حدث بالخطأ

الفصل (٨)

Flash Back
كان (أحمد) و (ياسمين) فى المطعم ثم قالت (ياسمين): فى أيه يا أحمد قالب وشك كده ليه؟
قال (أحمد): مش قالب وشى ولا حاجه
قالت (ياسمين): لا فى حاجه قول
قال (أحمد): بابا مش راضي إن أحنا نتجوز
قالت (ياسمين): ليه إن شاء الله؟!
قال (أحمد): علشان كيان و....
قالت (ياسمين): كيان.... كيان.. كيان.. هو مفيش غير كيان اللى موقفه حياتنا دى
قال (أحمد): أعمل أيه طيب؟ أنتِ عارفه أنى مش بعرف أكسر كلمة بابا
قالت (ياسمين): أحمد أنت عاوزنى ولا لأ؟!
قال (أحمد): عاوزك طبعاً ومش عاوز غيرك

نظرة (ياسمين) إلى الأرض وهى تفكر ثم وجدت الفكرة
قالت (ياسمين): مش أبوك قالك مفيش طلاق و أنت مش عاوز تكسر كلمته
قال (أحمد): أه
قالت (ياسمين): يبقى نتجوز من غير ما تطلقها
قال (أحمد): أزاى!؟ و أبوكى!
قالت (ياسمين): ما تشغلش بالك ب بابا أنا هعرف أتكلم معاه وهقنعه
قال(أحمد): ياسمين... أنتِ عارفه أنى بحبك أوى
قالت (ياسمين) ضاحكة: منا عارفه
Back
نظرة إليه (كيان) نظرة أشمئزاز ثم ذهبت إلى غرفتها لكى تحضر حقيبتها

قالت (ثريه): ليه يا أبنى كده؟ ليه تعمل فى بنات الناس كده
قال (مهدى) بعصبية: أنت كده بتلويلى دراعى يعنى... ومفكر نفسك راجل بس للأسف يا خسارة تربيتى فيك

نزلت (كيان) إلى تحت وهى حاملة بيدها حقيبتها وخارجه من الباب وذهبت (مياده) ورائها ثم قالت: كيان... كيان أستنى أنتِ هتروحي فين؟
قالت (كيان): أى داهيه المهم أكون بعيدة عن هنا
قالت (مياده): طيب تمام أنا جايه معاكى
قالت (كيان): أرجعى يا مياده تيجى معايا فين
قالت (مياده): ممكن تسكتى وبعدين أنا لو دخلت جوه هاولد من حرقة الدم...

ركبا السيارة ووصلا إلى بيت كبير لكنه قديم
قالت (كيان): أيه المكان ده؟
قالت (مياده): ده يا ستى بيت بابا القديم سبهولى و أنا كل فترة والتانية باجى أقعد شوية أريح أعصابى
قالت (كيان): بس يا مياده أنااا...
قالت (مياده): مفيش بس ولا حاجه يلا ندخل علشان أنا خلاص ضهرى وجعنى من السواقه والواقفة

قالت (ثريه): روحي يا ملك جهزى الأوضه علشان أخوكى ومراته
قالت (ملك): ده بجد؟... ليه إن شاء الله هى أتشلت تبات فى أى دهية
قالت (ثريه): بقولك يا ملك عدى الليلة دى على خير أنا مش ناقصة

عندما أنتهت (ملك) من ترتيب الغرفة من أجل أخوها وزوجته دخلت (ياسمين) الغرفة ثم قالت: أيه ده أنتِ هنا... طيب بما أنك هنا حضريلى الحمام علشان عاوزه أخد شاور
قالت (ملك): أفندم؟.... لتكونى مفكرة أنى خدامة ولا حاجه...أحمدى ربنا أنى بالى مش رايق كنت عرفت شغلى معاكى كويس

بعد ما أستقرت (كيان)  فى المنزل و (مياده) دلتها إلى الغرف
قالت (مياده): أنا لازم أروح بقى علشان كريم عمال يتصل وزمان البيت حريقة هناك
قالت (كيان): شكراً يا مياده بجد أنا مش عارفه أقولك أيه
قالت (مياده): يا بنتى أنتِ عبيطه ده أنتِ أختى
قالت (كيان): صحيح يا مياده أنا مش عاوزه حد يعرف مكانى
قالت (مياده): ما تقلقيش أهم حاجة أرتاحى بس دلوقتي وكده كده هاجى الصبح أطمن عليكى