قالت (كيان): طب أنتوا فى مستشفى أيه؟
قالت (مياده): ماتجيش يا كيان هى كانت عماله تهلوس وتقول أسمك وإن أنتِ اللى عملتى فيها كده
قالت (كيان): أيه؟!هى أتجننت أنا ماعملتش حاجه ولا لمستها حتى
قالت (مياده): دى لو عملت أيه مش هصدقها... أهم حاجة مايحصلش حاجه للبيبى أو ليها
قالت (كيان): و أنتِ عوزانى مأجيش علشان التهمة تتثبت عليا..... أنا هاجى أبعتيلى اللوكيشن
قالت (مياده): ماشي بس على مهلك.... و خلى بالك علشان كلهم هنا و على أخرهم فحاولى تهدى
قالت (كيان): أنا ماعملتش حاجه أخاف منها أهم حاجه هى تقوم بالسلامه هى والبيبى
أغلقت (مياده) الهاتف وجاء (كريم) نحوها وقال: أيه اللى حصل؟
قالت (مياده): سمعنها بتصرخ روحنا على الأوضه لقينها غرقانة فى الدم و فى قطعة أزاز فى جسمها وعماله تهلوس وتقول كيان اللى عملت فيا كده
قال (كريم): بس أستحالة كيان تعمل حاجه زى كده
قالت (مياده): و انا كمان مش مصدقه إن كيان تعمل كده بس لو كيان ماعملتش كده أومال أيه اللى حصل؟
قال (كريم): معقول تكون ياسمين عملت كده علشان تتهم كيان؟
قالت (مياده): أو علشان تدارى على حاجه.... أنا قلبي مش متطمن خصوصاً إن كيان جايه على هنا و ماعرفش أحمد لو شافها هيعمل أيه؟
قال (كريم): هى جايه على هنا؟! ليه يا مياده قولتلها تيجى
قالت (مياده): قولتلها ماتجيش بس هى مش بتسمع من حد ما أنت عارف
قال (كريم): ربنا يستر
جائت (كيان) إلى المستشفى و سلمت على الجميع وقالت: ماتقلقيش يا طنط ثريه هتبقى كويسه
قالت (ليلى)باكية: أنتِ أيه اللى جايبك هنا؟ جايه تشمتى فيها
قالت (كيان): أشمت فى مين.... أنا ماعملتش حاجه أصلا...
قالت (ليلى): يعنى أنا أختى بتكدب....أحمدى ربنا إن رامى أخوكى كان زمانى طلعت روحك فى أيدى
قالت (كيان): أنا محترماكى بس علشان عارفه الوضع اللى أنتِ فيه غير كده كنت عرفتك أنتِ بتتكلمى مع مين
قالت (ليلى): هتموتينى زى ما عملتى فى أختى اااا...
قال (أحمد) صارخاً: بس مش عاوز أسمع صوت حد
خرج الطبيب من غرفة العمليات....
قال (أحمد): خير يا دكتور هما كويسين
قال (الطبيب): ماتقلقوش الأم والطفل بخير الحمدلله إن المكان اللى أتغرزت فيه قطعة الازاز كان مكانها بعيد عن الرحم وما تسببتش فى قطع أي وريد أحنا خيطنا مكان الجرح بس لازم الأم ترتاح عندنا شوية
قال (أحمد): الحمدلله... أنا ممكن أشوفها؟
قال (الطبيب): هى لسه تحت تأثير المخدر ساعة وهنخليك تدخل تشوفها
قال (أحمد): تمام
أخذ الجميع يهنئ بعضهم البعض أن (ياسمين) و الطفل بصحة جيده ولم يحدث لهم شئ
أخذ (أحمد)(كيان) من يدها و ذهب بها فى مكان لا يراهم فيه أحد
قالت (كيان): سيب أيدى يا أحمد وجعتنى.... وبعدين أكيد أنت مش مصدق الجنان اللى ياسمين قالته ده مش كده؟ أنا أستحالة أفكر أقتل حد حتى لو كنت مش بحبه أنااا....
قال (أحمد): أنتِ طالق يا كيان
أنت تقرأ
حدث بالخطأ
Romanceالحياه مثل اللعبه ليس كل الاوقات تمضى كما يحلو لنا احيانا يحدث اشياء ليس لنا يد فيها مره تكون لصالحنا ومره تكون ضدنا
