حدث بالخطأ

الفصل (١٨)

قالت (مياده): ألو... ألو كيان... ألو

سقطت (كيان) على الأرض بعد أصطدامها بالسيارة ولحق بها (مروان) و (نور) مسرعين و ألتقطت (نور) الهاتف من على الأرض وأجابت: ألو
قالت (مياده): ألو يا كيان أيه اللى حصل؟ وأيه صوت العربيات ده؟
قالت (نور)وهى تبكى: أنا مش كيان.... كيان خبطتها عربية وريحين بيها على المستشفى دلوقتي
قالت (مياده) بتوتر: عربية أيه؟!.... ريحين على أنهى مستشفى؟..... تمام عرفتها أحنا جايين

أغلقت (مياده) الهاتف و أخبرت الجميع بما حدث و أتجهوا مسرعيين إلى المستشفى....
وصل الجميع إلى المستشفى وقال (مهدى): فى أيه يا بنتى أيه اللى حصل؟
قالت (نور)باكية : كانت ماشية وهى متعصبه وجت عربية خبطتها وهى بتعدى
قال (مهدى): لا حول ولا قوة إلا بالله..... أتصلى على أخوك يا أبنى شوفلى هو فين
قال (كريم): بتصل عليه مش بيرد

خرج الطبيب.... قال (مهدى): خير يا دكتور طمنا؟
قال (الطبيب): مفيش حاجه تستدعى القلق هى بس عندها كسر فى أيديها اليمين وكام كدمه خفيفة
قالت (مروان): بس دى كانت غايبة عن الوعى لما نقلناها
قال (الطبيب): ماتقلقوش ده من الصدمة مش أكتر
قال (كريم): ينفع يا دكتور ندخل نشوفها؟
قال (الطبيب): طبعاً أحنا هننقلها دلوقتي على أوضتها.... عن أذنكوا
قالت (ثريه): الحمدلله يارب الحمدلله

نظر (كريم) إلى (مروان) بنظرات حاده ولكنه لا يريد أن يفتعل مشكلة فى ظل وجود (كيان) فى المستشفى

دخل الجميع إلى الداخل ماعدا (نور) و (مروان)
قال (مهدى): حمد لله على سلامتك يا بنتى
قالت (كيان): الله يسلمك يا عمى
قال (كريم): خوفتينا عليكى والله
قالت (كيان): أنا مش فاكره حاجه هو أيه اللى حصل؟
قالت (مياده): عربية خبطتك وأنتِ بتتكلمى معايا
قالت (كيان): هو أحمد عرف؟
قال (كريم): بتصل بيه مش بيرد
قالت (ملك): هو أنتِ أتخانقتى أنتِ و أحمد؟

ضربتها (مياده) على كتفها
قالت (ملك): أيه يا جماعة هى غريبة يعنى ماهما علطول متخانقين
قال (كريم): ملك
قالت (ملك): نعم؟!
قال (كريم): أسكتى

طرق الباب و إذا ب (رامى) و (زينة) يدخلون
قالت (زينة) بتوتر: كيان حبيبتى أنتِ كويسة؟!
قالت (كيان): كويسة يا حبيبتى ماتقلقيش
قال (رامى): أيه اللى حصل؟ ومين عمل فيكى كده؟
قالت (كيان): معرفش
قالت (زينة): ماما كانت هتيجي بس قولنالها تجيلك بعد ماتطلعى أحسن
قالت (كيان): ماتتعبيش نفسك أنا عارفه أنها مش هتيجى
قال (رامى): جهزى نفسك علشان تيجي معانا البيت
قال (مهدى): تيجي معاك فين... كيان هتيجى عندى
قال (رامى): معلش يا عمى الكلام ده قبل مايكون أخوها موجود
قال (مهدى): أنت هتكسر كلمتى يا رامى ولا أيه؟
قالت (كيان) صارخة: بس...... أنا مش هروح هنا ولا هنا أنا هروح بيتى
قال (رامى): قولى تانى كده علشان ماسمعتش
قال (مهدى): الكلام اللي قولته هيتنفذ مفيهوش نقاش