[The Wrongful Desire] COMPLETE✔️

ភាគ២:លោកចង់ធ្វើអី?

ភូមិគ្រិះម៉ូរ៉េន

ក្រាក...

"ថេយ៉ុង! " សម្លេងហៅទៅកាន់កម្លោះតូចវ័យប្រមាណ២៤ឆ្នាំ សក់ពណ៏blond ចង្កេះតូចមួយក្តាប់ រាងតូចគួរអោយចង់ថ្នាក់ថ្នម ផ្ទៃមុខស្រស់ស្អាត ថ្ពាល់មានសាច់តិចៗដូចកូនតុក្កតាមួយយ៉ាងអញ្ចឹង នរណាឃើញហើយក៏ក្នាញ់ឃើញហើយក៏ទន់ចិត្តស្រលាញ់ដែរ

"អ្នកមីង..."ថេយ៉ុងងើបឈរឡើងបង្ហាញស្នាមញញឹមតិចៗទៅកាន់អ្នកស្រីអូលីវៀ ដែលជាម្តាយមីងបង្កើតដែលខិតខំចិញ្ចឹមបីបាច់គេមកតាំងតែពីតូចរហូតដល់ធំប៉ុណ្ណេះ គាត់ប្រៀបបានដូចជាម្តាយបង្កើតរបស់គេម្នាក់អញ្ចឹងបន្ទាប់ពីអ្នកម៉ាក់របស់គេបានស្លាប់ទៅ

"ក្មួយរបស់មីងស្រស់ស្អាតណាស់ថ្ងៃនេះ"

"អ្នកមីង... "

"មីងនិយាយជាការពិត ហេនរីមានសំណាងណាស់ដែលទទួលបានក្មួយមីងទៅជាភរិយា"លឺអ្នកមីងនិយាយសរសើរថេយ៉ុងក៏រាងញញឹមដែរតែញញឹមមិនសូវសមយ៉ាងម៉េចក៏មិនដឹង

"កម្មវិធីចាប់ផ្តើមហើយ...លោកប៉ាក្មួយអោយចូលមកហៅ"

"បាទ...តែអ្នកមីងអាចទៅក្រៅសិនបានទេ?ចាំខ្ញុំដើរទៅតាមក្រោយ"

"ហេតុអី? "អ្នកស្រីអូលីវៀចងចិញ្ចើមឆ្ងល់ពេលឃើញក្មួយប្រុសដូចជាមិនទាន់ចូលកម្មវិធីឡើយ

"ខ្ញុំចង់ចូលបន្ទប់ទឹកមួយភ្លែតហ្នឹងណាអ្នកមីង....រួចរាល់ខ្ញុំនឹងចូលទៅកម្មវិធីដោយខ្លួនឯង"អ្នកស្រីលឺហើយញញឹមងក់ក្បាលតិចៗ

"បើអញ្ចឹងមីងចាំក្មួយនៅមាត់ទ្វារបន្ទប់ទទួលភ្ញៀវទេ ស្រូតៗណាពិធីបំពាក់ចិញ្ចៀនជិតចាប់ផ្តើមហើយ"ថេយ៉ុងញញឹមងក់ក្បាលដាក់គាត់ ហើយពេលដែលឃើញអ្នកមីងចេញទៅផុតគេក៏ដើរទៅបន្ទប់ទឹកជាមួយទឹកមុខស្រពាប់ស្រពោនបន្តិចដែរ នោះក៏ដោយសារតែគេមិនបានពេញចិត្តនឹងកម្មវិធីភ្ជាប់ពាក្យមួយនេះឡើយ....គេមិនបានស្រលាញ់ហេនរីក្នុងន័យបែបនោះទេ

ថេយ៉ុងនិងហេនរីស្គាល់គ្នាតាំងតែពីតូចៗ នោះក៏ដោយសារតែគ្រួសារជាមិត្តនឹងគ្នាផង។ ហេនរីអាយុបងថេយ៉ុង៣ឆ្នាំ តែនាយជាមនុស្សល្អ មើលថែគេតាំងតែពីតូចដល់ធំប្រៀបបានដូចជាបងប្រុសម្នាក់ ធ្វើអោយថេយ៉ុងរីករាយពេលដែលមានគាត់នៅក្បែរប៉ុន្តែមិនមែនរីករាយក្នុងន័យស្នេហា ហើយកាលដែរពិធីភ្ជាប់ពាក្យនេះកើតឡើង ក៏ដោយសារតែហេនរីស្រាប់តែចូលមកស្តីដណ្តឹងគេពីលោកឃេវីនដែលជាប៉ាគេ លើកហេតុផលថាចាត់ទុកជាការអរគុណដែល ប៉ារបស់ហេនរីធ្លាប់ជួយជីវិតប៉ារបស់ថេយ៉ុងកាលពីប៉ុន្មានឆ្នាំមុន។ បែបនេះហើយទើបកម្លោះតូចមិនអាចហារមាត់ប្រកែកឪពុកកើតពេលគាត់សួរនាំ ព្រោះចង់បំពេញនាទីជាកូនចំពោះគាត់ ចង់អោយគាត់សប្បាយចិត្ត....តាំងពីអ្នកម៉ាក់ស្លាប់មក លោកប៉ាមិនដែលសប្បាយរីករាយម្តងណានោះទេ ទោះគាត់ព្យាយាមញញឹមដាក់កូនថាគាត់មិនអី ប៉ុន្តែថេយ៉ុងមើលដឹងមករហូត....ហើយគេក៏ឃើញថាថ្ងៃនេះលោកប៉ាមានក្តីសុខនិងសប្បាយរីករាយកម្រិតណា