාකො මං තමුසෙවත් හදලා ගන්න..පොඩි කාලෙ හිටිය කෙනා නෙවෙයි දැන් මේකා පණ්ඩිත පප්පෙක්..

" රාජා අංකල් අපිව මාළිගාවට ගිහින් දාන්නකෝ.."

" හරි ලොකු බේබි.."

සෙනාශ්ලාගෙ ඩ්‍රයිවර් වෙන්න ඇති කියලා කියන්න පුලුවන් කෙට්ටු සුදු මැදි වයසෙ මනුස්සයෙක්..ඒ මනුස්සයාගෙ හිනාව හරි සිරියාවන්තයි..සෙනාශ්ට කට පුරා හිනා වෙලා ලොකු බේබි කියලා කතා කරා..

" නගින්න.."

කාර් එකේ පිටි පස්සෙ දොර ඇරිය සෙනාශ් මට කාර් එකට නගින්න කියද්දි මං එයාට හිනා වෙලා කාර් එකට නැන්ගා..ඒත් එක්කම සෙනාශ් නගින්න යද්දි එයාව තල්ලු කරපු සිතූ නැගලා ඉද ගද්දි මතීශුත් නැගලා වාඩි උනා වෙද්දි සෙනාශ්ට ඉඩ නෑ ඉතින්..දෙන්නටම රැව්ව සෙනාශ් ගිහින් ඉස්සරහින් වාඩි වෙද්දි ඩ්‍රයිවර් අංකල් කාර් එක ස්ටාර්ට් කරන් පිටත් උනා..

හන්තානෙ පට්ට ලස්සනයි නේ..පහල ඉදන් උඩට එනවට වඩා උඩ ඉදන් පහලට යද්දි තමා ලස්සන වැඩියෙන් පේන්නේ..මං ෂැටර් එකෙන් එළිය බලාන් එද්දි මතීශ් සිතිජත් එක්ක ෆෝන් එකේ මොනාදෝ බලනවා සෙනාශුත් ෆෝන් එකේ..එයාලා එයාලාගෙ ලෝකවල ඉද්දි මං මගේ කොලපාට ලෝකේ..