[The Wrongful Desire] COMPLETE✔️

ភាគ៤៣:លោកត្រូវរបួសមែនទេ?

ឃ្លាំងទំនិញ

ឡានបើកមកឈប់ដោយមានវេស៏រត់ចុះមកបើកទ្វារអោយលោកម្ចាស់ចុះមកមានឈើច្រត់ដែលលោកតាគេធ្លាប់ប្រើធ្វើអំពីឈើខ្លឹមជាជំនួយ គេអាចដើរបានខ្លះក៏ពិតមែនតែក៏នៅត្រូវការឈើច្រត់និងអោយវេស៏នៅចាំដើរក្បែរៗទប់ពីក្រោយ

"លោកម្ចាស់អញ្ជើញ"វេស៏ទាញកៅអីអោយលោកម្ចាស់អង្គុយទល់មុខនឹងអ្នកដែលលុតជង្គង់ចងស្លាបសេកនៅលើដី មានគ្របក្រណាត់ខ្មៅពីលើ

"បើកមុខវាមក! "វេស៏ស្រែកប្រាប់អោយកូនចៅលើកក្រណាត់ខ្មៅចេញ បង្ហាញមុខចោរដែលត្រូវបែកមុខបែកមាត់ងាកឆ្វេងងាកស្តាំសម្លឹងមើលជុំវិញខ្លួនដោយសភាពភិតភ័យ

"ពួក...ពួកឯងជានរណា?ចាប់យើងមកធ្វើស្អី! "គេគំហកសួរញ័រមាត់ភ្នែករេមកប៉ះនឹងបុរសវ័យម្លៃក្រាស់ អង្គុយលើកៅអីមានឈើច្រត់នៅនឹងដៃសម្លឹងមើលមកទាំងក្រសែរភ្នែកត្រជាក់ល្ហឹមឬមួយនេះជាមេរបស់ពួកអ្នកដែលទៅចាប់គេមក?

"បាត់ការចងចាំលឿនម្ល៉េសអាប្អូន? ពីរបីម៉ោងមុនទើបតែទៅប្លន់នរណាមកភ្លេចហើយឬ? "វេស៏គំហកសួរអោយបុរសនោះស្ងាត់បន្តិចមុននឹងបដិសេធញ័រមាត់

"ប្លន់?មិនបានប្លន់ទេ!ពួកឯងកុំចេះតែចោទ! "

"អាចង្រៃហ៊ានកុហកនៅចំពោះមុខពួកយើងនិងលោកម្ចាស់ផង? ចុះម៉េចក៏កាបូបនេះនៅផ្ទះឯង? "កូនចៅម្នាក់ទះក្បាលបុរសនោះមួយទំហឹង លើកកាបូបពេទ្យរបស់ថេយ៉ុងដែលពួកគេរកឃើញនៅឯផ្ទះបុរសនោះ

"យើងប្លន់គ្រូពេទ្យមាឌល្អិតពាក់ព័ន្ធស្អីនឹងពួកឯង? "

"ពាក់ព័ន្ធព្រោះនោះជាមនុស្សរបស់យើង"

"ហើយឯងជាស្អី? អូហ៏ឬមួយជាសង្សារហើយមកសងសឹកយើងមែនទេ"គេតបយ៉ាងឈ្លើយ ហាក់មិនដឹងថាកំពុងនិយាយជាមួយនរណា

"ម៉េចនឹងអាចថាសងសឹកនោះ?យើងគ្រាន់តែមកបញ្ជូនឯងវិញនូវអ្វីដែលបានប្រព្រឹត្តដាក់មនុស្សក្នុងស្ទេស៏ហ្វតតែប៉ុណ្ណោះ"

"ស្ទេ...ស្ទេស៏ហ្វត? "បុរសនោះញ័របបូរមាត់មិនស្គាល់ទៀតមានតែឆ្កួតហើយ មុននេះដែលគិតថាគ្រាន់តែជាពួកអ្នកលេងធម្មតទើបនិយាយឌឺដងទៅវិញ បើដូច្នេះអ្នកដែលអង្គុយទល់មុខគេនេះជាលោកម្ចាស់ស្ទេស៏ហ្វតនោះឬ?ស្លាប់!គេច្បាស់ជាស្លាប់ដោយគ្មានដីកប់ច្បាស់ណាស់