[The Wrongful Desire] COMPLETE✔️

ភាគ៣០:ពួកយើងទៅសមុទ្រទៅ...

ភូ​មិគ្រិះខេស្តុន

បន្ទប់ទទួលភ្ញៀវ

ថេយ៉ុងអង្គុយអោនមុខចុះ មិនហ៊ានងើបមុខមកសម្លឹងចំឪពុកនិងម្តាយមីងដែលកំពុងសម្លឹងមើលមកគេមិនដាក់ភ្នែកសោះ

"ថេយ៏!!! "លោកឃេវីនបន្លឺឡើងបន្ទាប់ពីស្ងាត់អស់រយ:ពេលជាយូរ អោយម្ចាស់ឈ្មោះងើបទៅមើលទឹកមុខមិនសូវល្អរបស់ឪពុក

"លើកទីមួយដែលប៉ាឃើញកូនក្បាលរឹងដល់ថ្នាក់នេះ....កូនមិនដែលជំទាស់នូវអ្វីដែលប៉ាបានប្រាប់ ប៉ុន្តែសារនេះបែរជាហ៊ានដើម្បីតែមនុស្សប្រុសម្នាក់"នេះហើយជាអ្វីដែលគាត់ឃ្នើសចិត្តបំផុតតាំងតែពីតូចដល់ធំ ថេយ៉ុងជាកូនដែលស្តាប់បង្គាប់ធ្វើអ្វីមិនដែលហ៊ានជំទាស់ឪពុកទេតែនេះស្អីគេ?ទៅនៅជាមួយខាងនោះប៉ុន្មានខែមកវិញហ៊ានជំទាស់គាត់រឿងផ្តាច់ពាក្យមួយហើយ មកឥលូវនៅរឹងទទឹងចង់បន្តទំនាក់ទំនងជាមួយមនុស្សដែលគាត់មិនអនុញ្ញាតថែមទៀត

"ខ្ញុំតាមលោកប៉ាមករហូត...ប៉ុន្តែសារនេះហេតុអីលោកប៉ាមិនព្រមស្របតាមការសម្រេចចិត្តខ្ញុំម្តង? "

"អោយស្របតាមដោយរបៀបណាបើជម្រើសដែលកូនរើសមកចរឹកពាលទំនើងបែបនេះ? មើលតែកាយវិការដែលគេបង្ហាញចំពោះមុខប៉ាទៅ ក្រអឺតក្រទមណាស់!ប៉ាមិនចូលចិត្ត!! "

"តែខ្ញុំថាគេក៏មិនអាក្រក់ណាបងប្រុស ហេតុអីមិនសាកល្បងផ្តល់ឱកាសអោយក្មួយនិងគេទាក់ទងគ្នា"ថេយ៉ុងញញឹមតិចៗពេលលឺអ្នកមីងនិយាយកាន់ជើងខាងខ្លួនបែបនេះតែក៏ទម្លាក់ទឹកមុខចុះវិញពេលលឺលោកប៉ានិយាយឡើងមក

"បងជាឪពុក!បងឆ្លងកាត់ផ្លូវនេះមុនកូន គ្មានឪពុកណាមិនចង់ឃើញកូនគ្មានក្តីសុខឡើយបើមនុស្សនោះមើលទៅមិនសាកសមនឹងលើកកូនអោយមើលថែជំនួស បងក៏នឹងគ្មានថ្ងៃប្រគល់អោយ"

"ប៉ា.... "

"នៅរឹងទទឹងបែបនេះបានន័យថានឹងរើសអាម្នាក់នោះមែនទេ?"ថេយ៉ុងឈ្ងោកមុខយំគ្រវីក្បាលតិចៗ តើអោយគេរើសបានយ៉ាងម៉េចម្ខាងអ្នកមានគុណម្ខាងជាបុរសដែលគេស្រលាញ់....ហេតុអីលោកប៉ាផ្តល់ជម្រើសនេះអោយមកគេទៅវិញ