حدث بالخطأ

الفصل (١١)

أنهالت عليهم المباركات بالمولود الجديد ولكن (كيان) كانت فى صدمة لا تعرف ما تفعل
قالت (ياسمين): أيه يا كيان مش هتقولى مبروك ولا أيه
قالت (كيان): ألف مبروك
نظرة (كيان) إلى (أحمد) بنظرة عتاب ثم أكملت حديثها ثم قالت: أنا أسفه يا جماعة بس لازم أمشى
قال (كريم): أستنى يا كيان أنا جاى معاكى

ذهب (كريم) و (مياده) يلحقون ب (كيان)
قال (كريم): كيان أناااا...
قالت (كيان) بعصبية وهى تبكى: كريم لو سمحت أنا مش عاوزة أسمع حاجه... هتقولى أيه يعنى ماكنش قصده.... ماكنتش عاوزنى أزعل علشان كده ماقولتليش.... ما تحاولش تدافع عنه علشان أنا خلاص تعبت
قالت (مياده): طب يلا علشان نوصلك البيت
قالت (كيان): لأ يا مياده روحوا أنتوا أنا هروح لوحدي
قال (كريم): مش هينفع يا كيان تروحي لوحدك الدنيا ليل
قالت (كيان): عاوزة أبقى لوحدي

ذهبت (كيان) فى طريقها وهى تفكر وتتذكر كل لحظاتها مع (أحمد) وهى تبكى ولا تدرى كيف وصلت الأمور إلى ما حدث حتى وصلت إلى المنزل

ذهب (كريم) و (مياده) إلى المنزل ودخلا إلى الغرفة
قالت (مياده): النهارده كان يوم متعب أوى
قال (كريم): أه فعلاً
قالت (مياده): ماتستنانيش أنا تعبانة وهبات فى أوضة يزن
قال (كريم): أااااه أوضه يزن... يعنى زى كل يوم
قالت (مياده): فى أيه يا كريم
قال (كريم): أنتِ اللى فى أيه يا مياده أنتِ مش شايفة نفسك أنتِ بقالك شهرين بتباتى فى أوضة يزن بحجة أنك تعبانة... أنتِ من ساعة ما خلفتى وأنتِ بقيتى أم بس مابقتيش مياده اللى أنا أعرفها وحبيتها... ولو فضلنا كده أنا ماينفعنيش العيشة دى
قالت (مياده): لأ ثوانى مش فاهمة أنت قصدك أيه بالكلام ده؟
قال (كريم): يعنى نتطلق
قالت (مياده): أنت شايف كده.... تمام يا كريم تصبح على خير

حل الصباح و إذا ب (مياده) تتصل ب (كيان)
قالت (مياده): عامله أيه
قالت (كيان): بحاول أبقى كويسه.... أنتِ صوتك ماله؟
قالت (مياده): مفيش حاجه يا كيان
قالت (كيان): أخلصى يا مياده وقولى فى أيه؟
قالت (مياده): مفيش أنا وكريم هنتطلق
قالت (كيان): أيه الهبل ده طلاق أيه... أنتوا أتعاديتوا مننا ولا أيه... أقفلى يا مياده وتعالى على الكافيه اللى جنب البيت
قالت (مياده): ملهاش لازمة يا كيان أنا اا...
قالت (كيان): ممكن تسكتى... أنا نص ساعه وهبقى عندك سلام

فى أثناء حديث (كيان) قابلها (أحمد) فى الممر
قال (أحمد): مالك فى أيه؟
قالت (كيان): أخوك أتجنن
قال (أحمد): عمل أيه؟
قالت (كيان): عاوز يطلق
قال (أحمد): أيه؟.... بتهزرى... كريم... ده بيموت فيها أيه الجنان ده
قالت (كيان): بقولك أيه معلش قول لعمى أنى هخرج علشان هقابل مياده بس ماتقولوش على اللى حصل عقبال مانشوف هنعمل أيه فى الموضوع ده
قال (أحمد): ماتقلقيش أنا هقول لبابا ومش هحسسه بحاجة روحي بس أفهمى الحوار من مياده علشان أنا لو عملت أيه... كريم مش هيحكى حاجه
قالت (كيان): تمام
قال (أحمد): كيان
قالت (كيان): نعم
قال (أحمد): خلى بالك على نفسك
قالت (كيان): ماشي ماشي أنا لازم أمشى دلوقتي سلام