حدث بالخطأ

الفصل (٦)

قالت (كيان): يا ترى عاوزنى فى أيه
قال (أحمد): الصراحة معرفش.... بس أن شاء الله خير

دخلوا جميعاً إلى غرفة المكتب
قالت(كيان): جيبنى ليه؟
قال (مهدى): حبيت أسيبك لما تهدى
قالت (كيان): أمممم.... وأنت شايفنى هديت
قال (مهدى): أسمعى... و عاوزك تسماعينى للأخر.... أنا ماموتش أبوكى والحكايه مش زى ما أنتِ فاكره
قالت (كيان) بأستهزاء: أومال أيه الحكايه بالظبط؟
قال (مهدى): الحكايه كلها بدأت يوم ما شوفتك مع أبوكى

Flash Back
قال (مهدى): أيه ده يا رمزى مين القموره دى؟
قال (رمزى): بنتى يا بيه.... سلمى على البيه يا بنتى
قالت (كيان): أزى حضرتك يا عمى
قال (مهدى): الحمدلله الحمدلله... ما شاء الله يا زين ما خلفت يا رمزى
قال (رمزى): ربنا يخليك يا بيه
قال (مهدى): أومال أنتِ بتعملى أيه هنا؟
قالت (كيان): أنا اا...
قاطعها (رمزى): رايحه الشغل يا بيه... يلا يا بت خدى الحاجه وروحي شوفى شغلك
Back

قال (مهدى): ساعتها أبوكى شاف أنك عجبتينى ودخلتى دماغى بعدها أنا جبته على المكتب علشان أتكلم معاه أن الديون ذادت أوى  ولازم يتصرف ساعتها وضع الشركه مكنش أحسن حاجه و كنا بنشوف الفلوس اللى لينا بره ويشهد ربنا أنى صبرت على أبوكى أكتر من 5سنين ولا فى يوم طالبته بيهم  فكرته كلعاده هيقولى حاضر يا بيه وهتصرف بس ردوا فاجئنى وقتها قالى....

Flash Back
قال (رمزى): بص يا مهدى بيه أنا مش هعرف أجيب الفلوس لا دلوقتي ولا حتى بعدين أنا عندى ليك أتفاق حلو و أن شاء ترضى بيه
قال (مهدى): و أيه هو الأتفاق؟!
قال (رمزى): خد بنتى لأبنك... خد بنتى الكبيره اللى أنت شفتها كده كده هى مكملتش تعليم ومحدش هيرضى بيها خدها تبقى خدامة تحت رجليك... لكن يا بيه  لو أتسجنت مين هيصرف على البيت والبت التانية فى الجامعة ده غير أبنى اللى متغرب يرضيك يا بيه أتسجن

Back
قال (مهدى): وقتها أنا أتفجأت من رده وجيت أفكر فيها لقيت أنه أسلم حل أجوزك لأبنى لأنى ماكنتش هلاقى أحسن منك تبقى زوجة لأبنى

قالت (كيان) صارخه وهى تبكى: و أنا.... أنا اللعبة اللى بتحدفوها لبعض... حتى لو ده اللى حصل مكنش فى طريقة أحسن من كده تجوزونا بيها... يعنى أنا فى نظركوا مجرد سلعة بتفكوا بيها دين... مش كده يا مهدى بيه
قال (مهدى): أنا يمكن أكون غلطت لكن والله يا بنتى كان غصب عنى وعمرى ما فكرت أعمل كده علشان أذيكى أنتِ أو أحمد
قالت (كيان): طيب بعيداً عن كل ده و أنك خايف عليا.. مخلتنيش أروح أشوفه ليه قبل ما يموت.. مخلتنيش أودعوا ليه حتى إن كان راجل وحش بس فى الأول و الأخر أبويا
قال (مهدى): علشان أنا أعرف عن حوار رامى واللى عملوا فيكوا أبوكى حكالى قبل كده علشان كده مردتش أنك تروحي هناك علشان عارف أن رامى كان فى  العزاء و أنتِ لو شوفتيه أعصابك هتتعب أكتر
قالت (كيان): ثانية واحده ثانية واحده.. هو رامى راح العزاء؟!
قال (مهدى): أه هو كان هناك