بعد مرور 6 أشهر
صرخت (ياسمين) بأعلى صوتها ليتم نقلها إلى المستشفى بسبب ألم الولادة..... كانت الولادة صعبة جداً و أستغرقت الولادة أكثر من 3 ساعات ولكن ما حدث بعد ذلك كان شئ غير متوقع!....
دخل (أحمد) إلى الداخل غرفة (ياسمين) بعد أن أفاقت......
قال (أحمد): أنتِ كويسه يا حبيبتى؟
قالت (ياسمين): أنا كويسه هو أيه اللى حصل؟ البيبى كويس؟
قال (أحمد): أه الحمدلله ربنا رزقنا ببنوتة والحمد لله صحتها كويسة بس اا.....
قالت (ياسمين): بس ايه يا أحمد؟
قال (أحمد): الولادة كانت صعبة وحصلك مضاعفات بسبب العملية الأولى الدكتور كان مجبر أنه يشيل الرحم
قالت (ياسمين) باكية: أيه؟ بتقول أيه يا أحمد؟
قال (أحمد): خلينا نبص للجانب الكويس إن ربنا رزقنا ببنوتة زى القمر الحمدلله و ماحرمناش من الخلفة
أحضرت الممرضة الطفلة ووضعتها بين يدين (ياسمين).......
نظرة لها (ياسمين) وهى تبكى وغير قادره أن تنسى ما فعلته ب (كيان)...... وضعتها (ياسمين) فى سريرها وقالت: أحمد كنت عاوزة أقولك على حاجه أنا مش قادره أخبى أكتر من كده
قال (أحمد): فى أيه يا حبيبتى قولى؟
قالت (ياسمين): كيان مالهاش ذنب في أى حاجه من اللى حصلت أنا اللى عملت كل حاجه
قال (أحمد) بحدية: أزاى بالظبط؟
قالت (ياسمين): أنا اللى عملت حوار السرقة و أنا اللى عملت أكونت فيك وبعت منه الرسايل اللي وريتهالك و أنا اللي غرزت السكينة فى بطنى علشان ماكنتش عاوزة أخلف
قال (أحمد)بغضب: أنتِ.... أنتِ بتقولى أيه؟.... أنتِ بتكدبى عليا صح؟
قالت (ياسمين): كان نفسي يا أحمد بس أنا المره دى بقول الحقيقه بجد...... كيان مالهاش ذنب في حاجه أنا اللى عملت كل ده
قال (أحمد): ليه يا ياسمين؟ عملنالك أيه أنا أو هى علشان تعملى فينا كده؟
قالت (ياسمين): علشان عارفه أنها بتحبك و أنت كمان بتحبها يا أحمد..... أنا و أنت ماحبناش بعض... أنا كنت بعند علشان متعودة أنى مش بخسر واللى ببقى عوزاه بيجيلى
قال (أحمد): و أنا لعبة فى أيديكى مش كده
قالت (ياسمين): روحلها يا أحمد هى بتحبك و هى اللى تستاهلك
قال (أحمد): أنتِ خسرتى المره دي يا ياسمين بس ما خسرتنيش لوحدي لأ أنتِ خسرتينى أنا وبنتى
قالت (ياسمين) صارخة: لأ يا أحمد..... لأ
حمل (أحمد) أبنته وخرج بها إلى المنزل و الجميع فى زهول لا أحد يفهم ما حدث...... عندما وصلا إلى المنزل
قال (أحمد): خودى يا ملك طلعيها فوق ونيميها
قالت (ثريه): فى أيه يا أبنى؟.. أى اللى حصل؟
قال (أحمد): ياسمين حكتلى على كل حاجه
بدأ يروى لهم ما قالته (ياسمين)
قال (مهدى): لا حول ولاقوة إلابالله أزاى فى ناس بتفكر كده
قال (كريم): بس يا أحمد أنت ناوى على أيه؟ البنت الصغيرة مالهاش ذنب في اللى حصل ده كله...... البنت محتاجة أم
قال (أحمد): كريم أنا عاوزك تدور على كيان بسرعة
قالت (ميادة): هو ده بجد؟! أنتوا مفكرينها أيه علشان كل شويه روحى وتعالى على مزاجكوا
قال (أحمد): المره دي أنا متأكد من اللى أنا بعمله
قالت (مياده): أنا مش معاكوا فى اللى أنتوا عيزينوا ده
أنت تقرأ
حدث بالخطأ
Romanceالحياه مثل اللعبه ليس كل الاوقات تمضى كما يحلو لنا احيانا يحدث اشياء ليس لنا يد فيها مره تكون لصالحنا ومره تكون ضدنا
