තුන්කොන් BL

පොඩීගෙ හුටපටේ (Part 10)

මතීශ් pov

නුවර ඇවිත් ගෙව්න දවස් කීපෙ මට තේරුන එක දෙයක් තමා සිතූට අපෙ අයියා එක්ක මොකක් හරි හුට පටයක් තියනවා කියන එක..පොඩි එකා අර මහසෝනා එක්ක ඉන්න හැම වෙලේම හෙන වෙනස්..

" අපෙ අයියද.."

මං අහන පරක්කුවට සිතූගෙ මූණ අදුරු වෙලා ගියා..

" ට්‍රැකද.. තොගෙ අයියාට මේ පොඩි එකා කැමති වෙයිද හැලයෝ..අනික අපි සහෝදරයෝ.."

සෙනාශ් මගෙ ඔලුවට පාරක් ගහලා කියද්දි මං අනිත් පැත්තට උගෙ ඔලුවටත් ගැහුවා..මේ හරකා දන්න මගුලක් නෑ මේ ලෝකෙ සිහියකින් ඉන්න එකෙක් නෙවෙයි නේ..මගෙ ඇන්ටනාස්වලටනම් හැම දේම හොදට අහු වෙනවා..

" තොපි දෙන්නා පලයන්කො මං පොඩී එක්ක කතා කරන්නම්.."

" බෑ..// "

සසිරු අපි දෙන්නට යන්න කියද්දි සෙනාශුයි මායි දෙන්නම එක වැර බෑ කිව්වා..

" සිතූ ඇත්ත කියනවකෝ ලොකු අයියා එක්කද උබෙ ඔය හුටපටේ.."

" නෑ.."

" බොරු නේ.."

ඇහිබැම රැලි කරලා මං පොඩීගෙන් අහද්දි ඌ යටිතොල කනපිට පෙරලුවා..

" බනින් නෑ බං අපි..ඇත්ත කියන්න.."

" ලොකු අයියා නෙවෙයි අනේ.."

" එහෙනම් කවුද ඉතින්.."

" අනේ.."

සෙනාශ්ගෙ ඈත් උන පොඩී ආයෙත් ගිහින් සසිරුට තුරුල් උනා..ඌට බය තියෙන්නෙ අපිට ඇත්ත කියන්න..

" මේ තමුසෙලා දෙන්නා යනවකො මෙතනින් පොඩි එකාව අඩවන් නැතුව.."

" දැන් අපිද යකෝ ඇඩෙව්වේ..මූ බලපන්කො මතීශ්.."

" හරි ඉතින්..සිතූ දැන්ම අපිට ඒක කියන්න ලෑස්ති නෑ නේ..එයාට කියන්න හිතුන දවසක ඒක කියයි.."

කොහොමත් දැන් සිතූ ඒ ගැන අපිට කියන පාටක් නැති නිසා මායි සෙනාශුයි සසිරුට ටිකක් පොඩී එක්ක ටිකක් ඉන්න ඇරලා කාමරෙන් එළියට ආවා..සෙනාශ්ටත් වඩා සිතූ සසිරු එක්ක ගොඩක් එකතු නිසා අපිට වඩා එයාව සසිරුට තේරුන් ගන්න පුලුවන්..

එයා කොහොමත් මිනිසුන්ව හරි ඉක්මනට තේරුන් ගන්න කෙනෙක්..

එක දෙයක් ඇර..