أحضر (أحمد) الحقيبه إلى (كيان) وأخرج منها الحقنه وأعطها لها وحملها إلى السرير حينها قد بدأت (كيان) أن تفيق من جديد وقال (أحمد): أنتِ كويسه؟
قالت (كيان): أنا بقيت كويسه.... تمام بجد
قال (أحمد): خلاص يا جماعه الحمد لله بقت كويسه تقدروا تروحوا تناموا
قال (كريم): لو حصل حاجه كلمنى أنا مش هنام
قال (أحمد): تمام... تصبحوا على خير
ذهب الجميع وأعاد (أحمد) السؤال على (كيان) وقال: أنتِ كويسه بجد؟
قالت (كيان): والله كويسه
قال (أحمد): أنتِ لازم تاكلى مش هينفع كده
قالت (كيان): ماليش نفس والله
قال (أحمد): يعنى أيه يعنى مالكيش نفس أنا هقوم أجيبلك الصينية علشان تاكلى حتى لو غصب
قالت (كيان): حتى لو كان ليا نفس يا أحمد مش هعرف أكل بردو لأنى عندى حساسيه من السمك
قال (أحمد): طب أجيبلك أكل من بره؟
قالت (كيان): حقيقى مش جعانه أنا كل ألى أنا عوزاه أنى أنام
قال (أحمد): تمام أنتِ نامى على السرير براحتك أنا هنام فى أوضه الضيوف
خرج (أحمد) وظلت (كيان) تفكر كيف يكون بهذا اللطف والقسوه فى آن واحد لقد شعرت بالأمان كما لم تشعر به من قبل
أشرقت الشمس وإذا ب (أحمد) يوقظ (كيان) ويقول: كيان.... كيان قومى عاوز أقولك على حاجه
قالت (كيان) بصوت نعس: حاجه.... حاجه أيه دلوقتي
قال (أحمد): قومى بجد مش بهزر عاوز أقولك حاجه
قالت (كيان): قومت أهو فى أيه؟ عاوز تقول أيه؟
قال (أحمد): قومى ألبسى أحنا رايحين مشوار
قالت (كيان): مشوار؟! ... معاك؟!
قال (أحمد): هو أنتِ لازم تعترضى وخلاص
قالت (كيان): ماشي.. هلبس لما نشوف هتودينى فين من الصبح كده
تجهزت (كيان) وأصبحت بمظهر أنيق مما جعل (أحمد) لا يستطيع التوقف عن النظر إليها ولكن قطع هذا ألاعجاب صوتها وهى تقول: أنا جاهزه
قال (أحمد): تمام.... يلا
نزلوا إلى الأسفل والجميع جالس على المائدة فى أنتظارهم قال (أحمد): صباح الخير يا جماعه سفره دايما إن شاء الله أحنا هنفطر ونتغدى بره كلوا أنتوا
قالت (ثريه): أنتِ كويسه يا حبيبتى؟
قالت (كيان): أه الحمدلله شكراً على سؤالك
ركبوا السياره وعندما وصلوا إلى المكان أندهشت (كيان) من هذا المكان الذى تعرفه وقالت: ده بجد؟!
قال (أحمد): أنا عارف أنك مش هتعرفى تيجى لوحدك فقولت أجيبك أنا
طرقت (كيان) الباب وإذا بأختها (زينة) تفتح الباب وهى مندهشه بأن أختها تقف أمامها
قالت (زينة): كيان!! ... وحشتيني أوى أوى بجد... يا ماما يا ماما كيان جت هى وجوزها
قالت (كيان): وحشتونى أوى... عامله أيه يا ماما
قالت (كريمه): أنا كويسه طول ما أنتِ كويسه... وأنت يا أبنى عامل أيه
قال (أحمد): كويس الحمدلله
قالت (كيان): عامله أيه يا زينا عامله أيه فى المذاكرة عارفه لو سمعت أنك مش بتذاكرى هعمل فيكى أيه
قالت (زينة): لا والله بذاكر.. الأمتحانات قربت أدعيلى
قالت (كيان): ربنا ينجحك ويطمنى عليكى يارب... أمال فين بابا؟
قالت (كريمه): فى الشغل
قالت (كيان): كنت عاوزه أشوفه... يلا أن شاء الله تتعوض
أنت تقرأ
حدث بالخطأ
Romanceالحياه مثل اللعبه ليس كل الاوقات تمضى كما يحلو لنا احيانا يحدث اشياء ليس لنا يد فيها مره تكون لصالحنا ومره تكون ضدنا
